ନୀଳଗିରି, ୨୮/୬ : ବାଲେଶ୍ଵର ଜିଲ୍ଲା ନୀଳଗିରିରେ ବିଜେଡିକୁ ଝଟ୍କା। ନୀଳଗିରି ୧୩ ନଂ ଜୋନ୍ ଜିଲ୍ଲା ପରିଷଦ ସଭ୍ୟ ଗତିକୃଷ୍ଣ ନନ୍ଦ ଓ ୧୧ ନମ୍ବର ଜୋନ୍ ଜିଲ୍ଲା ପରିଷଦ ସଭ୍ୟା ସୁବର୍ଣ୍ଣ ମଞ୍ଜରୀ ସିଂ ବିଜେଡି ଛାଡ଼ିଛନ୍ତି। ଗତିକୃଷ୍ଣ ନନ୍ଦ ଏବଂ ସୁବର୍ଣ୍ଣ ମଞ୍ଜରୀ ସିଂ ବିଜୁ ଜନତା ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି। ସେମାନେ ରାଜ୍ୟ ସଭାପତିଙ୍କୁ ତାଙ୍କର ଇସ୍ତଫା ପତ୍ର ପଠାଇଛନ୍ତି।
ସୂଚନାଯୋଗ୍ୟ, ଦୁଇ ଜିଲ୍ଲା ପରିଷଦ ସଭ୍ୟ ଗତିକୃଷ୍ଣ ଓ ସୁବର୍ଣ୍ଣ ମଞ୍ଜରୀ ବିଜେଡି ଛାଡିବା ପରେ ନୀଳଗିରି ରାଜନୀତି ସରଗରମ ହୋଇଛି। ନିଜର ବ୍ୟକ୍ତିଗତ କାରଣ ଦର୍ଶାଇ ବିଜେଡିର ପ୍ରାଥମିକ ସଦସ୍ୟରୁ ଇସ୍ତଫା ଦେଇଥିବା ପତ୍ରରେ ଦର୍ଶାଇଛନ୍ତି। ଆସନ୍ତାକାଲି ସାଂସଦ, ବିଧାୟକ ଓ ମନ୍ତ୍ରୀଙ୍କ ଉପସ୍ଥିତିରେ ବିଜେପିର ଏକ ମହା ମିଶ୍ରଣ ପର୍ବ ଅନୁଷ୍ଠିତ ହେଉଥିବା ବେଳେ ଉଭୟ ବିଜେପିରେ ମିଶିବା ନେଇ ଚର୍ଚ୍ଚା ଜୋର୍ ଧରିଛି।
