ଆନନ୍ଦପୁର, ୨୫/୦୧ : ବାଲି ଚୋରା ଚାଲାଣ ବେଳେ ଟ୍ରାକ୍ଟର ଓଲଟି ଡ୍ରାଇଭର୍ ମୃତ। ଶୁକ୍ରବାର ସନ୍ଧ୍ୟାରେ ବୈତରଣୀ ନଦୀର ବୁଢିକୁଦ ଘାଟରୁ ବାଲି ବୋଝେଇ କରି ନେବା ସମୟରେ ନିୟନ୍ତ୍ରଣ ହରାଇ ଟ୍ରାକ୍ଟରଟି ଓଲଟି ପଡିଥିଲା। ଟ୍ରାକ୍ଟର ତଳେ ଚାପି ହୋଇ ଡ୍ରାଇଭର୍ଙ୍କ ମୃତ୍ୟୁ ଘଟିଛି।
ଏହି ଖବରଟିକୁ ପଢନ୍ତୁ-କୁହୁଡ଼ି ନେଲା ଜୀବନ, ଗଛରେ ପିଟିହେଲା କାର୍, ଜଣେ ମୃତ ୪ ଗୁରୁତର
ସୂଚନାନୁଯାୟୀ, ଆନନ୍ଦପୁର ଥାନା ଗୟଳମୁଣ୍ଡା ଗାଁର ତୁସା ମୁଣ୍ଡା ଶୁକ୍ରବାର ସନ୍ଧ୍ୟାରେ ଟ୍ରାକ୍ଟର ନେଇ ବୈତରଣୀ ନଦୀର ବୁଢିକୁଦ ଘାଟରୁ ବାଲି ଚାଲାଣ ପାଇଁ ଯାଇଥିଲେ। ବାଲି ବୋଝେଇ କରି ନେବା ସମୟରେ ନିୟନ୍ତ୍ରଣ ହରାଇ ଟ୍ରାକ୍ଟରଟି ଓଲଟି ପଡିଥିଲା। ଫଲରେ ଟ୍ରାକ୍ଟର ତଳେ ଚାପି ହୋଇ ଡ୍ରାଇଭର୍ଙ୍କ ମୃତ୍ୟୁ ଘଟିଥିଲା। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବଦ କରି ତଦନ୍ତ ଆରମ୍ଭ କରିଛି। ସେପଟେ ବୁଢିକୁଦ ଘାଟରୁ ଦୈନିକ ଟ୍ରାକ୍ଟର ଯୋଗେ ବାଲି ଚାଲାଣ ହେଉଥିବାରୁ ଏହାକୁ ନେଇ ସ୍ଥାନୀୟ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଛି।
