ବାଲିଆପାଳ, ୪।୧୦ : ରାସ୍ତାରେ ଗାଡିର ନମ୍ବର ପ୍ଲେଟ ହଜିଯାଇଥିବା ନେଇ ବାଲିଆପାଳ ଥାନାକୁ ଅଭିଯୋଗ କରିବାକୁ ଆସିଥିଲେ ୩ ଜଣ ।ତେବେ ଚନ୍ଦକା ନିକଟରେ ଖସିଥିବା ଜାଣିବା ପରେ ପୁଲିସ ଏତଲା ରଖି ନଥିଲା। ଏହାକୁ ନେଇ ଅଭିଯୋଗକାରୀ ଜଣକ ଥାନା ଅଧିକାରୀଙ୍କ ଉପରେ ହାତ ଉଠାଇଥିଲେ। ପୁଲିସ ଏହି ଘଟଣାରେ ୩ ଜଣଙ୍କୁ ଥାନାରେ ଅଟକ ରଖିଛି।
ଗାଡିର ଆଗ ନମ୍ବର ପ୍ଲେଟ ଚନ୍ଦକାରେ ଖସି ପଡ଼ିଥିବା ସୂଚନାକୁ ନେଇ ତିନି ଜଣ ବାଲିଆପାଳ ଥାନାରେ ଅଭିଯୋଗ ଦେବାକୁ ଆସିଥିଲେ। ୩ ମଧ୍ୟରୁ ଜଣେ ଭାରତୀୟ ନୌବାହିନୀରେ କାର୍ଯ୍ୟରତ ଥିବା ବେଳେ ଅନ୍ୟ ଦୁଇଜଣ ଘରୋଇ କମ୍ପାନୀରେ କାର୍ଯ୍ୟ କରୁଛନ୍ତି। ଉକ୍ତ ଘଟଣା ଚନ୍ଦକାରେ ଘଟି ଥିବାର ଜାଣି ପୋଲିସ ଏତଲା ଗ୍ରହଣ କରି ନ ଥିଲା। ଏହି ଘଟଣାକୁ ଭାରତୀୟ ନୌବାହିନୀରେ କାର୍ଯ୍ୟରତ କର୍ମଚାରୀ ଆଇଆଇସିଙ୍କ ଉପରକୁ ହାତ ଉଠାଇଥିଲେ। ଉଭୟଙ୍କ ମଧ୍ୟରେ ବିବାଦ ସୃଷ୍ଟି ହୋଇଥିଲା। ବାଲିଆପାଳ ଥାନାରେ ଅଭିଯୋଗ କରିବାକୁ ଆସିଥିବା ତିନି ଜଣଙ୍କୁ ଅଟକ ରଖାଯାଇଛି।
