- ଫେବୃଆରୀ ୧ରେ ସବୁ ବର୍ଷ ବଜେଟ୍ ଉପସ୍ଥାପିତ କରାଯାଏ
- ବ୍ରିଟିସ୍ ଯୁଗର ପରମ୍ପରାକୁ ହୋଇଥିଲା ପରିବର୍ତ୍ତନ
- ପୂର୍ବରୁ ଫେବୃଆରୀ ଶେଷରେ ଆଗତ ହେଉଥିଲା
- ନୂତନ ଆର୍ଥିକ ବର୍ଷରେ ପାଣ୍ଠି ଜାରି କରିବାରେ ହୁଏ ସୁବିଧା
ନୂଆଦିଲ୍ଲୀ,୨୪।୧: ପ୍ରତି ବର୍ଷ ନୂଆ ବର୍ଷ ଆରମ୍ଭରୁ ଦେଶର ନଜର ଏକ ସ୍ବତନ୍ତ୍ର ଦିନ ଉପରେ ରହିଥାଏ। ଯେତେବେଳେ ସରକାର ନିଜର ଆଗର ଆର୍ଥିକ ଯୋଜନାର ବ୍ଲୁପ୍ରିଣ୍ଟି ପୁରା ଦେଶ ଆଗରେ ଉପସ୍ଥାପିତ କରିଥାନ୍ତି। କେନ୍ଦ୍ରୀୟ ବଜେଟ୍ ଠାରୁ ପ୍ରତ୍ୟେକ ବର୍ଗର ଲୋକଙ୍କର କିଛି ନା କିଛି ଆଶା ରହିଛି। ଏହି ବର୍ଷ ମଧ୍ୟ ବଜେଟ୍ ଫେବୃଆରୀ ୧ ତାରିଖରେ ଉପସ୍ଥାପିତ ହେବ। କିନ୍ତୁ ଏସବୁ ମଧ୍ୟରେ, ଲୋକଙ୍କ ମନରେ ପ୍ରାୟତଃ ଗୋଟିଏ ପ୍ରଶ୍ନ ଆସିଥାଏ ଫେବୃଆରୀ ୧ ତାରିଖକୁ ବଜେଟ୍ ପାଇଁ କାହିଁକି ବଛାଯାଇଛି ଏବଂ ଏହା ପଛରେ କାରଣ କ'ଣ?
ବ୍ରିଟିଶ ଯୁଗରୁ ଆରମ୍ଭ ହୋଇଥିବା ଏକ ପରମ୍ପରା
ଭାରତରେ ବଜେଟ୍ ଉପସ୍ଥାପନ କରିବାର ତାରିଖ ସବୁବେଳେ ଫେବୃଆରୀ ୧ ନୁହେଁ। ୨୦୧୭ ପର୍ଯ୍ୟନ୍ତ, ଫେବୃଆରୀ ଶେଷ ଦିନରେ ସଂସଦରେ କେନ୍ଦ୍ର ବଜେଟ୍ ଉପସ୍ଥାପନ କରାଯାଉଥିଲା। ଏହି ପ୍ରଥା ବ୍ରିଟିଶ ଶାସନ ସମୟରୁ ଆରମ୍ଭ ହୋଇଛି। ସ୍ୱାଧୀନତା ପରେ ମଧ୍ୟ ଏହା ଦୀର୍ଘ ସମୟ ଧରି ଜାରି ରହିଥିଲା। ଏହି ପରମ୍ପରା ଅନୁଯାୟୀ ବଜେଟ୍ କିଛି ଦଶନ୍ଧି ଧରି ଉପସ୍ଥାପନ କରାଯାଉଥିଲା। ୨୦୧୭ରେ, କେନ୍ଦ୍ରର ମୋଦି ସରକାର ଏହି ପୁରୁଣା ବ୍ୟବସ୍ଥାକୁ ପରିବର୍ତ୍ତନ କରିବାକୁ ନିଷ୍ପତ୍ତି ନେଇଥିଲେ।
ଫେବୃଆରୀ ୧ରେ ବଜେଟ୍ ଉପସ୍ଥାପନ କରିବାର ନୂତନ ବ୍ୟବସ୍ଥା
୨୦୧୭ରେ, ତତ୍କାଳୀନ ଅର୍ଥମନ୍ତ୍ରୀ ଅରୁଣ ଜେଟଲୀ ବଜେଟ୍ ତାରିଖ ଉପସ୍ଥାପନ ପାଇଁ ପରିବର୍ତ୍ତନ ଆରମ୍ଭ କରିଥିଲେ, ଏହାକୁ ଫେବୃଆରୀ ଶେଷରୁ ଫେବୃଆରୀ ୧କୁ ପରିର୍ବତ୍ତନ କରିଥିଲେ। ସରକାର ବିଶ୍ୱାସ ଥିଲା ଯେ, ଏହି ପରିବର୍ତ୍ତନ ଆର୍ଥିକ କାର୍ଯ୍ୟକୁ ଉତ୍ତମ ଉପାୟରେ କାର୍ଯ୍ୟକାରୀ କରିବାର ଅତିରିକ୍ତ ସମୟ ମିଳିବ।
ଠିକ୍ ସମୟରେ ମିଳିପାରିବ ପାଣ୍ଠି
ଏହାର ମୁଖ୍ୟ କାରଣ ହେଉଛି ନୂତନ ଆର୍ଥିକ ବର୍ଷ ଏପ୍ରିଲ ୧ ତାରିଖରେ ଆରମ୍ଭ ହୁଏ। ଯେତେବେଳେ ଫେବୃଆରୀ ଶେଷ ଭାଗରେ ବଜେଟ ଉପସ୍ଥାପନ କରାଯାଉଥିଲା, ସଂସଦରେ ଏହାକୁ ବିତର୍କ ଏବଂ ପାସ ପ୍ରକ୍ରିୟା ବହୁତ ସମୟ ନେଉଥିଲା। କେତେକ ସମୟରେ, ଏହା ମେ କିମ୍ୱା ଜୁନ ପର୍ଯ୍ୟନ୍ତ ଲମ୍ୱିଯାଉଥିଲା, ଯାହା ଫଳରେ ନୂତନ ଯୋଜନା ପାଇଁ ପାଣ୍ଠି ଜାରି କରିବାରେ ବିଳମ୍ୱ ହେଉଥିଲା। ଫେବୃଆରୀ ୧ ତାରିଖରେ ବଜେଟ ଉପସ୍ଥାପନ କରିବା ଦ୍ୱାରା ସରକାରଙ୍କୁ ଏପ୍ରିଲ ୧ ତାରିଖରୁ ସମସ୍ତ ନୂତନ ବ୍ୟବସ୍ଥା ଏବଂ ପାଣ୍ଠି ଆବଣ୍ଟନକୁ ସୁଗମ ଭାବରେ କାର୍ଯ୍ୟକାରୀ କରିବା ପାଇଁ ଦୁଇ ମାସର ଅତିରିକ୍ତ ସମୟ ମିଳିଥାଏ।
ମ୍ୟୁଚୁଆଲ୍ ଫଣ୍ଡ ନିବେଶକଙ୍କ ଆଶ୍ୱସ୍ତି ଆଶା
୨୦୨୬-୨୭ ବଜେଟ୍ ପାଇଁ ମ୍ୟୁଚୁଆଲ୍ ଫଣ୍ଡ ନିବେଶକମାନେ ସରକାରଙ୍କଠାରୁ ବହୁତ ଆଶା ରଖିଛନ୍ତି। ମ୍ୟୁଚୁଆଲ୍ ଫଣ୍ଡ କମ୍ପାନୀ ସଂଘ, AMFI, ଅର୍ଥ ମନ୍ତ୍ରଣାଳୟକୁ ଏହାର ସୁପାରିଶ ଦାଖଲ କରିଛି। ଏଥିରେ ମଧ୍ୟବିତ୍ତ ଶ୍ରେଣୀର ସଞ୍ଚୟ ବୃଦ୍ଧି ଉପରେ ବିଶେଷ ଗୁରୁତ୍ୱ ଦେଇଛି। ଖୁଚୁରା ନିବେଶକମାନଙ୍କୁ ଦୀର୍ଘକାଳୀନ ନିବେଶ ପ୍ରୋତ୍ସାହନ ଏବଂ ଟିକସ ରିହାତି ପ୍ରଦାନ କରିବାକୁ ସଂଘ କେନ୍ଦ୍ର ସରକାରଙ୍କୁ ଅନୁରୋଧ କରିଛି। ଯଦି ସରକାର ଏହି ପରାମର୍ଶଗୁଡ଼ିକୁ କାର୍ଯ୍ୟକାରୀ କରନ୍ତି, ତେବେ କ୍ଷୁଦ୍ର ଏବଂ ମଧ୍ୟମ ଆକାରର ନିବେଶକମାନେ ସିଧାସଳଖ ଲାଭ ପାଇପାରିବେ।
ଆହୁରି ପଢନ୍ତୁ :ୟୁଏଇରେ ଆଲୋଚନା ପୂର୍ବରୁ ରୁଷର ଏୟାରଷ୍ଟ୍ରାଇକ୍, ୟୁକ୍ରେନ୍ କହିଲା- ପୁଟିନ୍ ଚାହୁଁ ନାହାନ୍ତି ଶାନ୍ତି
