ପ୍ରମୂଖ ଖବର
  • ସୁପର-୮ ମୁକାବିଲା: ବାଂଲାଦେଶକୁ ୫୦ ରନରେ ହରାଇଲା ଭାରତ
  • ||
  • ପରୀକ୍ଷା ହେବାର ଗୋଟିଏ ଦିନ ପୂର୍ବରୁ NEET-PG ଏଣ୍ଟ୍ରାସ୍ ସ୍ଥଗିତ
  • ||
  • ରବିବାରଠୁ ଦୁଇ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ଶ୍ରୀବଳଦେବଜିଉ ମନ୍ଦିରରେ କରିବେ ପୂଜାର୍ଚ୍ଚନା
  • ||
  • ଓଟିଇଟି-୨୦୨୪ ପାଇଁ ବିଜ୍ଞପ୍ତି ପ୍ରକାଶ: ଅଗଷ୍ଟ ୯ରେ ପରୀକ୍ଷା, ଜୁନ୍ ୨୪ରୁ ଆବେଦନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍ ସୁପର ୮ ବାଂଲାଦେଶକୁ ଭେଟିବ ଭାରତ, ରୋହିତ, କୋହଲିଙ୍କ ପାଇଁ ସ୍ପିନ୍‌ ପରୀକ୍ଷା
  • ||
  • ରାଜ୍ୟର ୩୦ ଜିଲ୍ଲାକୁ ଛୁଇଁଲା ମୌସୁମୀ: ଆଜି କେନ୍ଦୁଝର, ମୟୂରଭଞ୍ଜରେ ପ୍ରବଳ ବର୍ଷିପାରେ, ୨୭ରେ ଲଘୁଚାପ
  • ||
  • ଦେବସ୍ନାନ ପୂର୍ଣ୍ଣିମା ପାଇଁ ଶ୍ରୀକ୍ଷେତ୍ର​‌ରେ ତ୍ରୀସ୍ତରୀୟ ସୁରକ୍ଷା ବ୍ୟବସ୍ଥା. ୬୮ ଫ୍ଲାଟୁନ୍ ଫୋର୍ସ ମୁତୟନ
  • ||
  • ପୁରୀ: ଆଜି ପବିତ୍ର ସ୍ନାନଯାତ୍ରା , ରତ୍ନସିଂହାନରୁ ସ୍ନାନବେଦୀକୁ ଧାଡି ପହଣ୍ଡିରେ ବିଜେ କରୁଛନ୍ତି ଶ୍ରୀଜିଉ
  • ||

ଜରାଜୀର୍ଣ୍ଣ ଅବସ୍ଥାରେ ବ୍ରିଟିଶ ଅମଳର ବିଦ୍ୟାଳୟ , ଛାତ୍ରଛାତ୍ରୀଙ୍କ ପାଠପଢା ହେଉଛି ବାଧାପ୍ରାପ୍ତ

ମାଲକାନଗିରି/ମାଥିଲି : ତତ୍କାଳୀନ ବ୍ରିଟିଶ ସରକାର ୧୯୦୭ ମସିହାରେ ଆଦିବାସୀ ଅଧ୍ୟୁଷିତ ଅଞ୍ଚଳ ମାଥିଲି ବ୍ଲକ ଅନ୍ତର୍ଗତ ସାଲିମି ଠାରେ, ଏକ ପାଠଶାଳା ଖୋଲିଥିଲେ। ପ୍ରଶାସନିକ ଅଧିକାରୀ ଓ ଶିକ୍ଷାବିଭାଗର ଉଦାସୀନତା ଓ ଖାମଖିଆଲି ନୀତି ଯୋଗୁ ସେହି ପାଠଶାଳା ଜରାଜୀର୍ଣ୍ଣ ଅବସ୍ଥାରେ ପଡ଼ି ରହିଛି। ଯାହା ପୂର୍ବରୁ ଏକ ଟିଣ ଛପରର ଶ୍ରେଣୀ ଗୃହ ଥିଲା , ସେହି ଗୃହ ଗୁଡିକୁ ରଙ୍ଗ ଚୂନ ମାରି ମରାମତ କରାଯାଇ କାର୍ଯ୍ୟ ଚଳାଉଥିଲେ। 

ଗତ ୧୮ ତାରିଖରେ ଅଚାନକ ପଶ୍ଚିମା ଝଡ଼ରେ ସ୍କୁଲ ନିକଟରେ ଥିବା ଏକ ବୃହତ ଆମ୍ବ ଗଛ ଭାଙ୍ଗି ଯାଇଥିଲା । ଯଦ୍ୱାରା ଏହା ସ୍କୁଲ ଉପରେ ପଡିବାରୁ ଟିଣ ଘରଟି ସମ୍ପୂର୍ଣ୍ଣ ଭାବେ ଭାଙ୍ଗି ବିପଦ ସଙ୍କୁଳ ଭାବରେ ରହିଛି। ଏହା ସହିତ ବିଦ୍ୟାଳୟରେ ଯେଉଁ ହଷ୍ଟେଲ ରହିଛି ସେଥିରେ ୩୯ ଜଣ ଅନ୍ତେବାସୀ ମଧ୍ୟ ରହୁଛନ୍ତି।

{"id":554162,"width":741,"height":370,"sizeSlug":"full","linkDestination":"none"}

ସାଲିମି ଉଚ୍ଚ ପ୍ରାଥମିକ ବିଦ୍ୟାଳୟରେ ପ୍ରଥମ ଶ୍ରେଣୀ ଠାରୁ ଅଷ୍ଟମ ଶ୍ରେଣୀରେ ମୋଟ ୩୩୩ ଜଣ ଛାତ୍ରଛାତ୍ରୀ ପାଠ ପଢୁଛନ୍ତି । ଶ୍ରେଣୀ ହିସାବରେ ଦେଖିବାକୁ ଗଲେ ପ୍ରଥମ ଶ୍ରେଣୀରେ ୧୮ଜଣ , ଦ୍ୱିତୀୟରେ ୧୬ ଜଣ , ତୃତୀୟରେ ୩୧ଜଣ , ଚତୁର୍ଥରେ ୨୯ଜଣ , ପଞ୍ଚମରେ ୪୦ଜଣ , ଷଷ୍ଠରେ ୫୯ଜଣ , ସପ୍ତମରେ ୫୯ ଜଣ ଓ  ଅଷ୍ଟମରେ ୮୧ ଜଣ ଛାତ୍ରଛାତ୍ରୀ ପାଠ ପଢୁଛନ୍ତି । ମୋଟ ୩୩୩ ଜଣ ଛାତ୍ରଛାତ୍ରୀ ମାତ୍ର ୬ ଜଣ ଶିକ୍ଷକ, ଶିକ୍ଷୟିତ୍ରୀ ଶିକ୍ଷା ବିଭାଗ ଦ୍ଵାରା ନିୟୋଜିତ ଅଛନ୍ତି ।

ସେଥିମଧ୍ୟରୁ ବାଳକ ହଷ୍ଟେଲରେ ୩୮ଜଣ ରହୁଥିବା ବେଳେ ବାଳିକା ହଷ୍ଟେଲରେ ୧୦୦ ଜଣ ଅନ୍ତେବାସିନୀ ରହି ପାଠ ପଢୁଛନ୍ତି। ବାଳିକା ହଷ୍ଟେଲରେ ଚତୁର୍ଥ ଶ୍ରେଣୀ ଠାରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ବାଳିକା ରହୁଥିବା ବେଳେ ନିକଟରେ ଥିବା ଉଚ୍ଚ ବିଦ୍ୟାଳୟର ନବମ ଓ ଦଶମ ଶ୍ରେଣୀର ମିଶି ମୋଟ ୧୦୦ ଜଣ ବାଳିକା ହଷ୍ଟେଲରେ ରହୁଛନ୍ତି। ଶ୍ରେଣୀ ଗୃହ ଅଭାବ ଥିବାରୁ ୩୩୩ ଜଣ ଛାତ୍ରଛାତ୍ରୀଙ୍କ ପାଠ ପଢ଼ାରେ ମଧ୍ୟ ବହୁ ବାଧା ସୃଷ୍ଟି ହେଉଛି।

ସେଥିପାଇଁ ତୁରନ୍ତ ନୂତନ ଶ୍ରେଣୀ ଗୃହ ନିର୍ମାଣ ପାଇଁ ଗ୍ରାମବାସୀ ଦାବି କରିଛନ୍ତି।

ପଶ୍ଚିମା ଝଡ଼ରେ ଆମ୍ବ ଗଛ ପଡି ବିଦ୍ୟାଳୟ ଭାଙ୍ଗିବା ଖବର ପାଇ ସାଲିମି ସରପଞ୍ଚ ବନ୍ଧୁ ଭୂମିଆ ବିଦ୍ୟାଳୟରେ ପହଞ୍ଚି ଦେଖିଥିଲେ । ଏହା ପରେ ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ହୃଷିକେଶ ଗଣ୍ଡ ଓ ମାଥିଲି ଅଧ୍ୟକ୍ଷ ମହେଶ କୁମାର ବାକାଙ୍କୁ ଫୋନ ଯୋଗେ ଜଣାଇଥିଲେ। ସରପଞ୍ଚଙ୍କ ଠାରୁ ଖବର ପାଇ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ଗଣ୍ଡ ଓ ଅଧ୍ୟକ୍ଷ ଶ୍ରୀ ବାକା ବିଦ୍ୟାଳୟରେ ପହଞ୍ଚି ବିଦ୍ୟାଳୟକୁ ଅନୁଧ୍ୟାନ କରି ଥିବା ସରପଞ୍ଚ ଶ୍ରୀଯୁକ୍ତ ଭୂମିଆ ଓ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ବିନୋଦିନି ଖୁଣ୍ଟିଆ କହିଛନ୍ତି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.