PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆପଡା ସାଲେଭଟା ଛକରେ ରକ୍ତାକ୍ତ ଅବସ୍ଥାରେ ଯୁବକ-ଯୁବତୀ ଉଦ୍ଧାର
  • ||
  • ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁରକ୍ଷାରେ ଗୁରୁତର ତ୍ରୁଟି, ହେଲିକପ୍ଟର ଉଡାଣ ଭରିବା କ୍ଷଣି ମଝି ଆକାଶରେ ଦେଖାଗଲା କଳା ବେଲୁନ୍, ୪ କଂଗ୍ରେସ କର୍ମୀ ଗିରଫ
  • ||
  • ବିଧାନସଭା ଭିତରକୁ ଧସେଇ ପଶିବାକୁ ଉଦ୍ୟମ ବେଳେ ପୋଲିସ-ଛାତ୍ର କଂଗ୍ରେସ ମଧ୍ୟରେ ଧସ୍ତାଧସ୍ତି
  • ||
  • ନୂଆପଡା ଉଦ୍ୟାନବନ୍ଧ କ୍ରିଷ୍ଣା ଛକରେ ଟ୍ରକ ଧକ୍କାରେ ୪ ଜଣଙ୍କ ମୃତ୍ୟୁ
  • ||
  • ବୌଦ୍ଧ : କଣ୍ଟାମାଳ ବ୍ଲକ୍ ମନମୁଣ୍ଡା ରେଞ୍ଜ୍ ଅନ୍ତର୍ଗତ ରତାଖଣ୍ଡି ସଂରକ୍ଷିତ ଜଙ୍ଗଲରେ ଫାଶରେ ପଡ଼ି ଏକ ଭାଲୁର ମୃତ୍ୟୁ
  • ||
  • କୋଲକାତା : ମାତ୍ର ୭୫ ଟଙ୍କା ପାଉଣା ଫେରସ୍ତ ଦାବିରେ ଦେଖାଦେଇଥିଲା ଅଶାନ୍ତି, ନମାଜ ପଢ଼ି ଫେରିବା ବାଟରେ ବୃଦ୍ଧଙ୍କୁ ପିଟିପିଟି ହତ୍ୟା
  • ||
  • ଭୁବନେଶ୍ବର : ୨୦୧୯ ରୁ ୨୦୨୨ ମଧ୍ୟରେ ରାଜ୍ୟରେ ପଞ୍ଜିକୃତ ହୋଇଛି ୧୦ ହଜାର ୧୨୯ ଦୁଷ୍କର୍ମ ମାମଲା : ଗୃହରାଷ୍ଟ୍ର ମନ୍ତ୍ରୀ
  • ||
  • ଭୁବନେଶ୍ବର : ଜୁଲାଇ ୬ରେ ମାଟ୍ରିକ ପରୀକ୍ଷା ଫଳ ଘୋଷଣା । ଦିନ ୧ଟାରେ ପ୍ରକାଶ ପାଇପ ରେଜଲ୍ଟ । ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ସୂଚନା ।
  • ||
  • ଗୋଚ୍ଛାପଡ଼ା/ଫୁଲବାଣୀ : ବହୁଚର୍ଚ୍ଚିତ ଯୋଡ଼ାମୁଣ୍ଡ ଶିଶୁ ଜଗାର ଖପୁରି ୩ ବର୍ଷ ମଧ୍ୟରେ ପ୍ରତିରୋପଣ କରାଯିବ । ଦିଲ୍ଲୀ ଏମସ୍‌ ନ୍ୟୁରୋ ସର୍ଜରୀ ଡାକ୍ତର ଦୀପକ ଗୁପ୍ତାଙ୍କ ସୂଚନା ।
  • ||
  • ନୂଆଦିଲ୍ଲୀ : ଆନ୍ଧ୍ରପ୍ରଦେଶ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଅଲ୍ଲୁରୀ ସୀତାରାମ ରାଜୁଙ୍କ ପ୍ରତିମୂର୍ତ୍ତି କରିବେ ଉନ୍ମୋଚନ
  • ||
  • କୋଟପାଡ଼ : କୋଟପାଡ଼ ମୀନାବଜାରରେ ଦୋଳି ଖେଳୁଥିବା ବେଳେ ଜଣେ ନାବଳିକାଙ୍କ ହୃଦ୍‌ଘାତରେ ମୃତ୍ୟୁ
  • ||
  • ମୁମ୍ବାଇ: ମହାରାଷ୍ଟ୍ର ରାଜନୀତିରେ ପୁଣିଥରେ ଏକନାଥଙ୍କ ବାଜିମାତ୍। ଫ୍ଳୋର ଟେଷ୍ଟରେ ବହୁମତ ହାସଲ କରିଛନ୍ତି ସିନ୍ଦେ। ସିନ୍ଦେଙ୍କୁ ୧୬୪ ସଦସ୍ୟ ସମର୍ଥନ କରିଥିବା ସୂଚନା।
  • ||
  • ଧର୍ମଗଡ଼ : କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଚଞ୍ଚରମୁଣ୍ଡା ଛକ ବିଜୁ ଏକ୍ସପ୍ରେସ୍ ରାସ୍ତା କଡ଼ରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ନୂଆଦିଲ୍ଲୀ : ହିମାଚଳ ପ୍ରଦେଶର କୁଲ୍ଲୁରେ ବସ୍ ଦୁର୍ଘଟଣା, ସ୍କୁଲ ପିଲାଙ୍କ ସମେତ ୧୬ଜଣଙ୍କର ମୃତ୍ୟୁ ଆଶଙ୍କା
  • ||
  • ନୂଆଦିଲ୍ଲୀ : ମିସ୍ ଇଣ୍ଡିଆ ୱାର୍ଲ୍ଡ ୨୦୨୨ : ବିଜୟ ମୁକୁଟ ପିନ୍ଧିଲେ ସିନି ଶେଟ୍ଟୀ
  • ||
  • ନୂଆଦିଲ୍ଲୀ : ଭାଙ୍ଗିଗଲା ଆଲପାଇନ୍ ଗ୍ଲାସିୟରର ବିଶାଳ ଖଣ୍ଡ, ୫ ମୃତ
  • ||
  • ଭୁବନେଶ୍ବର : ମାଟ୍ରିକ୍ ରେଜଲ୍ଟ ପ୍ରକାଶ ନେଇ ବୋର୍ଡର ସମସ୍ତ ପ୍ରସ୍ତୁତି ଶେଷ, ସଚିବାଳୟରେ ଆଜି ନିଆଯିବ ଚୂଡ଼ାନ୍ତ ନିଷ୍ପତ୍ତି
  • ||
  • ବାଲିପାଟଣା : ବାଲିଘାଟକୁ କେନ୍ଦ୍ର କରି ଯୁବକଙ୍କୁ ଖଣ୍ଡାମାଡ଼, ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି
  • ||
  • ନୂଆଦିଲ୍ଲୀ : ଆଇସିୟୁରେ ଭର୍ତ୍ତି ହେଲେ ଲାଲୁ ଯାଦବ, ପଡ଼ିଯିବା କାରଣରୁ ହୋଇଥିଲେ ଆହତ
  • ||
  • ଡେନମାର୍କ : ଡେନମାର୍କର ସପିଂ ମଲରେ ଫୁଟିଲା ଗୁଳି, ୩ଜଣଙ୍କର ମୃତ୍ୟୁ
  • ||

କ୍ୟାବିନେଟ ଦେଲା ‘ଖୁସି’; ୧୭ ଲକ୍ଷ ଛାତ୍ରୀଙ୍କୁ ମାଗଣା ନାପ୍‌କିନ୍‌

ଭୁବନେଶ୍ୱର,୨୨ ।୨(ବ୍ୟୁରୋ): ବିଭିନ୍ନ ଡାକ୍ତରଖାନା ତଥା ମେଡିକାଲ କଲେଜରେ ଭିନ୍ନ ଭିନ୍ନ ସ୍କିମ୍‌ରେ ଆଡହକ୍‌ ନିଯୁକ୍ତି ପାଇଥିବା ୮୧୦୦ କର୍ମଚାରୀ ନିୟମିତ ହେବେ । ଏଥିରେ ଷ୍ଟାଫ୍‌ନର୍ସଙ୍କଠାରୁ ଆରମ୍ଭ କରି ଫାର୍ମାସିଷ୍ଟ୍‌, ରେଡିଓଲୋଜିଷ୍ଟ, ଲାବରୋଟୋରୀ ଆସିଷ୍ଟାଣ୍ଟ, ଏଏନଏମ୍‌, ବହୁମୁଖୀ ସ୍ୱାସ୍ଥ୍ୟକର୍ମୀ (ପୁରୁଷ ଓ ମହିଳା) ଅନ୍ତର୍ଭୁକ୍ତ । ଏ ବାବଦରେ ସରକାର ବର୍ଷକୁ ୧୭୨କୋଟି ଟଙ୍କାର ଆର୍ଥିକ ବୋଝ ମୁଣ୍ଡାଇବେ । ଆଜି ରାଜ୍ୟ କ୍ୟାବିନେଟ୍‌ ଏହି ନିଷ୍ପତ୍ତି ନେଇଛି । ଏଥିପାଇଁ ଆବଶ୍ୟକ ନିଯୁକ୍ତି ଓ ଚାକିରି ସର୍ତ୍ତାବଳୀକୁ ମଧ୍ୟ ସରକାର ସଂଶୋଧନ କରିଛନ୍ତି । ଏହାବ୍ୟତୀତ କ୍ୟାବିନେଟ୍‌ରେ ସମୁଦାୟ ୨୮ଟି ପ୍ରସ୍ତାବ ଗୃହୀତ ହୋଇଛି ।

ଗତ କିଛି ବର୍ଷ ତଳେ ସରକାର ୩ହଜାର ୯୫୮ଜଣ ଷ୍ଟାଫ ନର୍ସଙ୍କୁ ଚୁକ୍ତିଭିତ୍ତିକ ନିଯୁକ୍ତି ଦେଇଥିଲେ । ଏମାନଙ୍କୁ ସ୍ଥାୟୀ କରିବା ପାଇଁ ନିଯକ୍ତି ଓ ଚାକିରି ସର୍ତ୍ତାବଳୀରେ ସଂଶୋଧନ କରାଯାଇଛି । ସଂଶୋଧିତ ନିଷ୍ପତ୍ତି ଅନୁସାରେ ଯେଉଁମାନେ ୧୦ବର୍ଷ ଚାକିରୀ କାଳ ପୂରଣ କରିଛନ୍ତି, ସେମାନେ ବରିଷ୍ଠ ଷ୍ଟାଫ୍‌ ନର୍ସ ପଦବୀକୁ ଯିବେ ଏବଂ ଅନ୍ୟମାନେ ନିୟମିତ ହେବେ । ଏ ବାବଦରେ ବର୍ଷକୁ ୮୦କୋଟି ୪୩ଲକ୍ଷ ୯୩ହଜାର ଟଙ୍କା ଖର୍ଚ୍ଚ ହେବ । ସେହିଭଳି ୨୭୩୦ଜଣ ବହୁମୁଖୀ ମହିଳା ସ୍ୱାସ୍ଥ୍ୟକର୍ମୀଙ୍କୁ ନିୟମିତ କରିବାକୁ ୬୦କୋଟି ୬୬ଲକ୍ଷ ୫୬ହଜାର ଟଙ୍କା ଖର୍ଚ୍ଚ ହେବ । ୫୮୮ଜଣ ପୁରୁଷ ସ୍ୱାସ୍ଥ୍ୟକର୍ମୀଙ୍କ ପାଇଁ ୧୫କୋଟି ୩୧ଲକ୍ଷ ୧୫ହଜାର ଟଙ୍କା ଖର୍ଚ୍ଚ ହେବ ।

ଏହାବ୍ୟତୀତ ଅସ୍ଥାୟୀ ଭାବେ ଚାକିରି ପାଇଥିବା ୭୯୯ଜଣ ଲାବୋରୋଟୋରୀ ଟେକ୍ନିସିଆନ୍‌ ଓ ୬୮ଜଣ ଫାର୍ମାସିଷ୍ଟ ଏବଂ ୧୨ଜଣ ରେଡିଓଗ୍ରାଫରଙ୍କୁ ନିୟମିତ କରିବାକୁ ସରକାର ଯଥାକ୍ରମେ ୧୩.୪୬ କୋଟି, ୧.୬୯କୋଟି ଓ ୨୩ଲକ୍ଷ ଟଙ୍କା ଖର୍ଚ୍ଚ କରିବେ ।
ହୋମିଓପାଥି ଡାକ୍ତର ନିଯୁକ୍ତି କ୍ଷେତ୍ରରେ ରାଜ୍ୟ କ୍ୟାବିନେଟ୍‌ ବୟସସୀମା କୋହଳ କରିଛି । ପୂର୍ବରୁ ସର୍ବୋଚ୍ଚ ବୟସସୀମା ୩୨ବର୍ଷ ଥିଲାବେଳେ ଏହାକୁ ୪୦ ବର୍ଷ କରାଯାଇଛି । ଏ ନେଇ ଚାକିରୀ ନିଯୁକ୍ତି ସର୍ତ୍ତାବଳୀକୁ ସଂଶୋଧନ କରାଯାଇଛି । ରାଜ୍ୟ ସରକାର ‘ଖୁସି’ ଯୋଜନାରେ ଷଷ୍ଠରୁ ଦ୍ୱାଦଶ ଶ୍ରେଣୀ ଯାଏ ସମସ୍ତ ସରକାରୀ ତଥା ଅନୁଦାନପ୍ରାପ୍ତ ସ୍କୁଲରେ ପାଠ ପଢ଼ୁଥିବା ଛାତ୍ରୀଙ୍କୁ ମାଗଣାରେ ସାନିଚାରୀ ନାପକିନ୍‌ ଯୋଗାଇ ଦେବେ । ଏଥିରେ କେନ୍ଦ୍ର ସରକାରଙ୍କ କେନ୍ଦ୍ରୀୟ ତଥା ନବୋଦୟ ବିଦ୍ୟାଳୟକୁ ମଧ୍ୟ ସାମିଲ କରାଯାଇଛି । ଯୋଜନାରେ ମୋଟ ୧୭ଲକ୍ଷ ୨୫ହଜାର ଛାତ୍ରୀ ଉପକୃତ ହେବେ । ପ୍ରତି ଛାତ୍ରୀଙ୍କୁ ମାସକୁ ୧୮ଟି ବେଲ୍ଟ ଲେସ୍‌ ନାପକିନ୍‌ ଯୋଗାଇ ଦିଆଯିବ । ଆଗାମୀ ୫ବର୍ଷରେ ଏ ବାବଦରେ ରାଜ୍ୟ ସରକାର ୪୬୬କୋଟି ୮ଲକ୍ଷ ଟଙ୍କା ଖର୍ଚ୍ଚ କରିବେ ।
ରାଜ୍ୟର ଲକ୍ଷ ଏସଏଚ୍‌ଜି ଗ୍ରୁପକୁ ସରକାର ମାଗଣା ସ୍ମାର୍ଟଫୋନ୍‌ ଦେବେ । ପ୍ରତି ଗ୍ରୁପ୍‌କୁ ଏ ବାବଦରେ ସରକାର ୩ ହଜାର ଟଙ୍କା ଲେଖାଏ ଦିଆଯିବ । ଗ୍ରୁପ୍‌ର ମୁଖିଆ ଏହି ଫୋନ୍‌ ବ୍ୟବହାର କରିବେ । ଏଥିପାଇଁ ସରକାର ୨୦୫କୋଟି ଟଙ୍କା ଖର୍ଚ୍ଚ କରିବେ । ସେହିଭଳି ଏସଏଚ୍‌ଜି ଗ୍ରୁପ୍‌କୁ ମିଶନ ଶକ୍ତି ଜରିଆରେ ଦିଆଯାଉଥିବା ୩ଲକ୍ଷ ଟଙ୍କା ଯାଏ ଋଣ ଏଣିକି ବିନା ସୁଧରେ ଯୋଗାଇ ଦିଆଯିବ । ଏ ବାବଦରେ ରାଜ୍ୟ ସରକାର ୧୮୦କୋଟି ବ୍ୟୟ କରିବେ ।
କାଳିଆ ଛାତ୍ରବୃତ୍ତିକୁ ଆଜି ରାଜ୍ୟ କ୍ୟାବିନେଟ୍‌ ମଞ୍ଜୁରୀ ଦେଇଛି । ଏହି ଯୋଜନାରେ ଯୁକ୍ତ ଦୁଇ ପରେ ଉଚ୍ଚ ଶିକ୍ଷା ପାଇଁ ଯେ କୌଣସି ବିଭାଗରେ ପାଠ ପଢିବାକୁ ଇଚ୍ଛୁକ ଥିବା ଛାତ୍ରଛାତ୍ରୀଙ୍କ ଖର୍ଚ୍ଚ ସରକାର ବହନ କରିବେ । ଇଞ୍ଜିନିୟରିଂଠାରୁ ଆରମ୍ଭ କରି ମେଡିକାଲ ପଢ଼ା ପର୍ଯ୍ୟନ୍ତ ସବୁ ଖର୍ଚ୍ଚ ସରକାର ମୁଣ୍ଡାଇବେ । ତେବେ ଘରୋଇ ଚିକିତ୍ସାଳୟରେ ପାଠ ପଢ଼ିବାକୁ ଇଚ୍ଛୁକ ଛାତ୍ରଛାତ୍ରୀଙ୍କ ପାଇଁ ଏହା ଲାଗୁ ହେବନି । କେବଳ ସରକାରୀ କଲେଜରେ ପାଠ ପଢିବା ଛଡା ହଷ୍ଟେଲ ଖର୍ଚ୍ଚ ମଧ୍ୟ ସରକାର ବହନ କରିବେ ।
ଗ୍ରୀଡ୍‌କୋକୁ ରାଜ୍ୟ ସରକାର ୩ହଜାର କୋଟି ଟଙ୍କାର ଗ୍ୟାରେଣ୍ଟି ଦେବେ । ଗ୍ୟାରେଣ୍ଟି ବଳରେ ଗ୍ରୀଡ୍‌କୋ ସହଜରେ ବ୍ୟାଙ୍କରୁ ଋଣ ଉଠାଇ ପାରିବ । ପୂର୍ବରୁ ୫ହଜାର ୪୦୦କୋଟିର ଗ୍ୟାରେଣ୍ଟି ଗ୍ରୀଡ୍‌କୋକୁ ଦିଆଯାଇଥିଲା । ଯାହା ବଳରେ ଗ୍ରୀଡ୍‌କୋ ୫ ହଜାର ୧୦୦ କୋଟି ଟଙ୍କା ଋଣ ଉଠାଇଥିଲା । ଇତିମଧ୍ୟରେ ସେଥିରୁ ୩ହଜାର ୧୫୭ କୋଟି ଟଙ୍କାର ଋଣ ପରିଶୋଧ କରି ସରକାରୀ ଗ୍ୟାରେଣ୍ଟି ଫେରାଇ ସାରିଛି । ଏହାକୁ ମିଶାଇଲେ ଗ୍ରୀଡ୍‌କୋର ଗ୍ୟାରେଣ୍ଟି ୫ହଜାର ୪୦୦କୋଟିରେ ପହଞ୍ଚିବ ।
‘ବସୁଧା’ଯୋଜନାରେ ପାନୀୟ ଜଳ ଯୋଗାଇ ଦେବା ପାଇଁ ସରକାର ଦୁଇଟି ଯୋଜନାର ଟେଣ୍ଡରକୁ ମଞ୍ଜୁରୀ ଦେଇଛନ୍ତି । ନବରଙ୍ଗପୁର ଜିଲ୍ଲାର ଚନ୍ଦାହାଣ୍ଡି, ପାପଡାହାଣ୍ଡି, ନବରଙ୍ଗପୁର ଓ କୋଷାଗୁମୁଡା ବ୍ଲକ୍‌ରେ ୨୪୫ ଗ୍ରାମର ୫ଲକ୍ଷ ୫୦ହଜାର ଲୋକଙ୍କୁ ବିଶୁଦ୍ଧ ପାନୀୟ ଜଳ ଯୋଗାଇ ଦେବାକୁ ହାଇଦ୍ରାବାଦର ଜିଭିପିଆର୍‌ ଇଞ୍ଜିନିୟରିଂ ସଂସ୍ଥାକୁ ୫୫୫କୋଟି ଟଙ୍କାର ଟେଣ୍ଡର ଦିଆଯାଇଛି । ସେହିଭଳି ବୌଦ୍ଧ ଜିଲ୍ଲାର ବୌଦ୍ଧ ଓ କଣ୍ଟାମାଳ ବ୍ଲକ୍‌ ଅଧୀନରେ ଥିବା ୭୪୭ ଗ୍ରାମର ପ୍ରାୟ ୬ ଲକ୍ଷ ଲୋକଙ୍କୁ ପାନୀୟ ଜଳ ଯୋଗାଇ ଦେବାକୁ ୪୨୭.୫୯ କୋଟି ଟଙ୍କାର ଟେଣ୍ଡରକୁ କ୍ୟାବିନେଟ୍‌ ମଞ୍ଜୁରୀ ଦେଇଛି । ଏହି କାମ ଏଲ୍‌ଆଣ୍ଡଟି କମ୍ପାନୀକୁ ଦିଆଯାଇଛି । ୨୪ ମାସରେ ଉଭୟ ପ୍ରକଳ୍ପ ଶେଷ ହେବ ବୋଲି ସର୍ତ୍ତ ରହିଛି ।

ସମ୍ବନ୍ଧିତ ଖବର