PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୋହନା : ସଂଗଠନ ଛାଡ଼ିଥିବା ମାଓବାଦୀ ପ୍ରଫୁଲ୍ଲ ପରିଚ୍ଛାକୁ ଗିରଫ କଲା ଅଡ଼ବା ପୋଲିସ, ଥାନାରେ ରହିଛି ୭ ମାମଲା
  • ||
  • ବୌଦ୍ଧ : ବୌଦ୍ଧ ୫୭ନଂ ଜାତୀୟ ରାଜପଥ ଖୁଣ୍ଟବନ୍ଧ ଛକ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା, ୨ ମୃତ
  • ||
  • ଭୁବନେଶ୍ବର : ପିପିଲି ଟୋଲ ପ୍ଲାଜା ନିକଟରେ ଓଲଟିଲା ବସ୍, ଜଣେ ମୃତ ଓ ୨୦ଆହତ
  • ||
  • ନୟାଗଡ଼ : ବାଘ ଶୀକାର କରି ଫଟୋ ଉଠାଇବା ପଡ଼ିଲା ମହଙ୍ଗା, ୫ ବର୍ଷ ପରେ ଧରାପଡ଼ିଲା ବାଘ ଶିକାରୀ
  • ||
  • ବାରିପଦା : ସୁବର୍ଣ୍ଣରେଖା ଓ ଦେଓ ଜଳସେଚନ ପ୍ରକଳ୍ପ ଲୋକାର୍ପଣ କଲେ ମୁଖ୍ୟମନ୍ତ୍ରୀ, ୨୭ ହଜାର ହେକ୍ଟରରୁ ଉର୍ଦ୍ଧ୍ଵ ଜମିକୁ ମିଳିବ ଜଳସେଚନ ସୁବିଧା
  • ||
  • ଉଦଳା : ଉଦଳା ଏନଏସି ଅଧୀନ ୱାର୍ଡ ନମ୍ବର ୩ରେ ଥିବା ଅଙ୍ଗନବାଡି କେନ୍ଦ୍ରରେ କୃମି ଔଷଧ ଖାଇ ଶିଶୁ ପୁତ୍ର ଗୁରୁତର , ଡାକ୍ତରଖାନାରେ ଭର୍ତ୍ତି
  • ||
  • ସମ୍ବଲପୁର : ହୀରାକୁଦର ତଳମୁଣ୍ଡରେ ବନ୍ୟା ପରିସ୍ଥିତି ସୃଷ୍ଟି ସମ୍ଭାବନା, ସତର୍କ ସୂଚନା ଜାରି କଲା ପ୍ରଶାସନ
  • ||
  • ପାଟଣା : ଘର ଉପରେ ମାଡ଼ି ବସିଲା ବିରାଟକାୟ ବଉଳ ବୃକ୍ଷ, ଅଳ୍ପକେ ବର୍ତ୍ତିଲେ ପରିବାର ଲୋକ
  • ||
  • ପୁରୀ : ଶ୍ରୀମନ୍ଦିରରେ ଗହ୍ମା ପୂର୍ଣ୍ଣିମା ଉତ୍ସବ, ବୀରଡୋରିରେ ଦୁଇ ଭାଇଙ୍କ ହାତରେ ୬ ଥାକିଆ ରାକ୍ଷୀ ବାନ୍ଧିଲେ ଭଉଣୀ ସୁଭଦ୍ରା
  • ||
  • ପାଟଣା : ଚୋରାଚାଲାଣ ବେଳେ ମାଡ଼ିବସିଲା ବନ ବିଭାଗ, ଶାଳ କାଠ ବୋଝେଇ ସ୍କର୍ପିଓ ଜବତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ଆଶଙ୍କା
  • ||
  • ଭଦ୍ରକ : ଫୁଲୁଛି ବୈତରଣୀ ଓ ସାଳନ୍ଦୀ, ହଦଗଡ଼ ଡ୍ୟାମ୍‌ରୁ ୨ଟି ଗେଟ୍ ଦେଇ ହେଉଛି ବନ୍ୟାଜଳ ନିଷ୍କାସନ
  • ||

ନୂତନ ଜ୍ଞାନକୌଶଳର ଚମତ୍କାରିତା, ଜ୍ୟାକ୍‌ ଲଗାଇ ୧୫ ବର୍ଷ ପୁରୁଣା ଘର ୪ ଫୁଟ୍ ଉପରକୁ ଉଠାଇଲେ କୁଶଳି ଶ୍ରମିକ

ରାୟଗଡ଼ା, ୦୪/୦୭ : ୧୫ ବର୍ଷ ପୂର୍ବେ ନିର୍ମାଣ ହୋଇଥିଲା ଘର । ହେଲେ କାଳକ୍ରମେ ରାସ୍ତାର ଉଚ୍ଚତା ଅନୁଯାୟୀ ଘର ତଳୁଆ ହେବା ସହିତ ପିଇବା ପାଣି ପାଇଁ ଅସୁବିଧା ଉପୁଜିବା କାରଣରୁ ଜଣେ ବ୍ୟକ୍ତି ତାଙ୍କ ଘରକୁ ୪ ଫୁଟ ଉପରକୁ ଉଠାଇଛନ୍ତି । ନୂତନ ଜ୍ଞାନ କୌଶଳ ପ୍ରୟୋଗ ଦ୍ୱାରା ଏହା ସମ୍ଭବ ହୋଇଥିବା ପ୍ରମାଣିତ ହୋଇଛି ।

ରାୟଗଡା ବ୍ଲକ ଅମଳାଭଟ୍ଟା ଛକର ରବି ଶେଖର ନାମକ ଜଣେ ବ୍ୟକ୍ତି ୨୦୦୭ରେ ତାଙ୍କ ବାସଗୃହ ନିର୍ମାଣ କରିଥିଲେ । ହେଲେ ୧୫ ବର୍ଷପରେ ରାସ୍ତାର ଉଚ୍ଚତା ବଢିବା ସହିତ ଘରକୁ ଜଳ ଯୋଗାଣରେ ସମସ୍ୟା ସୃଷ୍ଟି ହୋଇଥିଲା । ଏହାପରେ ସେ ସୂଚନା ପାଇଥିଲେ ଯେ, ହରିୟାଣା ରାଜ୍ୟରେ ଯନ୍ତ୍ରୀମାନେ ନୂତନ ଜ୍ଞାନ କୌଶଳ ପ୍ରୟୋଗ କରି ନିର୍ମାଣ ହୋଇଥିବା ଘରକୁ ଉପରକୁ ଉଠାଉଛନ୍ତି । ସୂଚନା ମିଳିବା ପରେ ହରିୟାଣା ରାଜ୍ୟ ରୋହତକର ଯନ୍ତ୍ରୀମାନଙ୍କୁ ଯୋଗାଯୋଗ କରିଥିଲେ । ସମସ୍ତ ସୂଚନା ଓ ଜ୍ଞାନ କୌଶଳ ସମ୍ପର୍କରେ ଜାଣିବା ପରେ ରବି ଆରମ୍ଭ କରିଥିଲେ ତାଙ୍କ ଅଭିଯାନ ।

ରୋହତକରୁ ସେହି ନିର୍ମାଣକାରୀ ଟିମକୁ ଡକାଇ ତାଙ୍କ ଘରକୁ ଉପରକୁ ଉଠାଇବା କାର୍ଯ୍ୟ ଆରମ୍ଭ କରିଥିଲେ । ୧୨୦୦ ବର୍ଗଫୁଟ ବିଶିଷ୍ଟ ଘରକୁ ବର୍ତ୍ତମାନ ୪ ଫୁଟ ଉଚ୍ଚତାକୁ ଉଠାଯାଇଛି । ୨୨୦ ଟି ଜ୍ୟାକ୍‌ ଲଗାଇ ଘରକୁ ଉଠାଇ ତାହା ତଳେ ପୁଣି ନିର୍ମାଣ କରାଯାଇଥିଲା । ୪ ଫୁଟ ଉଚ୍ଚକୁ ଉଠାଯିବା ପରେ ସାଧାରଣ ନିର୍ମାଣଶୈଳୀରେ କଂକ୍ରିଟ ଦିଆଯାଇ ଗୃହ ନିର୍ମାଣ ହୋଇଛି । ଏହା ନିର୍ମାଣ ପାଇଁ ହରିୟାଣାର ଯନ୍ତ୍ରୀଙ୍କୁ ବର୍ତ୍ତମାନ ସୁଦ୍ଧା ୧ ମାସ ୩ ଦିନ ଲାଗିଥିବା ବେଳେ ଆଉ ମାତ୍ର ଏକ ସପ୍ତାହ ମଧ୍ୟରେ ଏହା ଶେଷ ହୋଇଯିବ ବୋଲି ସୂଚନା ଦିଆଯାଇଛି । ଫଳରେ ଯେଉଁ ସମସ୍ୟା ପୂର୍ବରୁ ରହିଥିଲା ତାହା ଧିରେ ଧିରେ ଦୂର ହେଉଥିବା କହିଛନ୍ତି ରବି ।

ଏହି ନିର୍ମାଣ ପାଇଁ ଖର୍ଚ୍ଚ ହୋଇଛି ୧୫ ଲକ୍ଷ ଟଙ୍କା । ତେବେ ଏହିଭଳି କାର୍ଯ୍ୟକୁ ଯିଏ ଦେଖୁଛି ସିଏ ଆଶ୍ଚର୍ଯ୍ୟ ପ୍ରକଟ କରୁଛି । କିଭଳି ଏହା ସମ୍ଭବ ହୋଇପାରିଲା ବୋଲି ପଚାରିବା ପାଇଁ ରୋହତକର ସେହି ଯନ୍ତ୍ରୀଙ୍କ ନିକଟରେ ଭିଡ ଜମାଉଛନ୍ତି । ବୁଦ୍ଧି ଓ ଜ୍ଞାନ କୌଶଳ ଜରିଆରେ ସବୁକିଛି ସମ୍ଭବପର ତାହା ପ୍ରମାଣିତ ହୋଇଛି । ହରିୟାଣାରେ ଏଭଳି ଅନେକ ବାସଗୃହ ଓ ବ୍ୟବସାୟିକ ପ୍ରତିଷ୍ଠାନରେ ଏଭଳି କାମ ହୋଇଥିବା ଉକ୍ତ ଟିମ୍‌ ସୂଚନା ଦେଇଛନ୍ତି ।

ସମ୍ବନ୍ଧିତ ଖବର