ନବରଙ୍ଗପୁର,୯/୬(ଆପ୍ର): ତେନ୍ତୁଳିଖୁଣ୍ଟି ବ୍ଳକ ରାଜନୀତିରେ ଘଡିକେ ଘଡା ଛୁଟୁଛି। ବ୍ଳକ ଅଧ୍ୟକ୍ଷା ନିଳେନ୍ଦ୍ରୀ ନାୟକ ବିଜେଡି ଛାଡି ବିଜେପିରେ ସାମିଲ ହୋଇଛନ୍ତି। କେବଳ ବ୍ଳକ ଅଧ୍ୟକ୍ଷା ନୁହନ୍ତି, ବ୍ଳକ ଉପାଧ୍ୟକ୍ଷ ରାଜେନ୍ଦ୍ର ଵିଷୋୟୀଙ୍କ ସମେତ ଦୁଇଜଣ ସମିତି ସଭ୍ୟ ବିଦୁସ୍ମିତା ଜାନୀ,ବସନ୍ତ ସିଗରିଆ,ଜଣେ ଭାରପ୍ରାପ୍ତ ସରପଞ୍ଚ ତ୍ରୀପତି ମହାନ୍ତିଙ୍କ ସମେତ ୬ ଜଣ ବିଜେଡି ନେତା ଓ କର୍ମୀ ବିଜେପିରେ ବିଧିବଦ୍ଧ ଭାବେ ସାମିଲ ହୋଇଛନ୍ତି।
ସୋମବାର ଭୂଵନେଶ୍ଵର ସ୍ଥିତ ବିଜେପିର ରାଜ୍ୟ କାର୍ଯ୍ୟାଳୟରେ ବିଜେପି ରାଜ୍ୟ ଅଧ୍ୟକ୍ଷ ମନମୋହନ ସାମଲ , ନବରଙ୍ଗପୁର ସାଂସଦ ବଳଭଦ୍ର ମାଝୀ, ନବରଙ୍ଗପୁର ବିଧାୟକ ଗୌରୀଶଙ୍କର ମାଝୀଙ୍କ ଉପସ୍ଥିତିରେ ବିଜେପିରେ ସାମିଲ ହୋଇଛନ୍ତି। ସାଂସଦ ଓ ବିଧାୟକ ସମସ୍ତଙ୍କୁ ବିଜେପି ଦଳକୁ ସ୍ବାଗତ କରିଛନ୍ତି।
