ଡେରାଡୁନ,୨୭/୦୭: ଉତ୍ତରାଖଣ୍ଡ ହରିଦ୍ୱାରରରେ ଥିବା ମନସା ଦେବୀ ମନ୍ଦିରରେ ବଡ଼ ଅଘଟଣ ଘଟିଛି । ଦଳଚକଟା ଘଟି ୮ ଜଣଙ୍କର ମୃତ୍ୟୁ ହୋଇଛି । ଅନେକ ଆହତ ହୋଇଥିବା ଖବର ମିଳିଛି । ଆହତଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ସକାଳୁ ସକାଳୁ ଦର୍ଶନ ପାଇଁ ଶ୍ରଦ୍ଧାଳୁଙ୍କ ପ୍ରବଳ ଭିଡ଼ ଜମିଥିଲା । ଏ ନେଇ ଦଳଚକଟା ପରି ସ୍ଥିତି ଉପୁଜିଥିଲା । ଘଟଣାସ୍ଥଳରେ ଉଦ୍ଧାରକାର୍ଯ୍ୟ ଜାରି ରହିଛି । ପୁଲିସ ଓ ପ୍ରଶାସନିକ ଟିମ୍‌ ଘଟଣାସ୍ଥଳରେ ପହଞ୍ଚିଛନ୍ତି । ଗଡ଼ୱାଲ ଡିଭିଜନ କମିଶନର ବିନୟ ଶଙ୍କର ପାଣ୍ଡେ ଏ ନେଇ ସୂଚନା ଦେଇଛନ୍ତି । ଘଟଣାରେ ମାଜିଷ୍ଟେଟ୍ ତଦନ୍ତ ନେଇ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ । ଏହା ସହିତ ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ଓ ଆହତଙ୍କୁ ୫୦ ହଜାର ଟଙ୍କା ଲେଖାଏଁ ସହୟତା ରାଶି ଘୋଷଣା ହୋଇଛି । ଦୁର୍ଘଟଣାକୁ ଦୁଃଖ ପ୍ରକାଶ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ।

କରେଣ୍ଟ ଲାଗିବାରୁ ଦଳଚକଟା ସ୍ଥିତି ହେଲା କି ? ପ୍ରାରମ୍ଭିକ ସୂଚନା ଅନୁସାରେ, ମନ୍ଦିରକୁ ଯିବାକୁ ଥିବା ସିଢି ରାସ୍ତାରେ ଏହି ଅଘଟଣ ଘଟିଛି । ସକାଳୁ ସକାଳୁ ମନ୍ଦିରରେ ଦର୍ଶନ ପାଇଁ ପ୍ରବଳ ଭିଡ଼ ହୋଇଥିଲା । ସିଢିରେ କରେଣ୍ଟ ଲାଗିବାରୁ ଭୟରେ ଲୋକ ଦୌଡ଼ା ଦୌଡ଼ି କରିଥିଲେ । ଫଳରେ ଦଳାଚକଟା ଘଟିଥିବା ଆଶଙ୍କା କରାଯାଉଛି । ରିପୋର୍ଟ ଲେଖାଯିବା ସୁଦ୍ଧା ୮ ଜଣଙ୍କର ମୃତ୍ୟୁ ହୋଇଛି । ୧୫ରୁ ଅଧିକ ଆହତ ହୋଇଛନ୍ତି । ଅଘଟଣର ପ୍ରକୃତ କାରଣ କଣ ତାର ତଦନ୍ତ ଆରମ୍ଭ ହୋଇଥିବା କହିଛନ୍ତି ଗଡ଼ୱାଲ ଡିସି ବିନୟ କୁମାର ପାଣ୍ଡେ ।

Uttarakhand | 6 people dead in a stampede after a huge crowd gathered at the Mansa Devi temple in Haridwar. I am leaving for the spot. A detailed report of the incident is awaited: Garhwal Division Commissioner Vinay Shankar Pandey to ANI pic.twitter.com/nTLNf6DG9j

— ANI (@ANI) July 27, 2025

ବିହାରର ଜଣେ ଆହତ ଶ୍ରଦ୍ଧାଳୁ କହିଛନ୍ତି, ''ହଠାତ୍‌ ଭିଡ଼ ଜମିଥିଲା । ଦଳାଚକଟା ସ୍ଥିତି ଉପୁଜିଥିଲା । ଏଥିରେ ମୁଁ ତଳେ ପଡିଗଲି ଓ ମୋ ହାତ ଭାଙ୍ଗିଯାଇଛି ।''

#WATCH | 6 dead, several injured following stampede at Mansa Devi Temple in Haridwar, Uttarakhand

One of the injured says, "Suddenly, a huge crowd gathered there and a stampede took place. During this, I fell and my hand got fractured..." pic.twitter.com/KtIVHaxqCZ

— ANI (@ANI) July 27, 2025

ଦୁଃଖ ପ୍ରକାଶ କଲେ ସିଏମ୍‌- ଦୁର୍ଘଟଣାକୁ ନେଇ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ଗଭୀର ଦୁଃଖ ପ୍ରକାଶ କରିଛନ୍ତି । ସୋସିଆଲ ମିଡିଆ ଏକ୍ସରେ ଲେଖିଛନ୍ତି, ''ହରିଦ୍ୱାର ସ୍ଥିତ ମନସା ଦେବୀ ମନ୍ଦିରରେ ଦଳଚକଟାର ଅତ୍ୟନ୍ତ ଦୁଃଖଦ ଖବର ଶୁଣିଛି । ୟୁକେଏସଡିଆରଏଫ, ସ୍ଥାନୀୟ ପୁଲିସ ଏବଂ ଅନ୍ୟ ଉଦ୍ଧାରକାରୀ ଟିମ୍‌ ଘଟଣାସ୍ଥଳରେ ପହଞ୍ଚି ରେସ୍କ୍ୟୁ କାର୍ଯ୍ୟରେ ଲାଗିଛନ୍ତି । ଘଟଣାକୁ ନେଇ ନିରନ୍ତର ସ୍ଥାନୀୟ ପ୍ରଶାସନ ସମ୍ପର୍କରେ ରହିଛି । ସ୍ଥିତି ଉପରେ ଲଗାତାର ନଜର ରହିଛି । ପ୍ରାର୍ଥନା କରୁଛି ମନସା ମାତା ସମସ୍ତ ଶ୍ରଦ୍ଧାଳୁଙ୍କୁ ସୁସ୍ଥ ରଖନ୍ତୁ ।''