ନୂଆଦିଲ୍ଲୀ ୧୩/୦୫: ମୌନି ରୟ ଏବଂ ତାଙ୍କ ସ୍ୱାମୀ ସୂରଜ ନାମ୍ବିଆରଙ୍କ ମଧ୍ୟରେ କିଛି ଭଲ ନଥିବା ଖବର ଏବେ ଖୁବ୍ ଚର୍ଚ୍ଚାରେ। ଯେତେବେଳେ ସୋସିଆଲ ମିଡିଆରେ ୟୁଜର୍ସ ଜାଣିବାକୁ ପାଇଲେ ଯେ ଏହି ଦମ୍ପତି ଆଉ ଇନଷ୍ଟାଗ୍ରାମରେ ପରସ୍ପରକୁ ଫଲୋ କରୁ ନାହାଁନ୍ତି ସେତେବେଳେ ଗୁଜବ ବଢିବାକୁ ଲାଗିଲା। ଏବେ, ଏହାକୁ ନେଇ ଏକ ନୂଆ ମୋଡ଼ ସାମ୍ନାକୁ ଆସିଛି, ଯାହା ସେମାନଙ୍କର ଅଲଗା ହେବାର କଳ୍ପନାଜଳ୍ପନାକୁ ଜନ୍ମ ଦେଇଛି।
ମୌନି ରୟଙ୍କ ଫଲୋଅର୍ସରେ ନା ସୂରଜ ନାମ୍ବିଆରଙ୍କ ନାମ ଦେଖାଯାଉଛି, ନା ସୂରଜ ନାମ୍ବିଆରଙ୍କ ଇନଷ୍ଟାଗ୍ରାମରେ ମୌନି ରୟଙ୍କୁ ଫଲୋ କରୁଥିବା ଦେଖାଯାଉଛି। ଏହା ବ୍ୟତୀତ, ମୌନି ତାଙ୍କ ଇନଷ୍ଟାଗ୍ରାମ ଆକାଉଣ୍ଟରୁ ସୂରଜଙ୍କ ସହିତ ସମସ୍ତ ପୋଷ୍ଟ ଏବଂ ଫଟୋ ମଧ୍ୟ ଡିଲିଟ୍ କରିଦେଇଛନ୍ତି। ଏପରିକି ସେମାନଙ୍କ ପ୍ରୋଫାଇଲ୍ରୁ ବିବାହ ଫଟୋ ମଧ୍ୟ ଗାଏବ ହୋଇଯାଇଛି। ଏବେ, ଏହି ସମସ୍ତ ରିପୋର୍ଟ ପରେ, ସୂରଜ ନାମ୍ବିଆର ତାଙ୍କ ଇନଷ୍ଟାଗ୍ରାମ ଆକାଉଣ୍ଟକୁ ଡିଆକ୍ଟିଭ କିମ୍ବା ଡିଲିଟ୍ କରିଦେଇଛନ୍ତି। ଯାହା ପରେ ଦୁହେଁ ଅଲଗା ହେବାର ଚର୍ଚ୍ଚା ଆହୁରି ବଢିଯାଇଛି। ତଥାପି, ମୌନି ରୟ କିମ୍ବା ସୂରଜ ନାମ୍ବିଆର ଏହି ରିପୋର୍ଟ କିମ୍ବା ଗୁଜବ ସମ୍ପର୍କରେ କୌଣସି ଅଫିସିଆଲ ବିବୃତ୍ତି ଜାରି କରିନାହାଁନ୍ତି।
ତେବେ ମୌନି ଏବଂ ସୂରଜ ତିନି ବର୍ଷ ଡେଟିଂ ପରେ ୨୦୨୨ ମସିହାରେ ଗୋଆରେ ବିବାହ କରିଥିଲେ। ଏହି ଦମ୍ପତି ପ୍ରଥମ ଥର ପାଇଁ ୨୦୧୯ ମସିହାରେ ନୂତନ ବର୍ଷ ପୂର୍ବ ସନ୍ଧ୍ୟାରେ ଦୁବାଇରେ ସାକ୍ଷାତ କରିଥିଲେ। ସେମାନଙ୍କ ବିବାହ କାଣ୍ଡୋଲିମର ହିଲଟନ ଗୋଆ ରିସର୍ଟରେ ହୋଇଥିଲା। ଏହି ବିବାହ ଉତ୍ସବ ମାଲାୟାଲୀ ଏବଂ ବଙ୍ଗାଳୀ ଉଭୟ ପରମ୍ପରାକୁ ଅନୁସରଣ କରିଥିଲା।
ଆହୁରି ପଢ଼ନ୍ତୁ...ସିଏମ୍ ବିଜୟଙ୍କ ନିଷ୍ପତ୍ତିକୁ ସପୋର୍ଟ କଲେ କମଲ ହାସନ, କହିଲେ-‘ମଦ ଦୋକାନ ହଟାଇବା ଜରୁରୀ ଥିଲା’
