ନୂଆଦିଲ୍ଲୀ,୧୪/୦୪: ପିଲା ଚୋରି ହେଉଥିବା ହସ୍ପିଟାଲର ଲାଇସେନ୍ସ ସସ୍ପେଣ୍ଡ କର । ଯେଉଁ ହସ୍ପିଟାଲକୁ ନବଜାତକ ଚୋରି ହେଉଛନ୍ତି ତୁରନ୍ତ ଉକ୍ତ ଡାକ୍ତରଖାନାର ଲାଇସେନ୍ସ କ୍ୟାସଲ କର । ଉତ୍ତରପ୍ରଦେଶର ଏକ ପିଲାଚୋରି ମାମଲାର ଶୁଣାଣି କରି ଏହି ବଡ଼ ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ ।
ଦିଲ୍ଲୀ ଏନସିଆରରେ ନବଜାତକ ତସ୍କରୀ ଗ୍ୟାଙ୍ଗର ପର୍ଦ୍ଦାଫାଶ ସହ ଜଡିତ ମାମଲାର ଶୁଣାଣି କରି ସର୍ବୋଚ୍ଚ ନ୍ୟାୟଳୟ କହିଛନ୍ତି, ''ଯଦି କୌଣସି ହସ୍ପିଟାଲରୁ ନବଜାତକ ଚୋରି କରାଯାଉଛି ସର୍ବପ୍ରଥମେ ଉକ୍ତ ହସ୍ପିଟାଲର ଲାଇସେନ୍ସ ସସ୍ପେଣ୍ଡ ହେବା ଦରକାର । ରାଜ୍ୟ ସରକାର ଏପରି ମାମଲାକୁ ଗୁରୁତର ସହିତ ନିଅନ୍ତୁ । ''
ରାଜ୍ୟ ସରକାରଙ୍କୁ ନିର୍ଦ୍ଦେଶ- ଉତ୍ତରପ୍ରଦେଶର ଏକ ପିଲା ଚୋରି ତସ୍କରୀ ମାମଲାର ଶୁଣାଣି କରି ଦିଲ୍ଲୀରେ ଏକ ଗ୍ୟାଙ୍ଗର ପର୍ଦ୍ଦାଫାଶ ହୋଇଥିବା କଥା କହିଛନ୍ତି ସୁପ୍ରିମକୋର୍ଟ । ହାଇକୋର୍ଟଙ୍କ ନିଷ୍ପତ୍ତି ବିରୋଧରେ ଦାୟର ହୋଇଥିବା ଯାଚିକା ଉପରେ ଅଭିଯୁକ୍ତଙ୍କ ଜାମିନ୍ ଆବେଦନକୁ ଖାରଜ କରିଛନ୍ତି ସୁପ୍ରିମକୋର୍ଟ । ୨୦୨୪ରେ ସେମାନଙ୍କୁ ଜାମିନ୍ ମିଳିଥିଲା । ବାରଣାସୀ ଏବଂ ଏହାର ନିକଟବର୍ତ୍ତୀ ହସ୍ପିଟାଲରେ ହୋଇଥିବା ପିଲା ଚୋରି ଘଟଣାରେ ଅଭିଯୁକ୍ତଙ୍କୁ ଆହ୍ଲାବାଦ ହାଇକୋର୍ଟ ୨୦୨୪ରେ ଜାମିନ୍ ଦେଇଥିଲେ । ଏହା ବିରୋଧରେ ଅପହୃତ ପିଲାର ପରିବାର ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ମାମଲା ଶୁଣାଣି କରି ଅଭିଯୁକ୍ତଙ୍କ ଜାମିନ୍ ଖାରଜ କରିଛନ୍ତି । ଯେଉଁ ହସ୍ପିଟାଲରୁ ପିଲା ଚୋରି ହେଉଛି ତୁରନ୍ତ ଲାଇସେନ୍ସ ସସ୍ପେଣ୍ଡ କରିବାକୁ ରାଜ୍ୟ ସରକାରଙ୍କୁ ଆଦେଶ ଦେଇଛନ୍ତି । ଏହା ସହିତ ୟୁପି ସରକରାଙ୍କ ଉପରେ ବର୍ଷିଛନ୍ତି ସର୍ବୋଚ୍ଚ ନ୍ୟାୟଳୟ ।
ବାପା ମାଆ ସତର୍କ ରୁହନ୍ତୁ- ଅନେକ ସମୟରେ ପିଲା ଚୋଲି ଘଟଣା ସାମ୍ନାକୁ ଆସୁଛି । ଏ ନେଇ ପିତାମାତାଙ୍କୁ ସତର୍କ ରହିବାକୁ ପରାମର୍ଶ ଦେଇଛନ୍ତି ସର୍ବୋଚ୍ଚ ନ୍ୟାୟଳୟ । ହସ୍ପିଟାଲରେ ତାଙ୍କ ନବଜାତକର ସୁରକ୍ଷାକୁ ନେଇ ବାପାମାଆ ଅଧିକ ସତର୍କ ରୁହନ୍ତୁ ।
ନିଃସନ୍ତାନ ମାନେ ନୁହେଁ ଯେ ଅନ୍ୟଙ୍କ ପିଲା କିଣିନିଅ- ଗୁରୁତ୍ୱପୂର୍ଣ୍ଣ ଟିପ୍ପଣୀ ଦେଇ କୋର୍ଟ କହିଛନ୍ତି, ''ଯଦି କୌଣସି ବାପାମାଆଙ୍କ ନବଜାତକର ମୃତ୍ୟୁ ହେଉଛି ତେବେ ତାଙ୍କୁ କଷ୍ଟ ଲାଗେ । ସେମାନେ ଭାବନ୍ତି ତାଙ୍କ ପିଲା ଇଶ୍ୱରଙ୍କ ପାଖକୁ ଚାଲିଗଲା । ମାତ୍ର ଯଦି ତାଙ୍କ ପିଲା ଚୋରି ହୋଇଯାଏ ତେବେ ତାଙ୍କ କଷ୍ଟର ଅନୁମାନ କରିହେବ ନାହିଁ । ନିଃସନ୍ତାନ ମାନେ ନୁହେଁ ଯେ ଅନ୍ୟ କାହା ପିଲାକୁ କିଣିନେବା ।''
