ଫିରିଙ୍ଗିଆ,୨୪/୦୩ : ଚୋରି କରିବାକୁ ଆସି ଗ୍ରାମବାସୀଙ୍କ ଫାସରେ ଫସିଗଲେ ଚୋର ।  ଗ୍ରାମବାସୀଙ୍କ ହାତରେ ଧରାପଡିଲେ ଦୁଇଜଣ। ଗ୍ରାମବାସୀଙ୍କ କବଳରୁ  ଖସିଗଲେ ଆଉ ଦୁଇ ଜଣ। ଗୋଛାପଡା ଥାନା ଗଞ୍ଜାମାଇଁ ଗାଁରେ ଏଭଳି ଘଟଣା ଦେଖିବାକୁ ମିଳିଛି।

ସୂଚନା ଅନୁସାରେ ରବିବାର ରାତି ପ୍ରାୟ ବାରଟା ସମୟରେ ଚାରିଜଣ ବ୍ୟକ୍ତି ଏହି ଗଞ୍ଜାମାଇଁ ଗାଁ ନିକଟରେ ଚୋରି ପାଇଁ ପ୍ରସ୍ତୁତି ଚଳାଉ ଥିଲେ।  ଗାଁର କାଳିଆ କହଁର  ସେମାନଙ୍କୁ କେଉଁଠୁ ଆସିଛ ବୋଲି ପଚାରିଥିଲେ I ସେମାନେ ଆମେ ପୋଲିସ ବୋଲି କାଳିଆଙ୍କୁ ପରିଚୟ ଦେଇଥିଲେ I ପରେ ସନ୍ଦେହ ହେବାରୁ କାଳିଆ କହଁର ଗ୍ରାମବାସୀଙ୍କୁ ଖବର ଦେଇଥିଲେ I ଗ୍ରାମବାସୀ ଆସିବା ଦେଖି ଚାରିଜଣଙ୍କ ମଧ୍ୟରୁ ଦୁଇଜଣ ଫେରାର ହୋଇଯାଇଥିଲେ।  ଦୁଇଜଣ ବ୍ୟକ୍ତିଙ୍କୁ ଅଟକ ରଖି ଗୋଛାପଡା ପୋଲିସରେ ଜିମା ଦେଇଛନ୍ତି I ତେବେ ଅଟକ ଥିବା ଦୁଇଜଣ ବ୍ୟକ୍ତିଙ୍କ ମଧ୍ୟ୍ୟରେ ଜଣେ ବୌଦ୍ଧ ଜିଲ୍ଲା ମନମୁଣ୍ଡା ଥାନା କୁନାମାଳ ଗାଁର କପିଳେଶ୍ଵର ସୁନା ଓ  ଅନ୍ୟଜଣେ ସେହି ମନମୁଣ୍ଡା ଥାନା ବହଳ ସାହି ଗାଁର ମାନସରଞ୍ଜ ଚାଉଳିଆ ବୋଲି ଜଣାପଡିଛି I ଅନ୍ୟପଟେ ଉଭୟଙ୍କୁ ପୋଲିସ ଥାନାରେ ଅଟକ ରଖି ପଚରାଉଚୁରା ଜାରି ରଖିଛି I