ନୂଆପଡ଼ା,୧୪/୬ : ଜଙ୍ଗଲକୁ ଜାଳେଣି ସଂଗ୍ରହ କରିବାକୁ ଯାଇଥିବା ବେଳେ ଆକ୍ରମଣ କଲା ଭାଲୁ। ଦୁଇ ଯୁବକ ଗୁରୁତର। ନୂଆପଡ଼ା ଜିଲ୍ଲା କୋମନା ଥାନା ସୋସେଙ୍ଗ ଗାଁରେ ଏହି ଘଟଣା ଘଟିଛି। ଗୁରୁତରଙ୍କୁ ଉଦ୍ଧାର କରି ନୂଆପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
ସୂଚନାନୁଯାୟୀ, ଶନିବାର ସକାଳେ ସୁନାବେଡ଼ା ସୋସେଙ୍ଗ ଗାଁର ଦିଗଚନ ମାଝି(୩୬ ବର୍ଷ) ଓ ଅମଳ ମାଝି(୩୭ ବର୍ଷ) ଗାଁ ନିକଟ ଜଙ୍ଗଲକୁ ଜାଳେଣି କାଠ ସଂଗ୍ରହ କରିବାକୁ ଯାଇଥିଲେ। ସେଠାରେ ଏକ ଭାଲୁ ତା'ର ଛୁଆ ସହ ବୁଲୁଥିଲା। ମଣିଷଙ୍କୁ ଦେଖି ଭାଲୁ ଆକ୍ରମଣ କରିଥିଲା । ଏଥିରେ ଦୁଇ ଯୁବକ ଲହୁଲୁହାଣ ହୋଇଥିଲେ । ଖବର ପାଇ ଗାଁ ଲୋକେ ଜଙ୍ଗଲକୁ ଯାଇ ଦୁଇ ଯୁବକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଛନ୍ତି। ସେମାନଙ୍କୁ ନୂଆପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ବନ୍ୟପ୍ରାଣୀ ବିଭାଗ ଏସିଏଫ୍ ସଞ୍ଜୀବ ବନଗୋଲାଙ୍କ ନେତୃତ୍ଵରେ ଏକ ଟିମ୍ ଅଭୟାରଣ୍ୟ ସୋସେଙ୍ଗ ଅଭିମୁଖେ ବାହାରିଥିବା ଏସିଏଫ୍ ସୂଚନା ଦେଇଛନ୍ତି ।
