ଭୁବନେଶ୍ୱର, ୧୯/୦୩: ଗୁଣି ଗାରେଡ଼ି ସନ୍ଦେହରେ ଗଡ଼ିଲା ତିନି ମୁଣ୍ଡ । ଗଞ୍ଜାମ ଜିଲ୍ଲା ଧରାକୋଟ ବ୍ଲକ ବଡ଼ଗଡ଼ ଥାନା ଖାଲିପଲ୍ଲୀ ଗାଁରେ ଗୁଣି ଗାରେଡ଼ି ସନ୍ଦେହରେ ଗ୍ରାମବାସୀଙ୍କ ଆକ୍ରମଣରେ ବାପା-ପୁଅଙ୍କ ମୃତ୍ୟୁ ହୋଇଛି । ବାପା-ପୁଅଙ୍କ ପାଲଟା ଆକ୍ରମଣରେ ଜଣେ ଗ୍ରାମବାସୀଙ୍କର ମୃତ୍ୟୁ ହୋଇଥିବା ବେଳେ ତିନି ଗ୍ରାମବାସୀ ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ତିନି ଜଣଙ୍କୁ ଧରାକୋଟ୍ ମେଡିକାଲରେ ଭର୍ତ୍ତି କରାଯାଇଛି । ତେବେ ଘଟଣାକୁ ଦୃଷ୍ଟିରେ ରଖି ଗାଁରେ ଦୁଇ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଥିବା ବେଳେ ବର୍ତ୍ତମାନ ସୁଦ୍ଧା ପୋଲିସ ୧୨ ଜଣଙ୍କ ଅଟକ ରଖି ଜେରା କରୁଛି ।
ଚାଲାଣ ପାଇଁ ଯୋଜନା ବେଳେ ମାଡି ବସିଲା ପୋଲିସ, ୨କ୍ୱିଣ୍ଟାଲ ୬୨କେଜି ଗଞ୍ଜେଇ ଜବତ
ସୂଚନା ମୁତାବକ, କିଛି ଦିନ ପୂର୍ବରୁ ଖାଲିପଲ୍ଲୀ ଗାଁଲୋକେ ଗୁଣିଗାରେଡ଼ି ସନ୍ଦେଗରେ ଗାଁର ଚାରି ପରିବାରକୁ ବାସନ୍ଦ କରିବା ସହ ସେମାନଙ୍କୁ ମାଡ଼ ମାରିଥିଲେ । ଘଟଣାକୁ ନେଇ ଥାନାରେ ଏତଲା ମଧ୍ୟ ହୋଇଥିବା । ହେଲେ ଦୁଇ ପରିବାର ଭୟରେ ଗାଁ ଛାଡ଼ି ବାହାରକୁ ଚାଲିଯାଇଥିଲେ । ଘଟଣାର ଛଅ ମାସ ପରେ ପୋଲିସ ସହାୟତାରେ ଗ୍ରାମବାସୀଙ୍କୁ ବୁଝାସୁଝା ପରେ ଗାଁକୁ ଫେରିଥିଲେ ଦୁଇ ପରିବାର । ସେବେଠାରୁ ଗ୍ରାମବାସୀ ଓ ସେହି ପରିବାର ମଧ୍ୟ ତିକ୍ତତା ଲାଗିରହିଥିଲା । ଯାହାର ପରିଣାମ ମଙ୍ଗଳବାର ରାତିରେ ଦେଖିବାକୁ ମିଳିଛି । ରବିବାର ଅର୍ଥାତ ମାର୍ଚ୍ଚ ୧୬ ତାରିଖ ସଂଧ୍ୟାରେ ଖଦାଳ ବେହେରା ଗାଁରେ ଗାଳିଗୁଲଜ କରିବାକୁ ନେଇ ବଚସା ହୋଇଥିଲା । ତେବେ ବଚସା ସମୟରେ ପୁଅ ରତ୍ନାକର ବେହେରା ଅଚାନକ ଖଣ୍ଡାରେ ଗ୍ରାମବାସୀଙ୍କୁ ଆକ୍ରମଣ କରିଥିଲେ । ଯେଉଁଥିରେ ଚାରି ଜଣ ଗ୍ରାମବାସୀ ଗୁରୁତର ହୋଇଥିଲେ । ଚାରି ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ମେଡିତାଲରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଜଣଙ୍କର ମୃତ୍ୟୁ ହୋଇଥିଲା । ଅପରପକ୍ଷେ ଗ୍ରାମବାସୀଙ୍କ ଆକ୍ରମଣରେ ଘଟଣାସ୍ଥଳରେ ବାପା-ପୁଅଙ୍କର ମୃତ୍ୟୁ ହୋଇଯାଇଛି ।
ତେବେ ହତ୍ୟାକାଣ୍ଡ ପରେ ଗାଁରେ ଉତ୍ତେଜନା ଦେଖାଦେଇଥିଲା । ଯାହାକୁ ଦୃଷ୍ଟିରେ ରଖି ଗାଁରେ ଦୁଇ ପ୍ଲାଟୁନ ଫୋର୍ସ ମୁତୟନ କରାଯାଇଥିବା ବେଳେ ବରିଷ୍ଠ ପୋଲିସ ଅଧିକାରୀମାନେ ଉପସ୍ଥିତ ରହିଛନ୍ତି । ସେହିପରି ପୋଲିସ ଘଟଣାର ତଦନ୍ତ କରି ୧୨ ଜଣଙ୍କ ଅଟକ ରଖି ଜେରା କରୁଥିବା ସୂଚନା ମିଳିଛି ।
