ନୀଳଗିରୀ,୧୧/୩(ଆ.ପ୍ର): କୁଳଡିହା ବନବିଭାଗ ପକ୍ଷରୁ ବାଘମପଡା ଵିଟ ଅଧିନରେ ଥିବା ଅଭୟାରଣ୍ୟରେ ଅତର୍କିତ ଚଢ଼ାଉ କରାଯାଇ ଦୁଇଜଣ ଶିକାରୀ ଗିରଫଙ୍କୁ କରାଯାଇଛି। ଏଥିସହ ସେମାନଙ୍କ ଠାରୁ ୪ ଟି ବନ୍ଧୁକ ଓ ବନ୍ୟଜନ୍ତୁ ହାଡ଼ ଜବତ ବନବିଭାଗ ଜବତ କରିଛି।
ହାତୀଖୁଲିଆ ନିକଟ ବାଘମପଡା ଵିଟ ଅଧିନରେ ଥିବା ଅଭୟାରଣ୍ୟରେ କିଛି ଶିକାରୀ ସକ୍ରିୟ ଥିବା ବନ ବିଭାଗ ଖବର ପାଇଥିଲା। ଡିଏଫଓଙ୍କ ନିର୍ଦେଶରେ ଏସିଏଫ ତଥା କୁଳଡିହା ରେଞ୍ଜରଙ୍କ ତତ୍ତ୍ବାବଧାନରେ ଏକ ଟିମ ଅଚାନକ ସେହି ଅଞ୍ଚଳରେ ଚଢ଼ାଉ କରିଥିଲେ। ସୋର ଥାନା ଅଧିନ ଚିତାଶୂଳ ସରଳିଆ ଗାଁରୁ ଜିତୁ ପାତ୍ର (୨୮) ଓ ମଙ୍ଗୁଳି ସିଂ (୨୫) ଦୁଇ ଶିକାରୀ ଙ୍କୁ ଗିରଫ କରିବା ସହ ତାଙ୍କ ଠାରୁ ୪ ଟି ବନ୍ଧୁକ ଓ ବ୍ୟାପକ ବନ୍ୟଜନ୍ତୁ ହାଡ଼ ଜବତ କରାଯାଇଛି। ସେହିଭଳି ଅନ୍ୟ ଜଣେ ଯୁବକ ଅଟକ ରଖାଯାଇ ଥିବା ବେଳେ ବନବିଭାଗ ଏକ ମାମଲା ରୁଜୁ କରି ତଦନ୍ତ କରୁଛି।
