PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜୟ ହଜାରେ ଟ୍ରଫି: ଇତିହାସ ରଚିଲେ ଋତୁରାଜ, ଗୋଟିଏ ଓଭରରେ ମାରିଲେ ୭ ଛକା
  • ||
  • କେନ୍ଦ୍ରାପଡ଼ା : ସିମେଣ୍ଟ ଇଟାଭାଟି ମାଲିକଙ୍କୁ ବିଭତ୍ସ ଭାବେ ହତ୍ୟା, ରକ୍ତ ଜୁଡୁବୁଡୁ ମୃତଦେହ ଉଦ୍ଧାର
  • ||
  • କେନ୍ଦ୍ରାପଡ଼ା: ବାଲିଆ ବାଣ ବିସ୍ଫୋରଣ ଅଘଟଣ: ଏସ୍‌ସିବିରେ ଆଉ ଜଣଙ୍କ ମୃତ୍ୟୁ, ଆହୁରି ୧୧ ଜଣଙ୍କ ଅବସ୍ଥା ଗୁରୁତର
  • ||
  • କଟକ: ଡିସେମ୍ବର ୯ରୁ ମାଟ୍ରିକ୍‌ ଏସ୍‌ଏ-୧ ଖାତା ଦେଖା, ୫୬ଟି କେନ୍ଦ୍ରରେ ହେବ ମୂଲ୍ୟାୟନ
  • ||
  • ଭୁବନେଶ୍ୱର: ରାଜ୍ୟରେ ଶୀତ ଲହରୀ ଅସମ୍ଭାଳ: ୧୦ ଡିଗ୍ରୀ ତଳେ ୭ ସହର, ସେମିଳିଗୁଡା ସବୁଠୁ ଥଣ୍ଡା
  • ||

କମାଲ କଲେ ଆଦିବାସୀ ଝିଅ ତପସ୍ଵିନୀ: ଓଡ଼ିଶା ପ୍ରଶାସନିକ ସେବା ପରୀକ୍ଷାରେ ଥରକରେ ହେଲେ ଉତ୍ତୀର୍ଣ୍ଣ

ରାୟଗଡ଼ା ୭/୧୦(ଆପ୍ର): – ରାୟଗଡ଼ା ଜିଲ୍ଲାର ବିଷମକଟକ ବ୍ଲକ ଅନ୍ତର୍ଗତ କାଙ୍କୁବାଡ଼ି ପଞ୍ଚାୟତ ମଣ୍ଡାପାଇ ଗ୍ରାମର ଆଦିବାସୀ ଝିଅ ତପସ୍ଵିନୀ କୁଟୃକା ଓଡିଶା ପ୍ରଶାସନିକ ସେବାରେ ଉତ୍ତୀର୍ଣ୍ଣ ହୋଇଛନ୍ତି। ପ୍ରଥମ ଥରରେ ଉତ୍ତୀର୍ଣ୍ଣ ହୋଇ ସେ ଏହି କମାଲ କରିଛନ୍ତି। ଏହି ପରୀକ୍ଷାରେ ତପସ୍ଵିନୀ ୩୭୨ ରାଙ୍କରେ ଉତ୍ତୀର୍ଣ୍ଣ ହୋଇଛନ୍ତି। ବର୍ତ୍ତମାନ ତପସ୍ଵିନୀ ୟୁନିଅନ ବ୍ୟାଙ୍କ ରାୟଗଡ଼ା-୧ ନମ୍ବର ଶାଖାରେ କିରାଣୀ ଭାବରେ କାର୍ଯ୍ୟରତ ଅଛନ୍ତି। ୨୬ ବର୍ଷ ବୟସର ତପସ୍ଵିନୀ ୨୦୧୯ ମସିହାରେ ଓପିଏସସି ପାଇଁ ପ୍ରସ୍ତୁତି ଆରମ୍ଭ କରିଥିଲେ। ହେଲେ ବ୍ୟାଙ୍କ ଚାକିରୀ ମିଳିବା ପରେ ଦୁଇ ବର୍ଷ ବିଳମ୍ବ ହୋଇଥିବା ସୂଚନା ଦେଇଛନ୍ତି। ତାଙ୍କର ଏହି ସଫଳତା ପାଇଁ ସେ ବାପା ଅଙ୍ଗଦ କୁଟୃକା ଓ ମା ଙ୍କୁ ଶ୍ରେୟ ଦେଇଛନ୍ତି। ସର୍ବଦା ପିତା-ମାତାଙ୍କ ପ୍ରେରଣା ତାଙ୍କୁ ସଫଳତା ପ୍ରଦାନ କରିଥିବା ସେ ପ୍ରକାଶ କରିଛନ୍ତି। ତାଙ୍କର ବାପା ଅଙ୍ଗଦ କୁଟ୍ରୁକା ଜଣେ ଅବସରପ୍ରାପ୍ତ ବ୍ୟାଙ୍କ କର୍ମଚାରୀ। ସୂଚନା ଯୋଗ୍ୟ ଯେ, ତପସ୍ଵିନୀ ଜଣେ ମେଧାବୀ ଛାତ୍ରୀ ରହିଥିଲେ। ବିଷମକଟକ ସ୍ଥିତ ଜବାହର ନବୋଦୟ ବିଦ୍ୟାଳୟ ପରେ ଭୁବନେଶ୍ୱର ସ୍ଥିତ ଉତ୍କଳ ବିଶ୍ୱବିଦ୍ୟାଳୟରୁ ଏମ.ଏସସି (ଜୁଲୋଜି)ରେ ଉଚ୍ଚଶିକ୍ଷା ସମାପ୍ତ କରିବା ପରେ ବ୍ୟାଙ୍କ ଚାକିରୀ ପାଇ କାର୍ଯ୍ୟରତ ଥିଲେ । ତାଙ୍କର ଏହି ସଫଳତା ପାଇଁ ବିଭିନ୍ନ ମହଲରୁ ଶୁଭେଚ୍ଛା ଜଣାଇବା ସହ ଉଜ୍ଜଳ ଭବିଷ୍ୟତ କାମନା କରୁଛନ୍ତି ।

ସମ୍ବନ୍ଧିତ ଖବର