ମୁମ୍ବାଇ, ୨୦/୩ : କିଛି ଦିନର ଅପେକ୍ଷା । ଫିଲ୍ମ ହଲରେ ରିଲିଜ ହେବ ସଲମାନ ଖାନଙ୍କ ବହୁ ପ୍ରତିକ୍ଷୀତ ସିନେମା ସିକନ୍ଦର । ଏହାକୁ ଦର୍ଶକ ଅପେକ୍ଷା କରି ରହିଛନ୍ତି । ଇଦ୍ ଅବସରରେ ମାର୍ଚ୍ଚ ୩୦ରେ ରିଲିଜ ହେବାକୁ ପ୍ରସ୍ତୁତ ଅଛି ସିକନ୍ଦର ।
ସଲମାନଙ୍କ ଲାଗି ଏହି ସିନେମା ‘କର ବା ମର’ ସ୍ଥିତିରେ । କାରଣ ସେ ପୂର୍ବ ବହୁ ସମୟରୁ ସକ୍ସେସର ସ୍ବାଦ ପାଇ ନାହାନ୍ତି ଯେତିକି ତାଙ୍କ ଷ୍ଟାରଡମକୁ ଜଷ୍ଟିଫାଇ କରୁଛି । ଏହି ସିନେମା ସଲମାନଙ୍କ ଲାଗି ହିଟ୍ ହେବା ବହୁ ଜରୁରୀ ଅଟେ । ଆସନ୍ତୁ ଜାଣିବା ଏହି ଫିଲ୍ମ କେତେ କଲେକ୍ସନ କଲେ ହିଟ୍ ହେବ । ସଲମାନଙ୍କ ଏହି ଫିଲ୍ମକୁ ୨୦୦କୋଟିରେ ନିର୍ମାଣ କରାଯାଇଛି । ପ୍ରକାଶ ଯ, ଏହି ଫିଲ୍ମ ସଲମାନ ଖାନଙ୍କ ସବୁଠାରୁ ଅଧିକ କଲେକ୍ସନ କରିଥିବା ଫିଲ୍ମ ହେବ ନାହିଁ ଯଦି ଏହା ହିଟ୍ ହେବ ନାହିଁ ।
ବକ୍ସ ଅଫିସର ଫଣ୍ଡାମେଣ୍ଟାଲ୍ସ ଅନୁସାରେ , ଯଦି ଫିଲ୍ମକୁ ହିଟ୍ ହେବାକୁ ଅଛି ତେବେ ଏହା ପ୍ରାୟ ୪୦୦କୋଟି ଟଙ୍କା କଲେକ୍ସନ କରିବାକୁ ହେବ । ତଥା ନିଜ ବଜେଟର ୧୦୦ପ୍ରତିଶତ କଲେକ୍ସନ କରିବା ପରେ ଫିଲ୍ମ ହିଟ୍ ହୋଇଯିବ । ଏହାସହ ଏହି ସିନେମା ତାଙ୍କର ସବୁଠାରୁ ଅଧିକ କଲେକ୍ସନ କରିଥିବା ଫିଲ୍ମ ବି ହୋଇଯିବ ।
ସଲମାନ ଖାନଙ୍କ ଟାଇଗର ଜିନ୍ଦା ହେ, ତାଙ୍କର ସବୁଠାରୁ ଅଧିକ କଲେକ୍ସନ କରିଥିବା ଫିଲ୍ମ ଅଟେ । ଯାହା ଭାରତରେ ୩୩୯.୧୬କୋଟି ଟଙ୍କା କଲେକ୍ସନ କରିଥିଲା । ଫଳରେ ଫିଲ୍ମ ଏହାଠାରୁ ବି ଯଦି ୨୦ପ୍ରତିଶତରୁ ଅଧିକ କଲେକ୍ସନ କରିବ ତେବେ ଯାଇ ହିଟ୍ ହେବ । ଗତ ମାସରେ ରିଲିଜ ହୋଇଥିବା ଫିଲ୍ମ ଛାବା ବକ୍ସ ଅଫିସରେ ଯେଭଳି କମାଲ କରିଥିଲା ସେହିଭଳି କଲେକ୍ସନ କରିବା ପାଇଁ ସିକନ୍ଦରକୁ ପଡ଼ିବ । କେବଳ ହିଟ୍ ହେବାକୁ ସିକନ୍ଦରକୁ ୪୦୦କୋଟି ଟଙ୍କା କଲେକ୍ସନ କରିବାକୁ ପଡ଼ିବ ।
