ନୂଆଦିଲ୍ଲୀ,୦୨/୦୫; ଭୋପାଳର ବହୁଚର୍ଚ୍ଚିତ ଟ୍ୱିଶା ଶର୍ମା ମାମଲାରେ, ଶାଶୂ ଗିରିବାଳା ଏବଂ ସମର୍ଥଙ୍କ ରିମାଣ୍ଡ ଆଜି ଶେଷ ହେଉଛି। ଯେତେବେଳେ ସିବିଆଇ ସିନ ରିକ୍ରିଏସନ କଲା ଶାଶୂ ଗିରିବାଳା ଏବଂ ସ୍ୱାମୀ ସମର୍ଥଙ୍କ ବୟାନ ମେଳ ଖାଇନଥିଲା । ତେଣୁ, ସିବିଆଇ ଆଜି ସେମାନଙ୍କ ରିମାଣ୍ଡ ବୃଦ୍ଧି କରିବାକୁ ଆବେଦନ କରିପାରେ । ସିବିଆଇ ଜେରା ସମୟରେ, ସମର୍ଥ ସିଂହ ଏବଂ ତାଙ୍କ ମାଆ ଗିରିବାଳା ସିଂହ ଟ୍ୱିଶାଙ୍କ ସହ ଜଡିତ ଅନେକ ପ୍ରଶ୍ନର ଉତ୍ତର ଦେଇଥିଲେ । ସୂତ୍ର ଅନୁସାରେ, ସିବିଆଇ ଗିରିବାଳା ଏବଂ ସମର୍ଥଙ୍କୁ ୭୨ ଘଣ୍ଟା ମଧ୍ୟରେ ୭୨ଟି ପ୍ରଶ୍ନ ପଚାରିଥିଲା । ଆସନ୍ତୁ ଜାଣିବା ସେହି ପ୍ରଶ୍ନଗୁଡ଼ିକ କ’ଣ ଥିଲା ଏବଂ ଗିରିବାଳା ଓ ସମର୍ଥ କିପରି ଉତ୍ତର ଦେଇଥିଲେ ।
୧. ତୁମେ ପ୍ରଥମ ଥର କେବେ ଟ୍ୱିଶାଙ୍କୁ ଭେଟିଥିଲ ?
୨. କେଉଁ ଡେଟିଂ ଆପ୍ ମାଧ୍ୟମରେ ତୁମେ ଦେଖା କରିଥିଲ ?
୩. ଆପ୍ ମାଧ୍ୟମରେ ସାକ୍ଷାତ କରିବା ପରେ ତୁମେ ଦୁହେଁ ଡେଟରେ ଯାଇଥିଲ କି ?
୪. ତୁମେ ଦୁହେଁ କେତେ ସମୟ ପାଇଁ ଡେଟ୍ କରିଥିଲ ?
୫. ତୁମର ଡେଟିଂ ସମ୍ପର୍କ କେବେ ପ୍ରେମରେ ପରିଣତ ହୋଇଥିଲା ?
୬. ବିବାହ କରିବାର ନିଷ୍ପତ୍ତି କେବେ ଏବଂ କିପରି ନିଆଯାଇଥିଲା ?
୭. ଡେଟିଂ ଆପ୍ ମାଧ୍ୟମରେ ସାକ୍ଷାତ କରିବା ପରେ ତୁମେ ଦୁହେଁ ଶାରୀରିକ ସମ୍ପର୍କ ରଖିଥିଲ କି ?
୮. ଉଭୟ ପରିବାର ବିବାହ ପାଇଁ ସହଜରେ ରାଜି ହୋଇଥିଲେ କି କୌଣସି ଅସୁବିଧା ଥିଲା ?
୯. ତୁମେ ଦୁହେଁ ଭିନ୍ନ ଜାତିର ହୋଇଥିବାରୁ କେଉଁ ପରିବାର ଆନ୍ତଃଜାତି ବିବାହକୁ ଅଧିକ ଆପତ୍ତି କରିଥିଲା ?
୧୦. ବିବାହରେ ଉଭୟ ପରିବାର କେତେ ଖର୍ଚ୍ଚ କରିଥିଲେ ?
ଏହା ବି ପଢନ୍ତୁ...କୋର୍ଟରେ ଚିତ୍କାର କରି କହିଲେ ତ୍ଵିଶାଙ୍କ ଶାଶୁ ଗିରିବାଳା : ମୋତେ କିଛି ଜଣାନାହିଁ, ମିଡିଆ ଟ୍ରାଏଲ ବନ୍ଦ କର
୧୧. ବିବାହ ସମୟରେ କେଉଁ ପ୍ରଭାବଶାଳୀ ଏବଂ ଶକ୍ତିଶାଳୀ ବ୍ୟକ୍ତିମାନେ ଯୋଗ ଦେଇଥିଲେ ?
୧୨ . ବିବାହ ସମୟରେ କୌଣସି ଯୌତୁକ ଦାବି କରାଯାଇଥିଲା କି ?
୧୩. ବିବାହ ସମୟରେ ଗିରିବାଲା କାହିଁକି ୨ ଲକ୍ଷ ଟଙ୍କା ମାଗିଥିଲେ ?
୧୪. ତୁମେ ତୁମର ହନିମୁନରେ କେଉଁଠାକୁ ଯାଇଥିଲ ?
୧୫. ବିବାହ ପରେ ଟ୍ୱିଶାଙ୍କ ସହିତ ପ୍ରଥମେ କେବେ ଏବଂ କେଉଁ ବିଷୟରେ ଯୁକ୍ତିତର୍କ ହୋଇଥିଲା ?
୧୬. ପାଞ୍ଚ ମାସର ବିବାହ ସମୟରେ, ଟ୍ୱିଶା କେତେଥର ଏକା ଭୋପାଳରୁ ବାହାରକୁ ଯାଇଥିଲେ, ଏବଂ ତୁମେ କେଉଁଠିକୁ ଯାଇଥିଲ ?
୧୭. ତୁମେ ଏବଂ ଗିରିବାଲା କାହିଁକି ଟ୍ୱିଶାର ଆକାଉଣ୍ଟରେ ୭ ଲକ୍ଷ ଟଙ୍କା ଜମା କରିଥିଲ ?
୧୮. ଏତେ ଟଙ୍କା ଆବଶ୍ୟକ ହେବା ପାଇଁ ଟ୍ୱିଶା କ'ଣ କାରଣ ଦେଇଥିଲେ ?
୧୯. ଟ୍ୱିଶାଙ୍କ ସହ କେବେ ମାରପିଟ୍ ହୋଇଥିଲା କି ? ୨୦. ତୁମେ କେବେ ଜାଣିଲ ଯେ ଟ୍ୱିଶା ଗର୍ଭବତୀ ?
୨୧. ଚାଟରେ, ଟ୍ୱିଶା ଲେଖିଥିଲେ ଯେ ତୁମେ ପଚାରିବ, "ଏହା କାହାର ସନ୍ତାନ ?" ତୁମେ କ'ଣ ତାଙ୍କ ଚରିତ୍ର ଉପରେ ସନ୍ଦେହ କରୁଥିଲ ?
୨୨. ଟ୍ୱିଶାକୁ ଗର୍ଭପାତ କରିବାକୁ ଚାପ ଦିଆ ଯାଇଥିଲା ?
୨୩. ତୁମେ କିପରି ଜାଣିଲ ଯେ ଟ୍ୱିଶା ନିଶା ସେବନ କରୁଥିଲେ ?
୨୪. ତୁମେ ଏବଂ ଗିରିବାଲା କ'ଣ ଟ୍ୱିଶାର ସେୟାରଗୁଡ଼ିକୁ ତୁମ ନାମରେ ସ୍ଥାନାନ୍ତର କରିବାକୁ ଚାହୁଁଥିଲ ?
୨୫. ମେ ୧୨ ତାରିଖ ସକାଳରୁ ରାତି ପର୍ଯ୍ୟନ୍ତ କ'ଣ ଘଟିଥିଲା ?
୨୬.ମୃତ୍ୟୁ ପୂର୍ବରୁ ତାଙ୍କ ଶରୀରରେ ଆଘାତ ଚିହ୍ନ କିପରି ଦେଖାଗଲା ?
ଶାଶୂ ଗିରିବାଳା ଉତ୍ତର- ଗିରିବାଲା ସିଂହ କହିଥିଲେ ଯେ, ସେ ବିବାହ ପୂର୍ବରୁ ଟ୍ୱିଶାଙ୍କୁ ଭେଟିଥିଲେ। ସମର୍ଥ ତାଙ୍କୁ କହିଥିଲେ ଯେ, ସେ ତାଙ୍କୁ ବିବାହ କରିବାକୁ ଚାହାଁନ୍ତି । ଟ୍ୱିଶା ଏକ ବ୍ରାହ୍ମଣ ପରିବାରରୁ ଆସିଥିଲେ ଏବଂ ତାଙ୍କ ପରିବାର କେବେ ଜାତିଭେଦ ଦେଖନଥିଲେ । ଜଣେ ବ୍ରାହ୍ମଣ ଝିଅ ତାଙ୍କ ଘରକୁ ବୋହୂ ଭାବରେ ଆସୁଥିବାରୁ ସେମାନେ ଖୁସି ଥିଲେ । ଗିରିବାଲାଙ୍କ ଅନୁସାରେ, ଟ୍ୱିଶା ପ୍ରଥମେ ଭଲ ସ୍ୱଭାବର ଥିଲେ, କିନ୍ତୁ ସମୟ ସହିତ ତାଙ୍କ ସ୍ୱଭାବ ପରିବର୍ତ୍ତନ ହେବାକୁ ଲାଗିଲା । ସେ କହିଥିଲେ ଯେ, ଟ୍ୱିଶା ଗଛଲତା ପସନ୍ଦ କରୁଥିଲେ କିନ୍ତୁ ସେମାନଙ୍କ ଯତ୍ନ ନେଉନଥିଲେ । ସେ ପିଲାମାନଙ୍କୁ ପସନ୍ଦ କରୁଥିଲେ କିନ୍ତୁ ମା ହେବାକୁ ଚାହୁଁନଥିଲେ । ସେ ଏହା ମଧ୍ୟ ଦାବି କରିଥିଲେ ଯେ, ଟ୍ୱିଶା ସେମାନଙ୍କ ବିବାହର ପାଞ୍ଚ ମାସ ମଧ୍ୟରେ ପାଞ୍ଚ ଥର ତାଙ୍କ ପିତାମାତାଙ୍କ ଘରକୁ ଆସିଥିଲେ । ସମର୍ଥ ଯଦି ନିର୍ଦ୍ଦୋଶ ଥିଲେ, କାହିଁକି ପଳାଇଥିଲେ ଆଗୁଆ କାହିଁକି ଜାମିନ ଆବେଦନ କରିଥିଲେ । ପ୍ରଶ୍ନରେ ଗିରିବାଳା ସ୍ୱୀକାର କଲେ ଯେ ଏହା ଏକ ଭୁଲ ଥିଲା ।
ସ୍ୱାମୀ ସମର୍ଥଙ୍କ ଉତ୍ତର- ସମର୍ଥ ମଧ୍ୟ ମେ ୧୨ ତାରିଖର ଘଟଣା ବର୍ଣ୍ଣନା କରିଥିଲେ। ତାଙ୍କ କହିବା ଅନୁଯାୟୀ, ଟ୍ୱିଶା ସେହି ଦିନ ପାର୍ଲରକୁ ଯାଇଥିଲେ, ଏବଂ ଫେରିବା ପରେ, ସେମାନେ ପ୍ରାୟ ୪୫ ମିନିଟ୍ ପାଇଁ ଘର ବାହାରେ ବୁଲିଥିଲେ। ତା'ପରେ ସେମାନେ ଏକାଠି ରାତ୍ରୀଭୋଜନ କରିଥିଲେ, ଟିଭି ଦେଖିଥିଲେ, ଏବଂ ତା'ପରେ ଟ୍ୱିଶାଙ୍କ ମାଆଙ୍କ ଫୋନ୍ ପାଇଲେ, ଯିଏ କହିଥିଲେ ଯେ ସେ କାନ୍ଦୁଛନ୍ତି । ସମର୍ଥ କହିଥିଲେ ଯେ, ସେ ବୁଝିପାରୁ ନାହାଁନ୍ତି ଯେ କ'ଣ ଘଟିଛି ଯାହା ଟ୍ୱିଶାଙ୍କୁ ଏତେ କଠୋର ପଦକ୍ଷେପ ନେବାକୁ ବାଧ୍ୟ କଲା ।
