ଘଟଗାଁ,୨୯।୭ : କେନ୍ଦୁଝର ଜିଲ୍ଲା ଘଟଗାଁ ଥାନା ଅନ୍ତର୍ଗତ ନାକଝରୀ ଗ୍ରାମରେ ଘଟିଛି ଦୁଃଖଦ ଘଟଣା । ପୋଖରୀରେ ବୁଡି ୨ ନାବାଳିକାଙ୍କ ମୃତ୍ୟୁ ହୋଇଛି । ମୃତ ୨ ନାବାଳିକା ହେଲେ ନାକଝରୀ ଗ୍ରାମର ଅମ୍ରିତା ବଳ (୭) ଓ ଭୂମି ନାଏକ (୧୦) ।
ଉଭୟ ସ୍କୁଲରୁ ଆସି ଘରପାଖ ପୋଖରୀ ନିକଟରେ ଖେଳୁଥିଲେ। ଅସାବଧାନତା ଯୋଗୁଁ ପୋଖରୀ ପାଣିରେ ପଡିଯାଇଥିଲେ । ଉଭୟଙ୍କୁ ଦୀର୍ଘ ସମୟ ପରେ ସ୍ଥାନୀୟ ଲୋକେ ପୋଖରୀ ଭିତରେ ଦେଖି ଉଦ୍ଧାର କରି ଘଟଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ।। ସ୍ବାସ୍ଥ୍ୟ କେନ୍ଦ୍ରରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ । ଘଟଗାଁ ପୋଲିସ୍ ପହଂଚି ଦୁଇ ମୃତଦେହ ଜବତ କରି ଘଟଣାର ତଦନ୍ତ କରୁଛି।
