ନୂଆଦିଲ୍ଲୀ,୨୯।୪: ପୂର୍ବତନ କେନ୍ଦ୍ରମନ୍ତ୍ରୀ ଓ ବିଜେପି ନେତା ସୁବ୍ରମଣ୍ୟମ ସ୍ବାମୀ ସମ୍ବିଧାନର ପ୍ରସ୍ତାବନାରୁ ସମାଜବାଦୀ ଓ ଧର୍ମନିରପେକ୍ଷ ଶବ୍ଦକୁ ହଟାଇବାର ଏକ ଜନସ୍ବାର୍ଥ ଆବେଦନ ଦାଖଲ କରିଛନ୍ତି, ଯାହା ଉପରେ ଆଜି ସୁପ୍ରିମକୋର୍ଟରେ ଶୁଣାଣି ହୋଇଛି, କିନ୍ତୁ ଜଷ୍ଟିସ୍ ସଞ୍ଜୀବ ଖାନ୍ନା ଓ ଜଷ୍ଟିସ୍ ଦୀପଙ୍କର ଦତ୍ତଙ୍କ ଖଣ୍ଡପୀଠ ଆଜି ପୁଣିଥରେ ଏହି ମାମଲାର ଶୁଣାଣି ଘୁଞ୍ଚାଇ ଦେଇଛନ୍ତି।

କୋର୍ଟରେ ଯେତେବେଳେ ଶୁଣାଣି ଆରମ୍ଭ ହୋଇଥିଲା, ଆବେଦନକାରୀ ଏହାକୁ ସମ୍ବିଧାନିକ ପ୍ରସଙ୍ଗ ବୋଲି କହିବା ସହ କହିଛନ୍ତି, ମାଇଲର୍ଡ ଏହି ମାମଲାରେ ଯାହା ବି ପ୍ରଶ୍ନ ରହିଛି, ଆମକୁ ପଚରା ଯାଉ। ଆମେ ଏହାର ଜବାବ ଦେବାକୁ ଚାହୁଁଛୁ। ଏହା ଉପରେ ଜଷ୍ଟିସ୍ ଖାନ୍ନା ବିଜେପି ନେତାଙ୍କୁ କହିଛନ୍ତି, ମିଷ୍ଟର ସ୍ବାମୀ ଏହା ଉପରେ ଆମେ ଛୁଟି ପରେ ଶୁଣାଣି କରିବା। ଆଜି ଆମ ଉପରେ କାମ ବହୁତ ଚାପ ରହିଛି।’ 

ଉଲ୍ଲେଖନୀୟ ଯେ, ଫେବୃଆରୀରେ ଗତ ଶୁଣାଣିରେ ଜଷ୍ଟିସ୍ ଖାନ୍ନା ପଚାରିଥିଲେ, କ’ଣ ସମ୍ବିଧାନକୁ ୪୨ ତମ ସଂଶୋଧନ(ସେହି ଶବ୍ଦକୁ ସାମିଲ କରିବା ପାଇଁ କରାଯାଇଥିବା ସଂଶୋଧନ) ପୂର୍ବରୁ ମଧ୍ୟ ସଂଶୋଧିତ କରାଯାଇପାରେ ଓ ଏହି ଶବ୍ଦକୁ ଅଙ୍ଗୀକାର କରିବାର ତାରିଖକୁ ବଜାୟ ରଖାଯାଇ ପାରିଥାନ୍ତା ? ଏହାପରେ ମାମଲାକୁ ଅପ୍ରେଲ ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଥିଲା ଦିଆଯାଇଥିଲା।