ବ୍ରହ୍ମପୁର, ୧୩/୯: ବାପା ଗାଳି କରିବାରୁ ପୁରୁଣା ବ୍ରହ୍ମପୁର ମେଣ୍ଟୁ ଛକର ଲବ ସାହୁଙ୍କ ପୁଅ ସୁରଜ (୨୨) ଦେହରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ । ଗୁରୁତର ଅବସ୍ଥାରେ ଦୁଇ ଦିନ ଧରି ଭୁବନେଶ୍ୱର ଏମ୍ସରେ ତାଙ୍କ ଚିକିତ୍ସା ଜାରି ରହିଥିଲା । ଶୁକ୍ରବାର ସନ୍ଧ୍ୟା ୭.୩୦ରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।
ବୁଧବାର ରାତି ୯ଟା ୩୦ରେ ସୁରଜ ଦୋକାନ ସମ୍ମୁଖରେ ଏକ ପ୍ଲାଷ୍ଟିକ୍ ବୋତଲରୁ ପେଟ୍ରୋଲ ବାହାର କରି ନିଜ ଦେହରେ ଢାଳିଥିଲେ । ଏହାପରେ ନିଜକୁ ନିଆଁ ଲଗାଇଥିଲେ । ସେ ହୁତୁହୁତୁ ଜଳୁଥିବା ବେଳେ ସ୍ଥାନୀୟ ଲୋକ ତାଙ୍କୁ ଉଦ୍ଧାରକରି ଏମ୍କେସିଜି ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରିଥିଲେ । ସେଠାରେ ପ୍ରାଥମିକ ଚିକିତ୍ସା କରି ଡାକ୍ତର ଅଧିକ ଚିକିତ୍ସା ପାଇଁ ଭୁବନେଶ୍ୱର ଏମ୍ସକୁ ସ୍ଥାନାନ୍ତର କରିଥିଲେ । ଦୁଇ ଦିନ ଧରି ଏମ୍ସରେ ସୁରଜଙ୍କ ଚିକିତ୍ସା ଜାରି ରହିଥିଲା । ପୁରୀ ସ୍ୱର୍ଗଦ୍ୱାରରେ ତାଙ୍କ ଶେଷକୃତ୍ୟ କରିବେ ବୋଲି ବାପା କହିଛନ୍ତି ।
