ବର୍ଷର ସବୁଠାରୁ ବଡ଼ ନକ୍ସଲ ଆକ୍ରମଣର ପ୍ରସ୍ତୁତି ! ଛତିଶଗଡ଼-ତେଲେଙ୍ଗାନା ସୀମାରୁ ଟ୍ରାକ୍ଟର ଭର୍ତ୍ତି ବିସ୍ଫୋରକ ଜବତ, ୧୦ ଗିରଫ
ବିଜାପୁର,୨୩।୫: ଛତିଶଗଡ-ତେଲେଙ୍ଗାନା ସୀମାରୁ ୧୦ ଜଣ ନକ୍ସଲ ଗିରଫ। ସେମାନଙ୍କଠାରୁ ବିପୁଳ ପରିମାଣରେ ବିସ୍ଫୋରକ ଜବତ କରାଯାଇଛି। କୁହାଯାଉଛି ଯେ, ଏକ ଟ୍ରକରେ ଭର୍ତ୍ତି କରି ବିପୁଳ ମାତ୍ରାରେ ବିସ୍ଫୋରକ ବଡ ମାଓବାଦୀ ନେତାଙ୍କ ନିକଟକୁ ନିଆଯାଉଥିଲା। ଏହି ବିସ୍ଫୋରକ ଛତିଶଗଡ କିମ୍ବା ତେଲେଙ୍ଗାନାରେ ଆକ୍ରମଣରେ ପାଇଁ ବ୍ୟବହୃତ ହୋଇଥାନ୍ତା ବୋଲି ସନ୍ଦେହ କରାଯାଉଛି। ଗିରଫ ହୋଇଥିବ ନକ୍ସଲଙ୍କ ମଧ୍ୟରେ ୫ ଜଣ ବିଜାପୁରର ବାସିନ୍ଦା। ସୀମାନ୍ତ ଅଞ୍ଚଳ ତେଲେଙ୍ଗାନାର ଭଦ୍ରାଡି କୋଟାଗୁଡେମରେ ପୋଲିସ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି।
ତେଲେଙ୍ଗାନା ପୋଲିସ ପକ୍ଷରୁ କୁହାଯାଇଛି ଯେ, ନକ୍ସଲ ସଂଗଠନର ସଦସ୍ୟ ପ୍ରବଳ ମାତ୍ରାରେ ବିସ୍ଫୋରକ ନେଇ ମୁଲାକାନାପଲ୍ଲୀ ଓ ଦୁମୁଗୁଡେମ୍ର ଏକ ସ୍ଥାନରେ ଥିଲେ। ଏହି ଖବରର ଆଧାରରେ ଭଦ୍ରାଦି କୋଟାଗୁଡମ ପୋଲିସ ଦୁମୁଗୁଡେମ୍ ପୋଲିସ ଓ ସିଆରପିଏଫ୍ର ୧୪୧ ତମ ବାଟାଲିଅନ୍ ଜବାନଙ୍କ ଏକ ଟିମ୍ ଗଠନ କରିଥିଲେ। ଏହାପରେ ଯବାନମାନେ ସ୍ଥାନୀୟ ଅଞ୍ଚଳର ଗାଁ ଓ ପାଖାପାଖି ଜଙ୍ଗଲରେ ସର୍ଚ୍ଚ ଅପରେସନ୍ ଅଭିଯାନ ଆରମ୍ଭ କରିଥିଲେ।ଏହି ଅପରେସନ୍ରେ ଗାଁ ପାଖରୁ ୧୦ ଜଣ ସନ୍ଦିଗ୍ଧଙ୍କୁ ଗିରଫ କରଯାଇଛି।
ପୋଲିସ ଗୋଟିଏ ଟ୍ରାକ୍ଟର, ବୋଲୋରୋ ସହିତ ଦୁଇଟି ବାଇକ୍ ମଧ୍ୟ ଜବତ କରିଛି। ଏହି ବାହନର ତଲାସୀ ନେବାପରେ ଏକ ଟ୍ରାକ୍ଟର ଭର୍ତ୍ତି ବିସ୍ଫୋରକ ମିଳିଥିଲା। ଏଥିରେ ପ୍ରାୟ ୯୦ ବଣ୍ଡଲ କାର୍ଡେକ୍ସ ଓ୍ବାୟର, ୫୦୦ ଡିଟୋନେଟର ସହିତ ଅନ୍ୟ ବିସ୍ଫୋରକ ସାମଗ୍ରୀ ଜବତ କରାଯାଇଛି। ଏହାପରେ ସମସ୍ତଙ୍କୁ ଗିରଫ କରାଯାଇଥିଲା। ପଚରା ଉଚରା ବେଳେ ଜଣାପଡିଛି ଯେ, ୫ ଜଣ ନକ୍ସଲ ତେଲେଙ୍ଗାନା ଓ ୫ ଜଣ ଛତିଶଗଡର ବିଜାପୁର ଜିଲ୍ଲାର ପାମେଡ ଅଞ୍ଚଳରେ ରୁହନ୍ତି। ସମସ୍ତ ଅଭିଯୁକ୍ତ ଗତ କିଛି ବର୍ଷ ହେବ ମାଓବାଦୀ ସଂଗଠନ ପାଇଁ କାମ କରୁଛନ୍ତି।
