ନୂଆଦିଲ୍ଲୀ: ମାଇକ୍ରୋବ୍ଲଗିଂ ସାଇଟ୍ ଟ୍ବିଟର (ଏବେ ଏକ୍ସ)କୁ ଅଧିଗ୍ରହଣ କରିବା ପରଠୁ ଏଲନ ମସ୍କ ବହୁତ ବଡ଼ ପରିବର୍ତ୍ତନ କରୁଛନ୍ତି । ପ୍ରଥମେ ବ୍ଲୁ ଟିକ୍ ପାଇଁ ଟଙ୍କା ଦେବାକୁ ପଡ଼ିବ ବୋଲି ମସ୍କ ଘୋଷଣା କରି ୟୁଜର୍ସଙ୍କୁ ଚକିତ କରିଦେଇଥିଲେ । ଆଉ ଏବେ ପୁଣି ଏକ ବଡ଼ ଘୋଷଣା କରିଛନ୍ତି ଏଲନ ମସ୍କ । ପୁଣି ଥରେ ଏକ୍ସ ୟୁଜର୍ସଙ୍କ ପାଖରୁ ଚାର୍ଜ ଭିଡ଼ିବାକୁ ମସ୍କ ଯୋଜନା କରିଛନ୍ତି । ନୂଆ ୟୁଜର୍ସଙ୍କ ଲାଗି ନୂଆ ନିୟମ ଆସିଛି ।
ଏବେ ଏକ୍ସରେ ପୋଷ୍ଟ କଲେ କିମ୍ବା କୌଣସି ପୋଷ୍ଟରେ ଲାଇକ, କମେଣ୍ଟ ଏବଂ ବୁକମାର୍କ କଲେ ଚାର୍ଜ ଲାଗିବ । ଏକ୍ସର ଜଣେ ୟୁଜରଙ୍କୁ ଜବାବ ଦେଇ ଏହି ସୂଚନା ଦେଇଛନ୍ତି ଏଲନ ମସ୍କ । ଏବେ ଏବେ ଏକ୍ସ ବ୍ୟବହାର କରୁଥିବା ୟୁଜର ଏହି ଚାର୍ଜ ଦେବାକୁ ବାଧ୍ୟ ହେବେ । ଏହା ପୂର୍ବରୁ ୨୦୨୩ ଅକ୍ଟୋବର ମାସରେ ଫିଲିପାଇନ୍ସ ଏବଂ ନ୍ୟୁଜିଲାଣ୍ଡର ନୂଆ ୟୁଜର୍ସଙ୍କ ଲାଗି ବାର୍ଷିକ ଏକ ଡଲାର ଚାର୍ଜ ଦେବାକୁ ଘୋଷଣା କରିଥିଲେ ଏଲନ ମସ୍କ।
Unfortunately, a small fee for new user write access is the only way to curb the relentless onslaught of bots.
— Elon Musk (@elonmusk) April 15, 2024
Current AI (and troll farms) can pass “are you a bot” with ease.
SPECULATION: X might be expanding its policy to charge new users before they reply/like/bookmark a post https://t.co/odqeyeiHBx pic.twitter.com/EU71qlwQ0D
— X Daily News (@xDaily) April 15, 2024
ସେପଟେ ଏକ୍ସରେ ଥିବା ବହୁ ଫେକ୍ ଆକାଉଣ୍ଟଗୁଡ଼ିକୁ ହଟାଇ ଦିଆଯାଇଛି । ଚଳିତ ବର୍ଷ ୨୬ ଫେବୃଆରିରୁ ୨୫ ମାର୍ଚ୍ଚ ମଧ୍ୟରେ ୨ ଲକ୍ଷ ୧୩ ହଜାର ଆକାଉଣ୍ଟ ବ୍ୟାନ କରିଛି ଏକ୍ସ । ଏହି ସବୁ ଆକାଉଣ୍ଟ କମ୍ପାନି ପଲିସିର ଉଲ୍ଲଂଘନ କରୁଥିଲେ । ତେବେ ଏଣିକି ନୂଆ ୟୁଜରଙ୍କୁ ବାର୍ଷିକ ଚାର୍ଜ ଦେବାକୁ ପଡ଼ିବ । ହେଲେ ୩-୪ ମାସ ପରେ ସମ୍ପୃକ୍ତ ୟୁଜର ମାଗଣାରେ ପୋଷ୍ଟ, ଲାଇକ, କମେଣ୍ଟ କରିପାରିବେ ବୋଲି ମସ୍କ ଜଣାଇଛନ୍ତି । ତେବେ ବଟ୍କୁ ନିୟନ୍ତ୍ରଣ କରିବା ଲାଗି ଏଭଳି ନିୟମ ଆସିଥିବା ନେଇ ଏଲନ ମସ୍କ ସୂଚନା ଦେଇଛନ୍ତି ।
