ରଙ୍ଗେଈଲୁଣ୍ଡା, ୧।୧୦ (ଆପ୍ର): -ଗୋଳନ୍ଥରା ଥାନା ଅନ୍ତର୍ଗତ ବଡ଼ ଚନ୍ଦନବାଡ ଗ୍ରାମରେ ଗ୍ୟାସ ଟାଙ୍କି ଲିକ ହୋଇ ନିଆଁ ଲାଗିଯିବାରୁ ଦୁଇ ଜଣ ମହିଳା ପୋଡ଼ିଯାଇଛନ୍ତି। ଗୁରୁତର ଭାବେ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ୨ ଗୁରୁତର ମହିଳା ହେଲେ ଗ୍ରାମର ସୁଗୁ ରେବତୀ (୬୪) ଓ ହେମଲତା ବେହେରା (୩୯) ।
ସୁଗୁ ରେବତୀ ଘରକୁ ସେହି ଗ୍ରାମର ହେମଲତା ବେହେରା କୌଣସି କାମରେ ଯାଇଥିଲେ। ସେହି ସମୟରେ ରେବତୀ ଗ୍ୟାସ ଚୁଲି ଲଗାଉଥିଲେ । ହଠାତ ଗ୍ୟାସ ଲିକ ହୋଇ ଘରେ ନିଆଁ ବ୍ୟାପି ଯାଇଥିଲା। ଘଟଣା ସ୍ଥଳରେ ଦୁଇ ଜଣ ନିଆଁରେ ପୋଡି ଗୁରୁତର ହୋଇଥିଲେ। ସଙ୍ଗେ ସଙ୍ଗେ ଗ୍ରାମର କିଛି ଲୋକ ପହଂଚି ନିଆଁକୁ ଆୟତ୍ତ କରି ଉଭୟଙ୍କୁ ବ୍ରହ୍ମପୁର ଏମକେସିଜି ମେଡ଼ିକାଲ କଲେଜ ଓ ହସପିଟାଲକୁ ଭର୍ତ୍ତି କରାଯାଇଥିଲା। ସେଠାରୁ ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ଉଭୟଙ୍କୁ ଭୁବନେଶ୍ୱର ଏମ୍ସ ସ୍ଥାନାନ୍ତର କରାଯାଇ ଚିକିତ୍ସା କରାଯାଉଛି।
