ତିରୁପତି ମନ୍ଦିରରୁ ୩ ସୁନା ମୁକୁଟ ଚୋରି

ତିରୁପତି,୩ ।୨(ଏଜେନ୍ସି): ତିରୁପତି ସ୍ଥିତ ପ୍ରସିଦ୍ଧ ଗୋବିନ୍ଦରାଜସ୍ୱାମୀ ମନ୍ଦିରରୁ ତିନି ଦେବାଦେବୀଙ୍କ ସୁନା ମୁକୁଟ ଚୋରି ହୋଇଯାଇଛି । ଶ୍ରୀଦେବୀ, ଭୂଦେବୀ ଏବଂ ମାଲାୟାପ୍ପାଙ୍କ ମୂର୍ତ୍ତିରେ ଲାଗିଥିବା ଏହି ମୁକୁଟଗୁଡିକର ଓଜନ ପ୍ରାୟ ୧.୩ କିଲୋ ହେବ । ଶନିବାର ଭୋର ସମୟରେ ମନ୍ଦିରର ପୂଜାରୀ ଏହି ମୁକୁଟଗୁଡିକ ଗାଏବ ହୋଇଯାଇଥିବାର ଲକ୍ଷ୍ୟ କରିଥିଲେ ଏବଂ ଏସମ୍ପର୍କରେ ପୁଲିସକୁ ସୂଚନା ଦେଇଥିଲେ । ଭାରତର ମହାନ ଆଧ୍ୟାତ୍ମିକ ସନ୍ଥ ରାମାନୁଜାଚାର୍ଯ୍ୟ ଦ୍ୱାଦଶ ଶତାଦ୍ଦୀରେ ଏହି ମନ୍ଦିରର ନିର୍ମାଣ କରାଇଥିଲେ । ଏଠାରୁ ଠାକୁରଙ୍କ ମୁକୁଟ ଚୋରି ହେବା ଭକ୍ତମାନଙ୍କୁ ଆଘାତ ଦେଇଛି । ସ୍ଥାନୀୟ ପୁଲିସ ଏହି ଘଟଣାର ଯାଞ୍ଚ ଆରମ୍ଭ କରିଛି ଏବଂ ମନ୍ଦିରର ବିଭିନ୍ନ ସ୍ଥାନରେ ଲାଗିଥିବା ସିସିଟିଭି ଫୁଟେଜର ବିଶ୍ଲେଷଣ କରୁଛି ।