ଗ୍ରାମୀ ଆୱାର୍ଡ୍ସ ୨୦୨୩ : ଶ୍ରେଷ୍ଠ ସଙ୍ଗୀତ ବୋନି ରାଇଟ୍ଙ୍କ ‘ଜଷ୍ଟ୍ ଲାଇକ୍ ଦ୍ୟାଟ୍’
timesofindia
ନୂଆଦିଲ୍ଲୀ ୦୭/୦୨: ଚଳିତ ବର୍ଷର ଗ୍ରାମିରେ ଶ୍ରେଷ୍ଠ ସଙ୍ଗୀତର ମାନ୍ୟତା ପାଇଛି ଗାୟିକା ବୋନି ରାଇଟ୍ଙ୍କ ‘ଜଷ୍ଟ୍ ଲାଇକ୍ ଦ୍ୟାଟ୍’ । ଗୀତଟି ୩ଟି ବିଭାଗ ପାଇଁ ପୁରସ୍କାର ଦୌଡ଼ରେ ସାମିଲ ଥିଲା । ଦୁଇଟିରେ ପୁରସ୍କାର ଜିତିଛି । ଗୋଟିଏ ବେଷ୍ଟ୍ ଆମେରିକାନ୍ ସଙ୍ଗ୍ । ଅନ୍ୟଟି ସଙ୍ଗ୍ ଅଫ୍ ଦ ଇୟର୍ ।
ବିୟୋନ୍ସେ, ଆଡିଲ, ଟେଲର୍ ସ୍ୱିଫ୍ଟ ଓ ହ୍ୟାରି ଷ୍ଟାଇଲ୍ଙ୍କୁ ପଛରେ ପକାଇଥିବା ବୋନି ଏହି ସମ୍ମାନ ପାଇବାକୁ ଆଶା ରଖିନଥିଲେ । ପ୍ରଥମ ମହିଳା ଜିଲ୍ ବାଇଡେନ୍ ଯେତେବେଳେ ଲଫାପା ଖୋଲି ବୋନିଙ୍କ ନାଁ ଡାକିଲେ, ୭୩ ବର୍ଷୀୟା ଏହି ଗାୟିକା ଆବାକ୍ ହୋଇ ବସିପଡ଼ିଲେ । କିଛି ମୁହୂର୍ତ୍ତ ପାଇଁ ସ୍ଥିର ହୋଇ ରହିଗଲେ । ମଞ୍ଚ ଉପରେ ତାଙ୍କର ପ୍ରଥମ ଶବ୍ଦ ଥିଲା ‘ଓଃ ମାଇଁ ଗଡ୍’ । ସେ କହିଥିଲେ, ମୁଁ ହତଚକିତ, କ’ଣ କହିବି ଜାଣିନାହିଁ । ସେ ଏହାକୁ ଅବାସ୍ତବ ମୁହୂର୍ତ୍ତ ବୋଲି କହିଥିଲେ । ସମସ୍ତଙ୍କ ସମର୍ଥନ ଓ ରେକର୍ଡିଂ ଏକାଡେମୀକୁ ଶେଷରେ ସେ ଧନ୍ୟବାଦ ଦେଇଥିଲେ।
