ନୂଆଦିଲ୍ଲୀ : ସଂଯୁକ୍ତ ଆରବ ଏମିରେଟ( ୟୁଏଇ)ରେ ଜଳ ପ୍ରଳୟ ଲୋକଙ୍କ ଜୀବନକୁ ଦୁର୍ବିସହ କରି ଦେଇଛି। ଚଳିତ ସପ୍ତାହ ରେକର୍ଡ ସଂଖ୍ୟକ ବର୍ଷା କାରଣରୁ ଦୁବାଇରେ ବନ୍ୟା ସ୍ଥିତି। ଲୋକଙ୍କ ଘରେ ପାଣି ପଶି ଯାଇଛି। ଲୋକମାନେ ନିଜ ଘରେ ରହିବାକୁ ଖୁବ୍ ଅସୁବିଧାର ସମ୍ମୁଖୀନ ହେଉଛନ୍ତି। ଏଥିରେ ସେମାନେ ସ୍ଥାନୀୟ ଲୋକେ ହୁଅନ୍ତୁ କି ପର୍ଯ୍ୟଟକ ସମସ୍ତେ ହୋଟେଲରେ ଖୋଜୁଛନ୍ତି ଆଶ୍ରୟ। ହେଲେ ଏହି ଇସଲାମିକ ଦେଶ ୟୁଏଇରେ ବନ୍ୟା ସ୍ଥିତି କାରଣରୁ ହୋଟେଲର ଗୋଟିଏ ଦିନର ଭଡ଼ା ହୋଇଛି ଆକାଶ ଛୁଆଁ। ଖଲିଜ ଟାଇମ୍ସର ରିପୋର୍ଟ ଅନୁସାରେ, ହୋଟେଲରେ ଗୋଟିଏ ଦିନର ଭଡ଼ା ୧ ହଜାର ଦିରହମରୁ ୮ ହଜାର ଦିରହମ୍ ମଧ୍ୟରେ ଆଦାୟ କରାଯାଉଛି। ଅର୍ଥାତ୍ ଭାରତୀୟ ଟଙ୍କା ଅନୁସାରେ ଗୋଟିଏ ଦିନ ପାଇଁ ହୋଟେଲ ଭଡ଼ା ୨୨ ହଜାରରୁ ପାଖାପାଖି ୨ଲକ୍ଷ ଟଙ୍କା ହୋଇ ଯାଇଛି।
ହେଲେ, ସାରା ସହରରେ ଉଦ୍ଧାର ଓ ସଫେଇର ପ୍ରୟାସ ଜାରି ରହିଛି। ପୁଣି ବନ୍ୟାରେ ପ୍ରଭାବିତ ଲୋକଙ୍କୁ ରହିବା ପାଇଁ ତାଙ୍କୁ ହୋଟେଲକୁ ଯିବାକୁ ପଡ଼ୁଛି। ବନ୍ୟା କାରଣରୁ ନିବାସୀଙ୍କ ସହ ପର୍ଯ୍ୟଟକଙ୍କୁ ମଧ୍ୟ ମୁସ୍କିଲର ସାମ୍ନା କରିବାକୁ ପଡ଼ୁଛି। ହୋଟେଲର ଭଡ଼ା ବଢିବା କାରଣରୁ ପର୍ଯ୍ୟଟକଙ୍କ ବଜେଟ୍ ଉପରେ ଖୁବ୍ ପ୍ରଭାବ ପଡ଼ୁଛି।
ଖଲିଜ ଟାଇମ୍ସରୁ ଆୟରଲ୍ୟାଣ୍ଡ ଆସିଥିବା ଜଣେ ପର୍ଯ୍ୟଟକ କହିଛନ୍ତି , ସଚ୍ଚୋଟ ଭାବେ ଯଦି କହିବି ତ ଏହା ଏକ ଭୟଙ୍କର ସ୍ଥିତି। ମୋତେ ଦୁବାଇ ପସନ୍ଦ ଏବଂ ମୁଁ ଅନେକ ସମୟ ଏଠାକୁ ଆସେ। କିନ୍ତୁ ମୋତେ ଲାଗୁଛି କି ବ୍ୟବସାୟ ପାଇଁ ଲୋକଙ୍କ ମୁସ୍କିଲ ବେଳରେ ଲାଭ କମେଇବାକୁ ଚେଷ୍ଟା କରିବା ଅନୈତିକ କାର୍ଯ୍ୟ। ଅନ୍ୟଥା ଏହା ଏକ ଖୁବ୍ ନୈତିକ ସହର , ଯାହାକୁ କିଛି ବ୍ୟବସାୟିକ କାରଣରୁ ବଦନାମ ହେବାକୁ ପଡ଼ୁଛି।
ଅନ୍ୟପଟେ ବନ୍ୟା ଯୋଗୁଁ ଆସିଥିବା ବିପତ୍ତିକୁ ଦେଖି କେରଳର ମୁଖ୍ୟମନ୍ତ୍ରୀ ପିନରାଇ ବିଜୟନ ଗୁରୁବାର ବିଦେଶ ମନ୍ତ୍ରଣାଳୟରୁ ସେହି ଭାରତୀୟଙ୍କ ସହାୟତା ପାଇଁ ଏକ ବ୍ୟବସ୍ଥା ସୁନିଶ୍ଚିତ କରିବାକୁ ଅପିଲ କରିଛନ୍ତି , ଯାହାଙ୍କୁ ସଂଯୁକ୍ତ ଆରବ ଏମିରଟ (ୟୁଏଇ)ରେ ପ୍ରବଳ ବର୍ଷା କାରଣରୁ ସହଯୋଗର ଆବଶ୍ୟକ ରହିଛି। ଏକ୍ସରେ ଏକ ପୋଷ୍ଟରେ ମୁଖ୍ୟମନ୍ତ୍ରୀ ସଂଯୁକ୍ତ ଆରବ ଏମିରଟରେ ଉଦ୍ଧାର ଓ ସହାୟତାରେ ଥିବା ମଲୟାଲୀ ପ୍ରବାସୀଙ୍କ ପ୍ରତି କୃତଜ୍ଞତା ଜ୍ଞାପନ କରିଛନ୍ତି। ଏହି ଦ୍ୱୀପ ଦେଶ ସହ କେରଳର ବନ୍ଧୁତା ସମ୍ୱନ୍ଧ ରହିଛି ।
