ନୂଆଦିଲ୍ଲୀ: ବର୍ତମାନ ସମୟରେ ଆମେରିକାର ପୂର୍ବତନ ରାଷ୍ଟ୍ରପତିଙ୍କ ବିରୋଧରେ ଅପରାଧିକ ମାମଲା ଚାଲିଛି । ଆଉ ଏହି ସମୟରେ ବ୍ରିଟେନର ପୂର୍ବତନ ପ୍ରଧାନମନ୍ତ୍ରୀ ଲିଜ ଟ୍ରସ ତାଙ୍କୁ ସମର୍ଥନ କରି କହିଛନ୍ତି ଯେ, ଡୋନାଲ୍ଡ ଟ୍ରମ୍ପ ଆମେରିକାର ରାଷ୍ଟ୍ରପତି ଥିବାବେଳେ ବିଶ୍ୱ ଅଧିକ ସୁରକ୍ଷିତ ଥିଲା ।
ଡୋନାଲ୍ଡ ଟ୍ରମ୍ପଙ୍କ ସମର୍ଥନରେ ଏବେ ବ୍ରିଟେନର ପୂର୍ବତନ ପ୍ରଧାନମନ୍ତ୍ରୀ ଏକ ବିବୃତ୍ତି ଦେଇ କହିଛନ୍ତି ଯେ, ଡୋନାଲ୍ଡ ଟ୍ରମ୍ପଙ୍କ ନେତୃତ୍ୱରେ ବିଶ୍ୱ ଅଧିକ ସୁରକ୍ଷିତ ଥିଲା । ସେ କହିଛନ୍ତି ଯେ ‘ମୁଁ ଏହା କହୁ ନାହିଁ ଯେ ସେ ଯାହା କରିଛନ୍ତି ମୁଁ ସେଥିରେ ସହମତ, କିନ୍ତୁ ଚୀନ୍ ଏବଂ ଇରାନ ପ୍ରତି ତାଙ୍କର ମନୋଭାବ ଆକ୍ରମଣାତ୍ମକ ଥିଲା’ । ତାଙ୍କ ସମର୍ଥନରେ ଦେଶ ଏବଂ ବିଶ୍ୱ ଅଧିକ ସୁରକ୍ଷିତ ଥିଲା ।
ବ୍ରିଟେନର ପୂର୍ବତନ ପ୍ରଧାନମନ୍ତ୍ରୀ ନିର୍ବାଚନ ପାଇଁ ଡୋନାଲ୍ଡ ଟ୍ରମ୍ପଙ୍କୁ ସମର୍ଥନ କରିଛନ୍ତି । ୟୁକ୍ରେନକୁ ସମର୍ଥନ କରିବା ପ୍ରସଙ୍ଗରେ ଡୋନାଲ୍ଡ ଟ୍ରମ୍ପଙ୍କ ନିଷ୍ପତ୍ତିକୁ ସେ ପ୍ରଶଂସା କରିଛନ୍ତି । ସେ କହିଛନ୍ତି ଯେ ଟ୍ରମ୍ପ ହ୍ବାଇଟ୍ ହାଉସରେ ରହିବା ଉଚିତ ।"ଆକ୍ରମଣାତ୍ମକ ଶାସନର ବସ୍ତାରକୁ ରୋକିବାରେ ଟ୍ରମ୍ପ ଅଧିକ ପ୍ରଭାବଶାଳୀ ଥିଲେ । ମତେ ଲାଗୁଛି ଯଦି ସେ ୨୦୨୦ ରେ ପୁନଃନିର୍ବାଚିତ ହୋଇଥାନ୍ତେ ତେବେ ଆମେ ଏକ ଭିନ୍ନ ପରିସ୍ଥିତିରେ ଥାନ୍ତେ।"
୭୭ ବର୍ଷୀୟ ଡୋନାଲ୍ଡ ଟ୍ରମ୍ପ ହେଉଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି, ଯିଏକି ଅପରାଧିକ ମାମଲାର ସମ୍ମୁଖୀନ ହୋଇଛନ୍ତି । ୨୦୧୬ ନିର୍ବାଚନ ପ୍ରଚାର ସମୟରେ ଚଳଚ୍ଚିତ୍ର ଅଭିନେତ୍ରୀ ଷ୍ଟର୍ମୀ ଡାନିଏଲ୍ସଙ୍କ ସହ ହୋଇଥିବା ଯୌନ ସମ୍ପର୍କକୁ ଲୁଚାଇବା ପାଇଁ ସେ ଏକ ଯୋଜନାରେ ବ୍ୟବସାୟ ରେକର୍ଡ ଜାଲିଆତି କରିଥିବା ଅଭିଯୋଗ ହୋଇଛି । ଏହା ବ୍ୟତୀତ ଟ୍ରମ୍ପଙ୍କ ବିରୋଧରେ ଅନ୍ୟ ତିନୋଟି ମାମଲା ଚାଲୁ ରହିଛି ।