କଟକ, ୫।୧୨ : ଭୁବନେଶ୍ବରରୁ ସିଡିଏକୁ ମୋ ଵସ୍ ସେଵା ଵନ୍ଦ ନେଇ ତେଜିଲା ଅସନ୍ତୋଷ। ଗୁରୁବାର ସିଡିଏର ବରିଷ୍ଠ ନାଗରିକମାନେ ଏକାଠି ହୋଇ ଏ ନେଇ ଜିଲ୍ଲାପାଳଙ୍କୁ ଫେରାଦ ହୋଇଛନ୍ତି।
ଗତ ପାଞ୍ଚ ଦିନ ହେବ କ୍ୟାପିଟାଲ ରିଜିଅନ ଅର୍ବାନ ଟ୍ରାନ୍ସପୋର୍ଟ ବା କ୍ରୁଟ କର୍ତ୍ତୃପକ୍ଷ ଭୁବନେଶ୍ୱରରୁ ସିଡିଏ ଦେଇ ଯା’ ଆସ କରୁଥିବା ୧୦,୧୬ଓ ୧୮ ନମ୍ବର ମୋ ଵସ୍ ସେବାକୁ ଵନ୍ଦ କରିଦେଇଛନ୍ତି। ଏହି ଵସ୍ ଗୁଡିକ ଅପେକ୍ଷାକୃତ ଵଡ ଓ ସିଡିଏ ରାସ୍ତାରେ ଯା’ ଆସ ବେଳେ ଦୁର୍ଘଟଣା ଆଶଙ୍କା ରହୁଥିଵା ଦର୍ଶାଇ ଏହି ଵସ୍ ସେଵା କ୍ରୁଟ କର୍ତ୍ତୃପକ୍ଷ ଵନ୍ଦ କରିଦେଇଥିଵା ଜଣାଯାଇଛି। ତେବେ ସ୍ଥାନୀୟ ଲୋକଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପରେ ଖୁବ୍ ଶୀଘ୍ର ଏହି ଵସ୍ ସେଵା ପୁନଃ ଚାଲୁ କରାଯିଵ ଵୋଲି କ୍ରୁଟ କର୍ତ୍ତୃପକ୍ଷ ଆଜି ଅଦାଲତଙ୍କୁ ସତ୍ୟପାଠ ଜରିଆରେ ଅବଗତ କରାଇଛନ୍ତି।
ଏ ନେଇ ଆଜି ସିଡିଏ ବରିଷ୍ଠ ନାଗରିକ ମାନେ ଜିଲ୍ଲାପାଳଙ୍କୁ ଭେଟିବା ପରେ ଆସନ୍ତା ଶନିବାରଠାରୁ ଏହି ଵସ୍ ସେଵା ପୁଣି ଆରମ୍ଭ କରାଯିଵ ଵୋଲି ଜିଲ୍ଲାପାଳ ପ୍ରତିଶ୍ରୁତି ଦେଇଥିଵା ବରିଷ୍ଠ ନାଗରିକ ମାନେ କହିଛନ୍ତି। ତେବେ ଖୁବ ଶୀଘ୍ର ଵଡ ଵସ୍ ପରିବର୍ତ୍ତେ ଛୋଟ ମୋ ଵସ୍ ଗୁଡିକ ସିଡିଏ ଦେଇ ଚଲାଇଵା ପାଇଁ କ୍ରୁଟ ଯୋଜନା କରୁଛି।
