ନୂଆଦିଲ୍ଲୀ ୨୭/୦୧: ଅଭିନେତା ତଥା ନେତା ଥଲାପତି ବିଜୟଙ୍କ ଶେଷ ଫିଲ୍ମ 'ଥଲପତି 69' ର ନିର୍ମାତା ଟାଇଟଲ୍ ସହିତ ପ୍ରଥମ ଲୁକ୍ ପୋଷ୍ଟର ରିଲିଜ୍ କରିଛନ୍ତି । ପୋଷ୍ଟରରେ ଅଭିନେତା ଭିଡ଼ ମଧ୍ୟରେ ସେଲଫି ନେଉଥିବାର ନଜର ଆସିଛନ୍ତି। ଏହି ଫିଲ୍ମଟି ଏଚ୍ ବିନୋଦଙ୍କ ନିର୍ଦ୍ଦେଶନାରେ ନିର୍ମିତ ହୋଇଛି ଏବଂ ଏହି ଫିଲ୍ମର ନାମ 'ଜନ ନାୟଗନ୍' ରଖିବାକୁ ସ୍ଥିର କରାଯାଇଛି।
ନିର୍ମାତା KVN ପ୍ରଡକ୍ସନ୍ସର ଅଫିସିଆଲ୍ ଏକ୍ସ ହ୍ୟାଣ୍ଡେଲରେ ଫିଲ୍ମର ପ୍ରଥମ ଲୁକ୍ ପୋଷ୍ଟର ସେୟାର କରିଛନ୍ତି। ନିର୍ମାତାମାନେ ପୋଷ୍ଟର ସହିତ କ୍ୟାପସନରେ ଲେଖିଛନ୍ତି, “ଆମେ ଏହାକୁ ଜନ ନାୟଗନ୍, ଥଲପତ 69 ଫାର୍ଷ୍ଟ ଲୁକ୍ କହୁଛୁ।“ 'ଜନ ନାୟାଗାନ'ର ଫାର୍ଷ୍ଟ ଲୁକ୍ ପୋଷ୍ଟରରେ ଥଲପତି ବିଜୟ ଏକ ଉଚ୍ଚ ମଞ୍ଚରେ ଆତ୍ମବିଶ୍ୱାସରେ ଠିଆ ହୋଇ ସମର୍ଥକଙ୍କ ଭିଡ ସହିତ ସେଲଫି ନେଉଥିବାର ନଜର ଆସିଛନ୍ତି। ଏହି ପୋଷ୍ଟରକୁ ତାଙ୍କ ସମର୍ଥକଙ୍କ ସହ ଏକ ବିଶେଷ ସଂଯୋଗ ଭାବରେ ଦେଖାଯାଇପାରେ ।
#JanaNayagan pic.twitter.com/cs51UDEi1Q
— Vijay (@actorvijay) January 26, 2025
ତେବେ ଥଲାପତି ବିଜୟଙ୍କ ଶେଷ ଫିଲ୍ମର ସୁଟିଂ ଗତ ବର୍ଷ ପାରମ୍ପାରିକ ପୂଜା ସମାରୋହରୁ ଆରମ୍ଭ ହୋଇଥିଲା। ଫିଲ୍ମର ନିର୍ମାତା ତାଙ୍କ ଏକ୍ସ ହ୍ୟାଣ୍ଡେଲରେ କାଷ୍ଟଙ୍କ ସହ ଅନେକ ଫଟୋ ସେୟାର କରିଥିଲେ। ଏହି ପୂଜା ସମାରୋହରେ ଥଲାପତି ବିଜୟ, ବଲିଉଡ ଅଭିନେତା ବବି ଦେଓଲ, ପୂଜା ହେଗଡେ ଏବଂ ଅନ୍ୟ ଷ୍ଟାର କାଷ୍ଟ ଉପସ୍ଥିତ ଥିଲେ।
