ଭୁବନେଶ୍ୱର୦୩/୦୫: ଆଜି ଏକାମ୍ର ନିର୍ବାଚନମଣ୍ଡଳୀରୁ  ବିଜେପି  ବିଧାୟକ ପ୍ରାର୍ଥୀ ବାବୁ ସିଂ ଓ ବିଜେଡି ବିଧାୟକ ପ୍ରାର୍ଥୀ ଅଶୋକ ପଣ୍ଡା ମାନାଙ୍କନପତ୍ର ଦାଖଲ କରିବେ । ସକାଳୁ ଶ୍ରୀଲିଙ୍ଗରାଜ ମନ୍ଦିରରୁ ୨ ନେତାଙ୍କ ପଦଯାତ୍ରା ବାହାରିବେ । ହଜାର ହଜାର କର୍ମୀ, ସମର୍ଥକଙ୍କ ଗହଣରେ ୨ ନେତା  ଉପ-ଜିଲ୍ଲାପାଳଙ୍କ ଅଫିସକୁ ଯିବେ । 

ଆଉ କିଛି ସମୟ ପରେ ଅଶୋକଙ୍କ ପଦଯାତ୍ରା ରଥଖଳାରୁ ବାହାରିବ । କର୍ମୀଙ୍କ ଗହଣରେ ଅଶୋକ ଚାଲି ଚାଲି ବଢ଼େଇବାଙ୍କ,  ତିନିମୁଣ୍ଡିଆ ଛକ, ଗୋସାଗରେଶ୍ୱର ଛକ, ମାଉସୀ ମା’ ଛକ ଦେଇ କଳ୍ପନା  ଯାଏଁ ଯିବେ । 

ଉତ୍ତର ଭୁବନେଶ୍ୱର ଆସନ ପାଇଁ ନାମାଙ୍କନ ଭରିବେ ବିଜେପି ବିଧାୟକ ପ୍ରାର୍ଥୀ ପ୍ରିୟଦର୍ଶୀ ମିଶ୍ର

ସେହିପରି ବାବୁ ମଧ୍ୟ ନାମାଙ୍କନ ପାଇଁ ବିଶାଳ ଶୋଭାଯାତ୍ରାରେ  ଯିବେ । ଶ୍ରୀଲିଙ୍ଗରାଜ ମନ୍ଦିରଠାରୁ  ତାଙ୍କ ଶୋଭାଯାତ୍ରା ବାହାରିବ । ଗ୍ୟାରେଜ୍‌ ଛକରୁ ଲୁଇସ୍‌ ରୋଡରେ ରବି ଟକିଜ ଛକ ଦେଇ କଳ୍ପନାରେ ପହଞ୍ଚିବ । ଗୋଟିଏ ଦିନରେ ୨ଟି ପ୍ରମୁଖ ଦଳର ପ୍ରାର୍ଥୀଙ୍କ ନାମାଙ୍କନ ଦାଖଲ  ଶୋଭାଯାତ୍ରା ଯୋଗୁ ଲୁଇସ୍‌ ରୋଡ, ରଥ ରୋଡ, ମାଉସୀ ମା’ ଛକ-କଳ୍ପନା  ରାସ୍ତାରେ ପ୍ରବଳ ଟ୍ରାଫିକ୍‌ ଜାମ୍‌ ଉପୁଜିବ । ପୁଲିସ ନିଷ୍ପତ୍ତି ନେଇଛି, ଲୁଇସ୍‌  ରୋଡର ଗୋଟିଏ ପାଶ୍ୱର୍କୁ ବ୍ଲକ କରାଯିବ । ସେହିପରି ଶୋଭାଯାତ୍ରା ବେଳେ ରଥ  ରୋଡ ଓ ମାଉସୀ ମା’ ରାସ୍ତାକୁ ମଧ୍ୟ ସାମୟିକ ସମୟ ପାଇଁ ବନ୍ଦ କରାଯିବ