ଭୁବରେଶ୍ୱର, ୧୨।୬ : ରଥଯାତ୍ରାରେ ରେଳବାଇ ଜ୍ୟାକ ଗୁଡିକ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରୁଥିବା ବେଳେ ଏହା ରେଳବାଇ ପାଇଁ ଏକ ଦିବ୍ୟ ସଂଯୋଗ। ଶ୍ରୀ ଜଗନ୍ନାଥ ମନ୍ଦିରରୁ ପ୍ରାୟ ୨୦୦ ମିଟର ଦୂରରେ ରଥ ଗୁଡିକ ନିର୍ମିତ ହୋଇଥାଏ।ମୁଖ୍ୟ ମନ୍ଦିର ସମ୍ମୁଖରେ ତିନୋଟି ରଥକୁ ସଠିକ ସ୍ଥାନରେ ରଖିବା ଅତ୍ୟନ୍ତ କଷ୍ଟକର କାର୍ଯ୍ୟ ଏବଂ ଏଥିପାଇଁ ବଡ ବଡ ରେଳବାଇ ଜ୍ୟାକ ବ୍ୟବହାର କରାଯାଏ।
ରଥଯାତ୍ରା ସମୟରେ ରେଳ ବିଭାଗର ୪୦ ଜଣ କର୍ମଚାରୀଙ୍କ ଏକ ଦଳ ସମସ୍ତ ମରାମତି ଉପକରଣ ସହିତ ଦୁଇଟି ଟ୍ରକରେ ରଥଗୁଡିକୁ ଅନୁସରଣ କରନ୍ତି। ପ୍ରଚଳତି ପରମ୍ପରା ଅନୁଯାୟୀ, ରଥଗୁଡିକ ଆଗକୁ ବଢିବ। ପରେ ପଛକୁ ହଟନ୍ତି ନାହଁ । ତେଣୁ ରଥଗୁଡିକୁ ସୁଗମ ଭାବରେ ଚଳାଇବାରେ ରେଳ କର୍ମଚାରୀଙ୍କ ଭୂମିକା ଆହୁରି ଗୁରୁତ୍ୱପୂର୍ଣ୍ଣ ହୋଇଥାଏ।
କେତେକ ଘଟଣାରେ ରଥଗୁଡିକରେ ହୋଇଥିବା ଅତ୍ୟଧିକ କ୍ଷତିକୁ ମରାମତି କରିବା ପାଇଁ ଭୁବନେଶ୍ବର ମଞ୍ଚେଶ୍ବରରେ ଅବସ୍ଥିତ କାରଖାନାରୁ ସ୍ୱତନ୍ତ୍ର ଲୁହା କ୍ଲାମ୍ପ ତିଆରି ହେବାର ଉଦାହରଣ ମଧ୍ୟ ଇତିହାସରର ଲିପିବଦ୍ଧ ରହିଛି। ରେଳ ବିଭାଗ ବିଶାଳ ରଥଗୁଡିକୁ ସେମାନଙ୍କର ନିର୍ମାଣ ସ୍ଥାନରୁ ମୁଖ୍ୟ ମନ୍ଦିର ଦ୍ୱାରକୁ ପରିବହନ କରିବା,ନିର୍ମାଣ କିମ୍ବା ଯାତ୍ରା ସମୟରେ ରଥଗୁଡିକର ହୋଇଥିବା କ୍ଷତିର ମରାମତି କରିବା, ରଥଗୁଡିକୁ ଦିଶା ନିର୍ଦେଶ ପ୍ରଦାନ କରିବା, ରଥ ଗୁଡିକର ଦିଗ ପରିବର୍ତ୍ତନ କରିବା ଏବଂ ରଥଗୁଡିକୁ ସ୍ଥାନାନ୍ତର କରିବା ଭଳି ସେବା ପ୍ରଦାନ କରିଥାଏ।
