ନୂଆଦିଲ୍ଲୀ,୧୩/୦୮: ଜେଲରେ ଦକ୍ଷିଣ କୋରିଆର ଜଣେ ପୂର୍ବତନ ରାଷ୍ଟ୍ରପତି ଏବଂ ତାଙ୍କ ପତ୍ନୀ କିମ୍ କି-ୟୋନ୍ ହି । ଲାଞ୍ଚ, ଷ୍ଟକ୍ ଠକେଇ ଏବଂ ନିର୍ବାଚନ ହସ୍ତକ୍ଷେପର ଗମ୍ଭୀର ଅଭିଯୋଗରେ କୋର୍ଟ କିମଙ୍କୁ ଗିରଫ କରିଛି। ସେହିପରି ତାଙ୍କ ସ୍ବାମୀ ତଥା ପୂର୍ବତନ ରାଷ୍ଟ୍ରପତି ୟୁନ ସୁକ ୟୋଲ୍ ପୂର୍ବରୁ ହିଁ ଜେଲରେ ଥିବା ଜଣାପଡ଼ିଛି। ସିଓଲ୍ କୋର୍ଟ ଗିରଫଦାରୀ ପଛରେ ପ୍ରମାଣ ସହିତ ହେରଫେର ହେବାର ସମ୍ଭାବନାକୁ ମୁଖ୍ୟ କାରଣ ବୋଲି ଉଲ୍ଲେଖ କରିଛନ୍ତି।
ତଦନ୍ତକାରୀ ସଂସ୍ଥାଗୁଡ଼ିକ ଅନୁଯାୟୀ, କିମ୍ ବିଳାସପୂର୍ଣ୍ଣ ଉପହାର ଗ୍ରହଣ, ଷ୍ଟକ୍ ବଜାରରେ ଇନସାଇଡର ଟ୍ରେଡିଂ ଏବଂ ରାଜନୈତିକ ପ୍ରକ୍ରିୟାରେ ଅନୁପଯୁକ୍ତ ହସ୍ତକ୍ଷେପ କରିଥିବା ଅଭିଯୋଗ ହୋଇଛି। ତାଙ୍କ ସ୍ୱାମୀ ଅର୍ଥାତ ପୂର୍ବତନ ରାଷ୍ଟ୍ରପତି, ଦୁର୍ନୀତି ଏବଂ କ୍ଷମତାର ଅପବ୍ୟବହାର ମାମଲାରେ ପୂର୍ବରୁ ଜେଲ ଦଣ୍ଡ ଭୋଗୁଛନ୍ତି। ପ୍ରକାଶ ଥାଉକି, ଦକ୍ଷିଣ କୋରିଆରେ ପୂର୍ବରୁ କେତେକ ରାଷ୍ଟ୍ରପତିଙ୍କ ବିରୋଧରେ ମାମଲା ରୁଜ୍ଜୁ ହୋଇଥିଲା । କିନ୍ତୁ ଏକ ଦୁର୍ନୀତି ମାମଲାରେ ଉଭୟ ରାଷ୍ଟ୍ରପତି ଓ ପ୍ରଥମ ମହିଳା ଜେଲ ଯିବା ଏହି ଦେଶର ଇତିହାସରେ ପ୍ରଥମ ।
