ବାଲେଶ୍ୱର ୦୫/୦୬: ବାହାନଗା ରେଳ ଦୁର୍ଘଟଣା ଆହତଙ୍କ ଜୀବନ ରକ୍ଷା କରାଯାଇଛି । ଉଦ୍ଧାର କାର୍ଯ୍ୟ ପାଇଁ ସାଧାରଣ ଲୋକେ ବି ଆଗେଇ ଆସିଥିଲେ। ଆହତଙ୍କ ପାଇଁ ଚିକିତ୍ସା ପାଇଁ ସବୁ ପ୍ରକାର ବ୍ୟବସ୍ଥା କରାଯାଇଥିଲା । ଅନ୍ୟପଟେ ରେଳ ମନ୍ତ୍ରଣାଳୟ ପକ୍ଷରୁ ମୃତାହତ ମାନଙ୍କୁ ଅନୁକମ୍ପା ରାଶି ବାବଦକୁ ସହାୟତା ରାଶି ପ୍ରଦାନ କରାଯାଇଛି।
ସୂଚନା ମୁତାବିକ, ବାହାନଗା ଟ୍ରେନ୍ ଦୁର୍ଘଟଣାରେ ୧୧ ମୃତକ, ୫୦ ଗୁରୁତର ଓ ୨୨୪ ସାମାନ୍ୟ ଆହତଙ୍କୁ ମିଶାଇ ମୋଟ ୨୮୫ ଜଣଙ୍କୁ ଅନୁକମ୍ପାମୂଳକ ସହାୟତା ରାଶି ଦିଆ ସରିଛି । ଅନୁକମ୍ପା ରାଶି ବାବଦରେ ସେମାନଙ୍କୁ ପ୍ରାୟ ୩.୨୨ କୋଟି ଟଙ୍କା ଦିଆଯାଇଛି । ସୋର, ଖଡ଼ଗପୁର, ବାଲେଶ୍ୱର, ଖନ୍ତାପଡ଼ା, ଭଦ୍ରକ, କଟକ, ଭୁବନେଶ୍ୱରରେ ରେଳ ବିଭାଗ ଏହି ସହାୟତା ରାଶି ବିତରଣ କରୁଛି ।
ରେଳ ଦୁର୍ଘଟଣାରେ ମୃତାହତ ଓ ଅଟକିଥିବା ଯାତ୍ରୀଙ୍କ ପରିବାର ଓ ସମ୍ପର୍କୀୟଙ୍କ ସୁବିଧା ପାଇଁ ୧୩୯ ହେଲ୍ପଲାଇନ ନଂ ଜାରି କରିଛି ରେଳ ବିଭାଗ । ବରିଷ୍ଠ ରେଳ ଅଧିକାରୀ ଉପସ୍ଥିତ ରହି ଫୋନ୍ ଉଠାଇବେ । ରେଳ ମନ୍ତ୍ରଣାଳୟ ପକ୍ଷରୁ ଘୋଷଣା ହୋଇଥିବା ସହାୟତା ରାଶି ବିତରଣରେ ଏହା ସହାୟକ ହେବ ।
wp:embed {"url":"https://www.prameya.com/bahana-train-tragedy-husband-not-complaint-premises/","type":"wp-embed","providerNameSlug":"prameya"}
