ଭୁବନେଶ୍ବର, ୧୦।୧୦ : ଶୁକ୍ରବାର ଠାରୁ ପୂଜା ମଣ୍ଡପ ବୁଲିବେ ମୁଖ୍ୟମନ୍ତ୍ରୀ ମୋହନ ମାଝୀ ଏବଂ ବିରୋଧି ଦଳ ନେତା ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ଭୁବନେଶ୍ବରର ୯ଟି ପୂଜା ମଣ୍ଡପ ବୁଲି ମା’ଙ୍କ ଆର୍ଶିବାଦ ନେବେ । ସେହିଭଳି ବିରୋଧି ଦଳ ନେତା ନବୀନ ପଟ୍ଟନାୟକ ୩ଟି ପୂଜା ମଣ୍ଡପ ବୁଲି ମା’ଙ୍କ ଆର୍ଶିବାଦ ନେବେ ।
ଶୁକ୍ରବାର ମୁଖ୍ୟମନ୍ତ୍ରୀ ମୋହନ ମାଝୀ ଭୁବନେଶ୍ବରର ୯ଟି ପୂଜା ମଣ୍ଡପ ବୁଲିବେ ଏବଂ ବିରୋଧି ଦଳ ନେତା ନବୀନ ପଟ୍ଟନାୟକ ୩ଟି ପୂଜା ମଣ୍ଡପ ବୁଲିବାର କାର୍ଯ୍ୟକ୍ରମ ରହିଛି । ମୁଖ୍ୟମନ୍ତ୍ରୀ ପୂର୍ବାହ୍ନ ୧୧ଟାରୁ ମଣ୍ଡପ ବୁଲିବା ଆରମ୍ଭ ହୋଇ ଅପରାହ୍ନ ୨ଟା ପର୍ଯ୍ୟନ୍ତ ବୁଲିବାର କାର୍ଯ୍ୟକ୍ରମ ରହିଛି । ପ୍ରଥମେ ଓଲଡ ଟାଉନ ପାଟଣା ସାହିରୁ ବୁଲିବା ଆରମ୍ଭ ହୋଇ ପରେ ସୁନ୍ଦରପଦା, ବରମୁଣ୍ଡା,ନୟାପଲ୍ଲୀ,ରସୁଲଗଡ,ସହିଦ ନଗର,ବମିଖାଲ,ଲକ୍ଷ୍ମିସାଗର, ଏବଂ ଶେଷରେ ଷ୍ଟେସନ ବଜାର ପୂଜା ମଣ୍ଡପ ବୁଲିବେ । ୧୨ ତାରିଖ ଦିନ କଟକ ଗସ୍ତରେ ଯାଇ ବିଭିନ୍ନ ପୂଜା ମଣ୍ଡପ ବୁଲିବାର କାର୍ଯ୍ୟକ୍ରମ ରହିଛି । ୧୩ ତାରିଖରେ କେଉଁଝରରେ ବିଭିନ୍ନମଣ୍ଡପ ବୁଲିବାର କାର୍ଯ୍ୟକ୍ରମ ରହିଛି । ମୁଖ୍ୟମନ୍ତ୍ରୀଙ୍କ ସହମନ୍ତ୍ରୀ ମଣ୍ଡଳର ଅନେକ ସଦସ୍ୟ ମଧ୍ୟ ବିଭିନ୍ନ ପୂଜା ମଣ୍ଡପ ବୁଲିବେ । ମଣ୍ଡପ ବୁଲିବା ସମୟରେ ଜଗତ ଜନନୀ ମା’ ଙ୍କୁ ଦର୍ଶନ କରିବା ସହିତ ଲୋକଙ୍କୁ ଭେଟିବେ ମୁଖ୍ୟମନ୍ତ୍ରୀ ।
ସେପଟେ ବିରୋଧି ଦଳ ନେତା ନବୀନ ପଟ୍ଟନାୟକ ବି ଭୁବନେଶ୍ବରର ୩ଟି ପୂଜା ମଣ୍ଡପ ବୁଲିବେ । ଶୁକ୍ରବାର ପୂର୍ବାହ୍ନ ଦିନ ୧୦.୪୫ ସମୟରେ ରସଲଗଡ ପୂଜା ମଣ୍ଡପରେ ମା’ଙ୍କୁ ଦର୍ଶନ କରିବେ । ଏହା ପରେ ୧୧.୦୫ରେ ସହିଦ ନଗର ପୂଜା ମଣ୍ଡପ ବୁଲିବେ। ଏହା ପରେ ୧୧.୨୫ରେ ବଡଗଡ ପୂଜା ମଣ୍ଡପକୁ ଯାଇ ମା’ଙ୍କ ଆର୍ଶିବାଦ ନେବେ । ଏହା ପୂର୍ବରୁ ନବୀନ ପଟ୍ଟନାୟକ ଗଣେଶ ପୂଜାରେ ବିଭିନ୍ନ ପୂଜା ମଣ୍ଡପ ଯାଇ ଗଜାନନଙ୍କୁ ଦର୍ଶନ କରିଥିଲେ ।
