ବିଭିନ୍ନ ସ୍ଥାନରେ ମୟୂରଭଞ୍ଜ ପୋଲିସର ଚଢାଉ, ୧ ଲକ୍ଷ ୮୭୦୦ ଟଙ୍କା ଫାଇନ୍ ଆଦାୟ
ବାରିପଦା, ୨୦/୦୩ : ମୋଟର ଯାନ ନିୟମ ଉଲ୍ଲଙ୍ଘନ ଅଭିଯୋଗରେ ୧ ଲକ୍ଷ ୮ ହଜାର ୭୦୦ ଟଙ୍କା ଫାଇନ୍ ଆଦାୟ କଲା ମୟୂରଭଞ୍ଜ ପୋଲିସ। ଏହା ସହ ବିଭିନ୍ନ ସ୍ଥାନରେ ଚଢାଉ କରି ୮ଟି ଅବକାରୀ ମାମଲା ରୁଜୁ କରିବା ସହ ଜଣେ ନିଶାଶକ୍ତ ଡ୍ରାଇଭରଙ୍କୁ ଗିରଫ କରିଛି। ଏତଦ୍ ବ୍ୟତୀତ ବେପରୁଆ ଗାଡି ଚାଳନା ପାଇଁ ୨ ଜଣଙ୍କ ଡ୍ରାଇଭିଂ ଲାଇସେନ୍ସ ବାତିଲ କରାଯାଇଛି। ଏନେଇ ମୟୂରଭଞ୍ଜ ପୋଲିସ ପକ୍ଷରୁ ଟ୍ଵିଟ୍ କରି ସୂଚନା ଦିଆଯାଇଛି।
ସୂଚନାନୁଯାୟୀ, ସହାୟତା ପାଇଁ ମୟୂରଭଞ୍ଜ ପୋଲିସ ୨ଟି ନମ୍ଵର ଜାରି କରିଛି। ପୋଲିସକୁ ଯୋଗାଯୋଗ କରିବାକୁ 06792-252647 ଲ୍ୟାଣ୍ଡ ଲାଇନ ନମ୍ବର କିମ୍ବା 112 ଟୋଲ୍ ଫ୍ରି ନମ୍ବର ଜାରି କରାଯାଇଛି।
