ନୂଆଦିଲ୍ଲୀ, ୨୦/୦୧: ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ସେ ଆଜି ୪୭ତମ ରାଷ୍ଟ୍ରପତି ଭାବରେ ଶପଥ ଗ୍ରହଣ କରିବାକୁ ଯାଉଛନ୍ତି । ଶପଥ ଗ୍ରହଣ ସମାରୋହ ଭାରତୀୟ ସମୟ ରାତି ୧୦:୩୦ ରେ ଆରମ୍ଭ ହେବ । ତେବେ ଶପଥ ନେବା ପୂର୍ବରୁ ଟ୍ରମ୍ପ ୱାଶିଂଟନରେ ଆୟୋଜିତ ଏକ ରାଲିକୁ ସମ୍ବୋଧିତ କରିଥିଲେ। ଯେଉଁଥିରେ ସେ ଟିକଟକ , ୟୁକ୍ରେନ ଏବଂ ଋଷ ମଧ୍ୟରେ ଚାଲିଥିବା ଯୁଦ୍ଧକୁ ନେଇ ସ୍ପଷ୍ଟ କରିଛନ୍ତି।
ମେକ୍ ଆମେରିକା ଗ୍ରେଟ୍ ଅଗେନ୍ (MAGA) ରାଲିରେ ରାଷ୍ଟ୍ରପତି ନିର୍ବାଚିତ ଡୋନାଲ୍ଡ ଟ୍ରମ୍ପ କହିଛନ୍ତି ଯେ, ଦେଶର ଦାୟିତ୍ୱ ଗ୍ରହଣ କରିବା ପୂର୍ବରୁ ଆପଣ ଏପରି ଜିନିଷ ଦେଖୁଛନ୍ତି ଯାହାକୁ କେହି ଆଶା କରିନଥିଲେ। ସମସ୍ତେ ଏହାକୁ 'ଟ୍ରମ୍ପ ଇଫେକ୍ଟ' ବୋଲି କହୁଛନ୍ତି। ଟିକଟକ୍ ଫେରି ଆସିଛି । ଆମକୁ ଟିକଟକ୍ ବଞ୍ଚେଇବା ଆବଶ୍ୟକ କାରଣ ଆମକୁ ଅନେକ ଚାକିରି ବଞ୍ଚେଇବାର ଅଛି। ଏଥିସହ ଶପଥ ଗ୍ରହଣ ପୂର୍ବରୁ ବିଜୟ ସମାବେଶରେ ଟ୍ରମ୍ପ କହିଛନ୍ତି ଯେ, ଆମେ ମଧ୍ୟ ପୂର୍ବରେ ଅରାଜକତା ସମାପ୍ତ କରିବୁ। ତୃତୀୟ ବିଶ୍ୱଯୁଦ୍ଧକୁ ରୋକିବୁ। ଆମେରିକାରୁ ବେଆଇନ ପ୍ରବାସୀମାନଙ୍କୁ ବହିଷ୍କାର କରିବୁ। ସୀମା ଉପରେ କଡା ନିୟନ୍ତ୍ରଣ ରହିବ। ଆମେ ଆମର ବ୍ୟବସାୟ ଚାଇନାକୁ ଦେବାକୁ ଚାହୁଁନାହୁଁ, ଆମକୁ ଅନେକ ଚାକିରି ସଞ୍ଚୟ କରିବାକୁ ପଡିବ ।
ସେହିପରି ଇସ୍ରାଏଲ-ହାମାସ ଅସ୍ତ୍ରବିରତି ଆମେରିକା ପାଇଁ ଏକ ଐତିହାସିକ ବିଜୟ, ଆମ ଯୋଗୁଁ ଏହି ଚୁକ୍ତି ହୋଇଥିଲା । ଆମେ ଟିକ୍ଟକ୍ ପସନ୍ଦ କରୁ, ଏହାକୁ ସଞ୍ଚୟ କରିବାର ଆବଶ୍ୟକତା ଅଛି, ଟିକ୍ଟକ୍ ଆମେରିକାରେ ପୁଣି ଆରମ୍ଭ ହୋଇଛି । ସେ ନିର୍ବାଚନରେ ତାଙ୍କର ବିଜୟ ସମ୍ପର୍କରେ ଟ୍ରମ୍ପ କହିଛନ୍ତି ଯେ, ଆମେରିକାର ଇତିହାସରେ ଏହା ହେଉଛି ସବୁଠାରୁ ବଡ ରାଜନୈତିକ ଆନ୍ଦୋଳନ ଏବଂ ୭୫ ଦିନ ପୂର୍ବେ ଆମେ ଆମ ଦେଶରେ ସବୁଠୁ ବଡ ରାଜନୈତିକ ବିଜୟ ହାସଲ କରିଛୁ। ରୁଷ-ୟୁକ୍ରେନ ଯୁଦ୍ଧ ବିଷୟରେ ଟ୍ରମ୍ପ କହିଛନ୍ତି, ମୁଁ ୟୁକ୍ରେନରେ ଯୁଦ୍ଧକୁ ସମାପ୍ତ କରିବି, ମୁଁ ପୂର୍ବର ବିଶୃଙ୍ଖଳାକୁ ବନ୍ଦ କରିବି ଏବଂ ତୃତୀୟ ବିଶ୍ୱଯୁଦ୍ଧ ବନ୍ଦ କରିବି ।
