ନୂଆଦିଲ୍ଲୀ, ୦୨/୦୪ : ଅଟିଜିମ୍-ଏକ ନ୍ୟୁରୋଡେଭଲପମେଣ୍ଟାଲ ଡିସଅର୍ଡର। ଏହି କାରଣରୁ ଶିଶୁ ଏବଂ ବୟସ୍କମାନଙ୍କୁ ଭିନ୍ନ ଭାବରେ ଚିନ୍ତା କରିବାକୁ, ଶିଖିବାକୁ ଏବଂ କଥାବାର୍ତ୍ତା କରନ୍ତି। ସଠିକ୍ ସୂଚନାର ଅଭାବ ସମାଜରେ ଅଟିଜିମ୍ ବିଷୟରେ ଭ୍ରାନ୍ତ ଧାରଣା ଆଣେ। ବହୁ ସମୟରେ ମାତା ପିତା କିମ୍ବା ଶିକ୍ଷକ ଏହି ଲକ୍ଷଣକୁ ଜାଣିପାରନ୍ତି ନାହିଁ। ଯେଉଁଥିପାଇଁ ଅଟିଜିମ୍ ରେ ଶିକାର ଶିଶୁକୁ ଉଚିତ୍ ସମୟରେ ସାହାଯ୍ୟ ମିଳେ ନାହିଁ। ତେଣୁ ଅଟିଜିମ୍ ନେଇ ସମାଜରେ ସଚେତନତା ସୃଷ୍ଟି କରିବା ପାଇଁ ପ୍ରତି ବର୍ଷ ଏପ୍ରିଲ ୨ରେ ବିଶ୍ଵ ସ୍ତରରେ ଅଟିଜିମ୍ ସଚେତନତା ଦିବସ ପାଳନ ହେଉଛି। ଏହି ଦିନରେ ସମାଜରେ ଅଟିଜିମ ପ୍ରତି ସକାରାତ୍ମକ ଚିନ୍ତାଧାରା ବୃଦ୍ଧି କରିବା ପାଇଁ ସାରା ବିଶ୍ୱରେ ନୀଳ ଆଲୋକ, କାର୍ଯ୍ୟକ୍ରମ ଏବଂ ସଚେତନତା ଅଭିଯାନ ଆୟୋଜନ କରାଯାଏ।
୨୦୦୭ ମସିହାରେ ଜାତିସଙ୍ଘ ମହାସଭା ଦ୍ଵାରା ଅଟିଜିମ୍ ଦିବସ ପ୍ରଥମେ ପାଳିତ ହୋଇଥିଲା। ଏହା ପରେ ପ୍ରତି ବର୍ଷ ଏହି ଦିନ ଭିନ୍ନ ଭିନ୍ନ ଥିମ୍ ରେ ଅଟିଜିମ୍ ସଚେତନତା ଦିବସ ପାଳନ ହେଉଛି। ତେବେ ଚଳିତ ବର୍ଷର ଥିମ୍ ହେଉଛି "ଅଟିଜିମ୍ ଏବଂ ମାନବିକତା - ପ୍ରତ୍ୟେକ ଜୀବନର ମୂଲ୍ୟ ଅଛି"।
ଅଟିଜିମ୍ ର ଲକ୍ଷଣ-
କଥାବାର୍ତ୍ତା କରିବାରେ ଅସୁବିଧା
ଅନ୍ୟର ଭାବନା ବୁଝିବାରେ ଅସୁବିଧା
ବାରମ୍ଵାର ଗୋଟିଏ କାମକୁ ଦୋହରାଇବା
ସାମାଜିକ ବ୍ୟବହାରରୁ ଦୂରେଇ ରହିବା
ଅଖିରେ କମ୍ ସମ୍ପର୍କ କରିବା
କୌଣସି ଜିନିଷ ଉପରେ ଅତ୍ୟଧିକ ଧ୍ୟାନ ଦେବା
ସାମାନ୍ୟ ଗତିବିଧିରେ ଅସାମାନ୍ୟ ପ୍ରତିକ୍ରିୟା ଦେଖିବାକୁ ମିଳିବ
ଯଦି ପିଲାମାନଙ୍କ ଠାରେ ଅଟିଜିମ୍ ଲକ୍ଷଣ ଦେଖାଯାଏ ତେବେ ତୁରନ୍ତ ବିଶେଷଜ୍ଞଙ୍କ ସହ ଯୋଗାଯୋଗ କରିବା ଉଚିତ୍। ଠିକ୍ ସମୟରେ ରୋଗ ନିର୍ଣ୍ଣୟ ଏବଂ ଚିକିତ୍ସା ହେଲେ ପିଲାର ସାମାଜିକ, ଭାଷାଗତ ଏବଂ ଆଚରଣଗତ କ୍ଷମତାରେ ଉନ୍ନତି ହୋଇପାରିବ। ପିତାମାତା ଏବଂ ଶିକ୍ଷକ ଉଭୟ ପିଲାମାନଙ୍କ ସହିତ ଧୈର୍ଯ୍ୟର ସହିତ କାମ କରିବା ଉଚିତ ଏବଂ ଏକ ସକାରାତ୍ମକ ପରିବେଶ ଯୋଗାଇବା ଉଚିତ। ଯାହା ସେମାନଙ୍କ ଜୀବନକୁ ପ୍ରଭାବିତ କରିବ।
ଏହି ଖବରଟିକୁ ପଢନ୍ତୁ- ଭୟଙ୍କର ଅନୁଭୂତି ବଖାଣିଲେ ନୌସେନା କ୍ୟାପ୍ଟେନ୍: ଡ୍ରୋନ୍, ମିସାଇଲ ବିସ୍ଫୋରଣରେ ସମୁଦ୍ରରେ ଫସି ରହିଥିଲେ ୮୦ ଦିନ
