ନୂଆଦିଲ୍ଲୀ,୧୪/୦୧: ଦ କିଙ୍ଗ୍ ଇଜ ବ୍ୟାକ୍ । ବିରାଟ କୋହଲି ପୁଣି ଥରେ ଦିନିକିଆ କ୍ରିକେଟରେ ନିଜର ଶ୍ରେଷ୍ଠତା ହାସଲ କରିଛନ୍ତି । ଆଇସିସି ସଦ୍ୟତମ ଦିନିକିଆ ବ୍ୟାଟିଂ ରାଙ୍କିଙ୍ଗରେ ବିରାଟ କୋହଲି ନମ୍ବର ୱାନ୍ ବ୍ୟାଟର ହୋଇଛନ୍ତି । ପ୍ରାୟ ୧୪୦୩ ଦିନ ଅର୍ଥାତ ୪ ବର୍ଷ ପରେ ପୁଣି ଥରେ କୋହଲି ଦିନିକିଆରେ ବିଶ୍ୱର ନମ୍ବର ୱାନ୍ ବ୍ୟାଟର ହୋଇଛନ୍ତି । ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଦିନିକିଆରେ କୋହଲି ୯୧ ବଲରେ ୯୩ ରନର ଇନିଂସ ଖେଳିଥିଲେ । ଏହି ପ୍ରଦର୍ଶନ ତାଙ୍କୁ ମାନ୍ୟତା ପରିବର୍ତ୍ତନରେ ସହାୟକ ହୋଇଛି । ପ୍ରଥମ ଦିନିକିଆରେ ସେ ପ୍ଲେୟାର ଅଫ ଦି ମ୍ୟାଚ ମଧ୍ୟ ବିବେଚିତ ହୋଇଥିଲେ । ଦିନିକିଆରେ ନମ୍ବର ୱାନ୍ ବ୍ୟାଟର ହୋଇ ପୁଣି ଥରେ ନିଜର ଶ୍ରେଷ୍ଠତା ହାସଲ କରିଛନ୍ତି । ହିଟମ୍ୟାନ ରୋହିତ ଶର୍ମାଙ୍କୁ ପଛରେ ପକାଇଛନ୍ତି ବିରାଟ ।
ବର୍ତ୍ତମାନ ବିରାଟ କୋହଲି ଭଲ ଫର୍ମରେ ରହିଛନ୍ତି । ଅଷ୍ଟ୍ରେଲିଆରେ ୫୦ ଓଭର ବିଶିଷ୍ଟ ସିରିଜ୍ ପରଠାରୁ, କୋହଲି ତାଙ୍କର ଶେଷ ୫ ଇନିଂସରେ ଅପରାଜିତ ୭୪, ୧୩୫ , ୧୦୨, ଅପରାଜିତ ୬୫ ଏବଂ ୯୩ ରନ୍ କରିଛନ୍ତି । ୩୭ ବର୍ଷୀୟ ଖେଳାଳି ଜୁଲାଇ ୨୦୨୧ ପରେ ପ୍ରଥମ ଥର ପାଇଁ ବ୍ୟାଟିଂ ରାଙ୍କିଙ୍ଗର ଶୀର୍ଷକୁ ଫେରିଛନ୍ତି । ଭାରତକୁ ଭଦୋଦରାରେ ନ୍ୟୁଜିଲାଣ୍ଡର ମୋଟ ୩୦୦ ରନକୁ ସଫଳତାର ସହ ପିଛା କରିବାରେ ସାହାଯ୍ୟ କରିଥିଲା କୋହଲିଙ୍କ ଇନିଂସ ।
𝗡𝘂𝗺𝗯𝗲𝗿 𝗢𝗡𝗘 👑
— BCCI (@BCCI) January 14, 2026
Congratulations to Virat Kohli - the Number One Batter in ICC Men's ODI Rankings 👏👏#TeamIndia | @imVkohli pic.twitter.com/yTWjSQlNb7
କୋହଲି ପ୍ରଥମ ଥର ପାଇଁ ଅକ୍ଟୋବର ୨୦୧୩ରେ ଦିନିକିଆରେ ଶୀର୍ଷ ସ୍ଥାନ ହାସଲ କରିଥିଲେ । ସେ ମୋଟ ୮୨୫ ଦିନ ପାଇଁ ଶୀର୍ଷ ସ୍ଥାନ ବଜାୟ ରଖିଛନ୍ତି । ନମ୍ବର ୧ରେ ସବୁଠାରୁ ଅଧିକ ସମୟ ଧରି ରହିବା ଖେଳାଳି ତାଲିକାରେ କୋହଲି ୧୦ମ ସ୍ଥାନରେ ଅଛନ୍ତି । ୨୩୦୬ ଦିନ ସହ ବିବ ରିଚାର୍ଡ ପ୍ରଥମ ସ୍ଥାନରେ ରହିଛନ୍ତି । ୨୦୭୯ ଦିନ ସହ ବ୍ରାୟନ ଲାରା ଦ୍ୱିତୀୟ ଓ ୧୩୬୧ ଦିନ ସହ ମାଇକେଲ ବେବନ ତୃତୀୟ ସ୍ଥାନରେ ରହିଛନ୍ତି । ଆଇସିସି ନମ୍ବର ୱାନ୍ ବ୍ୟାଟର ତାଲିକାରେ ବିରାଟଙ୍କ ପରେ ଦ୍ୱିତୀୟ ସ୍ଥାନରେ ଡାରିଏଲ ମିଚେଲ ଅଛନ୍ତି । ଏହାପରେ ତୃତୀୟ ସ୍ଥାନରେ ଅଛନ୍ତି ରୋହିତ ଶର୍ମା ।
