ନୂଆଦିଲ୍ଲୀ,୧୫/୧୧:  ଉତ୍ତରାଖଣ୍ଡ ମଙ୍ଗଲୋରେ ମର୍ମନ୍ତୁଦ ସଡ଼କ ଦୁର୍ଘଟଣା । ଡିଭାଇଡରକୁ ଧକ୍କା ଦେଲା ବରଯାତ୍ରୀ କାର୍ । ଫଳରେ  ୪ ଜଣଙ୍କ ମୃତ୍ୟୁ ହୋଇଛି। ଏଥିସହ ଅନେତ ଲୋକ ଆହତ ହୋଇଥିବା ବେଳେ ସମସ୍ତ ଆହତଙ୍କୁ ନିକଟସ୍ଥ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ତେବେ ମେରୁଟର ରୁଡକି ଯାଉ ଥିବାବେଳେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି।

ସୂଚନାନୁସାରେ, ବିଳମ୍ବିତ ରାତିରେ ଦିଲ୍ଲୀ-ହରିଦ୍ୱାର ରାଜପଥରେ ମାଙ୍ଗାଲୋର ଜାଗିରି ମାଣ୍ଡି ନିକଟରେ ଦ୍ରୁତ ଗତିରେ ଆସୁଥିବା ବରଯାତ୍ରୀ  କାର ଦେଓବାଣ୍ଡ ଛକ ନିକଟରେ ଏକ ଡିଭାଇଡରକୁ ଧ୍କକା ଦେଇଥିଲା । ପରେ କାରଟି ନିୟନ୍ତ୍ରଣ ବାହାରକୁ ଯାଇ ଓଲଟି ପଡିଥିଲା, ଦୁର୍ଘଟଣା ଘଟିବା ମାତ୍ରେ କାରରେ ଥିବା ଲୋକଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ତେବେ ଏହି ଦୁର୍ଘଟଣାରେ ଘଟଣାସ୍ଥଳରେ ହିଁ ୨ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ 6ଜଣଙ୍କୁ ହସ୍ପିଚାଲରେ ଭର୍ତ୍ତି କରାଯାଇଥିଲା । ତେବେ ଚିକିତ୍ସା ସମୟରେ ଆଉ ୨ଜଣ ଆଖି ବୁଜିଥିଲେ । ତେବେ ସମସ୍ତେ ମେରେଠରୁ ରୁଡକି ଆସୁଥିଲେ । ତେବେ ଖୁସିର ମାହୋଲ ଭିତରେ ଦୁଃଖର ଛାୟା ଖେଳିଯାଇଛି ।