ନୂଆଦିଲ୍ଲୀ,୧୯।୭: ମଧ୍ୟ ପ୍ରାଚ୍ୟରେ ଉତ୍ତେଜନା ଏବେ ଚରମ ସୀମରେ ପହଁଞ୍ଚି ଯାଇଛି। ଆମେରିକା ସେନା ଇରାନ ବିରୋଧରେ ଲଗାତାର ଅଷ୍ଟମ ରାତିରେ ମଧ୍ୟ ଭୀଷଣ ବୋମାମାଡ କରିଛି। ୟୁଏଏସ୍ ସେଣ୍ଟ୍ରାଲ କମାଣ୍ଡ (CENTCOM) ଅନୁସାରେ, ଏହି ସଠିକ ଆକ୍ରମଣରେ ଇରାନର ଏୟାର ଡିଫେନ୍ସ ସିଷ୍ଟମ,ରାଡାର, ସମୁଦ୍ର ଆଡ୍ଡା, ମିସାଇଲ ଓ ଡ୍ରୋନ୍ ଷ୍ଟୋରେଜକୁ ଭାରି କ୍ଷତି ହୋଇଛି। ଏହି କାର୍ଯ୍ୟାନୁଷ୍ଠାନ ଜୋର୍ଡନ ସ୍ଥିତ ଆମେରିକାର ସାମରିକ ବେସ୍ ଉପରେ ଇରାନ ସମର୍ଥିତ ଆକ୍ରମଣର ଜବାବ୍ରେ କରାଯାଇଛି। ଏଥିରେ ଦୁଇ ଆମେରିକୀୟ ସୈନିକଙ୍କ ମୃତ୍ୟୁ ହୋଇଛି। କ୍ଷେତ୍ରୀୟ ସୁରକ୍ଷା ବିଶେଷଜ୍ଞଙ୍କ କହିବା ଅନୁସାରେ,ଏହି ଆକ୍ରମଣ କେବଳ ପ୍ରାରମ୍ଭିକ। ଆମେରିକା ଏବେ ପୂର୍ଣ୍ଣ ପରିମାଣରେ ସାମରିକ ଅଭିଯାନର ପ୍ରସ୍ତୁତି କରୁଛି।
ଏହା ଭିତରେ ଜେରୁଜେଲମ୍ ପୋଷ୍ଟର ସ୍ପେଶାଲ ରିପୋର୍ଟରୁ ଜଣାପଡିଛି ଯେ, ମିଡିଲ ଇଷ୍ଟରେ ମୁତୟନ ୫୦ ହଜାରରୁ ଅଧିକ ଆମେରିକା ସେନାକୁ ସମ୍ପୂର୍ଣ୍ଣ ଭାବରେ ହାଇ ଆର୍ଲଟରେ ରଖାଯାଇଛି। ରିପୋର୍ଟରେ CENTCOM କମାଣ୍ଡ ସୁତ୍ର ପକ୍ଷରୁ କୁହାଯାଇଛି ଯେ, ଖରାପ ସ୍ଥିତିକୁ ଦେଖି ସୈନିକଙ୍କୁ କୌଣସି କ୍ଷଣରେ ସଂଘର୍ଷ ପାଇଁ ପ୍ରସ୍ତୁତ ରହିବାକୁ କଡା ନିର୍ଦେଶ ଦିଆଯାଇଛି। ଏହି ସୈନିକ ପୂର୍ବରୁ ହିଁ ବିଭିନ୍ନ ସ୍ଥାନରେ ମୁତୟନ ଅଛନ୍ତି। ଏବେ ତାଙ୍କୁ ଅତିରିକ୍ତ ହତିଆର, ଗୋଳା ବାରୁଦ ଓ ଲଜିଷ୍ଟିକ୍ ସପୋର୍ଟ କରାଯାଉଛି। ସୁତ୍ର ଅନୁସାରେ, ଏହି ଆର୍ଲଟ ସ୍ତର ଗତ କିଛି ବର୍ଷରେ ସବୁଠାରୁ ଅଧିକ।
ଆମେରିକା ପ୍ରତିରକ୍ଷା ବିଭାଗ ନିଜର କ୍ଷମତାକୁ ମଜବୁତ କରିବା ପାଇଁ ବଡ଼ ଧରଣର ପଦକ୍ଷେପ ଗ୍ରହଣ କରିଛି। ଜର୍ମାନୀର ସ୍ପାଗଡାହଲେମ୍ ଏୟାରବେସ୍ରୁ ଏଫ୍-୧୬ ଫାଇଟର ଜେଟ୍କୁ ଦ୍ରୁତ ଗତିରେ ମଧ୍ୟ ପଠାଯାଉଛି। ଏହା ସହିତ ୟୁନାଇଟେଡ୍ କିଙ୍ଗଡମରୁ ଉନ୍ନତ ଏଫ୍-୩୫ ଷ୍ଟେଲଥ୍ ଫାଇଟର ଜେଟ୍କୁ ମଧ୍ୟ ମୁତୟନ କରିବା ପାଇଁ ପ୍ରସ୍ତୁତ କରାଯାଇଛି। ଏହି ଦୁଇ ବିମାନ ଇସ୍ରାଏଲ ଓ କ୍ଷେତ୍ରର ଅନ୍ୟ ପ୍ରମୁଖ ଆମେରିକୀୟ ଓ ଏଲାଇଡ୍ ସାମରିକ ବେସ୍ରେ ପହଁଞ୍ଚା ଯାଉଛି। ଏହାଛଡା ଦୀର୍ଘ ସମୟ ପର୍ଯ୍ୟନ୍ତ ଚାଲୁଥିବା ଏହି ସାମରିକ ଅଭିଯାନ ପାଇଁ ଆମେରିକା ଇସ୍ରାଏଲକୁ ଅତିରିକ୍ତ ଏରିୟଲ ରିଫ୍ୟୁଲିଂ ଏୟାରକ୍ରାଫ୍ଟ ମଧ୍ୟ ଉପଲବ୍ଧ କରାଯାଉଛି, ଯାହାକି ଯୁଦ୍ଧ ସ୍ଥିତିରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିପାରିବ।
ଆମେରିକା ଷ୍ଟେଟ୍ ଡିପାର୍ଟମେଣ୍ଟର ସୁରକ୍ଷା ଆଡଭାଇଜରୀକୁ ଆହୁରି ବିସ୍ତାର କରି ସାରା ବିଶ୍ବ ପାଇଁ ଆଲର୍ଟ ଜାରି କରିଛି। ଆଡଭାଇଜରୀରେ ବିଦେଶ ଯାତ୍ରା କରୁଥିବା କିମ୍ବା ବିଦେଶରେ ଥିବା ସବୁ ଆମେରିକୀୟ ନାଗରିକଙ୍କୁ ଅତ୍ୟାଧିକ ସତର୍କ ରହିବା ଓ ଜରୁରୀ ସୁରକ୍ଷା ଉପାୟ ଗ୍ରହଣ କରିବାକୁ କୁହାଯାଇଛି। ବିଭାଗ ବିଶେଷ ଭାବରେ ଚେତାବନୀ ଦେଇଛି ଯେ, ଇରାନ ସମର୍ଥିତ ଆତଙ୍କୀ ଗୋଷ୍ଠୀ ନା କେବଳ ଦୁନିଆର ଅନ୍ୟ ଭାଗରେ ବଂର ଦୂତାବାସ ଓ ନାଗରିକଙ୍କୁ ଟାର୍ଗେଟ କରିପାରନ୍ତି। ଏହି ଆଡଭାଇଜରୀ ପରେ ବହୁ ଦେଶରେ ଆମେରିକୀୟ ନାଗରିକଙ୍କୁ ପରାମର୍ଶ ଦିଆଯାଇଛି ଅନାବଶ୍ୟକୀୟ ଯାତ୍ରାକୁ ଘୁଞ୍ଚାଇ ଦିଅନ୍ତୁ ଓ ସ୍ଥାନୀୟ ସୁରକ୍ଷା ଏଜେନ୍ସି ସହ ସମ୍ପର୍କ ରଖନ୍ତୁ।
ଅନ୍ୟପକ୍ଷେ ଜେରୁଜେଲମ୍ ପୋଷ୍ଟ ଅନୁସାରେ, ଆମେରିକା-ଇରାନ ଭିତରେ ଦୃତ ଗତିରେ ବଢୁଥିବା ଘଟଣା ଉପରେ ଇସ୍ରାଏଲର ପୁରା ନଜର ରଖିଛି। ଲଗାତାର ୮ ରାତି ଆମେରିକାର ଆକ୍ରମଣ ପରେ ଇରାନ ଏପର୍ଯ୍ୟନ୍ତ ଇସ୍ରାଏଲକୁ ସିଧା ଟାର୍ଗେଟ କରିନାହିଁ, କିନ୍ତୁ ଇସ୍ରାଏଲ ଅଧିକାରୀଙ୍କ ଆକଳନ ଯେ, ଏହି ସ୍ଥିତି ଖୁବ୍ ଶୀଘ୍ର ବଦଳିପାରେ। ଆମେରିକା ଅଧିକାରୀ ଇସ୍ରାଏଲକୁ ବର୍ତ୍ତମାନ ଲଢେଇରେ ସାମିଲ ହେବାକୁ ପରାମର୍ଶ ଦେଇଛି। ଇରାନ ବିରୋଧରେ ଇସ୍ରାଏଲ ସାମରିକ କାର୍ଯ୍ୟାନୁଷ୍ଠାନରେ ସାମିଲ ହେବାର ପ୍ରସ୍ତାବ ରଖିଥିଲା, କିନ୍ତୁ ଓ୍ବାଶିଂଟନ୍ ଏହାକୁ ଏବେ ସ୍ବୀକାର କରିନାହିଁ।
ଆହୁରି ପଢନ୍ତୁ : Mojtaba Khamenei : ମୋଜତବା ଖାମେନି ଇରାନରେ ନାହାନ୍ତି ତ କେଉଁଠି ଅଛନ୍ତି ? ସଦ୍ୟତମ ଦାବିକୁ ନେଇ ବଢିଲା ଚର୍ଚ୍ଚା
