ଭୁବନେଶ୍ୱର, ୦୯/୦୪: କବାଡ଼ିଆ ଗୋଦାମରେ ଭୟାବହ ଅଗ୍ନିକାଣ୍ଡ । ପଲସାଗୋରା ହାଇସ୍କୁଲ ଛକ ନିକଟରେ ଥିବା କବାଡ଼ିଆ ଗୋଦାମରେ ଲାଗିଲା ନିଆଁ । ନିଆଁ ଲାଗିବାର କାରଣ ଅସ୍ପଷ୍ଟ ରହିଛି । ଏହି ଅଗ୍ନିକାଣ୍ଡରେ ଗୋଦାମର ପ୍ଲାଷ୍ଟିକ, ପୁରୁଣା ଗାଡ଼ି ଓ ଅନ୍ୟାନ୍ୟ ସାମଗ୍ରୀ ଜଳି ପୋଡ଼ି ପାଉଁଶ ହୋଇଯାଇଛି । ଘଟଣା ସ୍ଥଳରେ କଣ୍ଟାମାଳ ଅଗ୍ନିଶମ ବାହିନୀ ପହଞ୍ଚି ଦୀର୍ଘ ଏକ ଘଣ୍ଟା ପରେ ନିଆଁକୁ ଆୟତ୍ତ କରିଛି।
ସୂଚନା ମୁତାବକ, କଣ୍ଟାମାଳ ବ୍ଲକ ପଲସାଗୋରା ହାଇସ୍କୁଲ ଛକ ନିକଟରେ ଦିଲ୍ଲୀପ ସାହୁଙ୍କ କବାଡ଼ିଆ ଗୋଦାମରେ ଥିବା ପ୍ଲାଷ୍ଟିକ ଗଦାରୁ ଅଚାନକ ଧୁଆଁ ବାହାରୁଥିବା ଦେଖିଥିଲେ ସ୍ଥାନୀୟଲୋକେ । ଏହା ଦେଖି ସଙ୍ଗେ ସଙ୍ଗେ କଣ୍ଟାମାଳ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ଦୀର୍ଘ ଏକ ଘଣ୍ଟା ପରେ ନିଆଁକୁ ଆୟତ୍ତ କରିବାରେ ସଫଳ ହୋଇଛି । ଗୋଦାମରେ ନିଆଁ ଲାଗିବାରୁ ପୁରୁଣା ଗାଡ଼ି, ପ୍ଲାଷ୍ଟିକ ସାମଗ୍ରୀ ସମେତ ଅନ୍ୟାନ୍ୟ ସାମଗ୍ରୀରେ ନିଆଁ ଲାଗି ପୋଡ଼ି ଯାଇଥିବା ସୂଚନା ମିଳିଛି । ତେବେ କେଉଁ କାରଣରୁ କବାଡି ଗୋଦାମରେ ନିଆଁ ଲାଗିଛି ତାହା ଜଣାପଡ଼ିନାହିଁ।
