ସୋର,୮।୬ :  ପାଇଖାନା ଟାଙ୍କି କାମ କରୁଥିବା ବେଳେ ବିଦ୍ୟୁତ ଆଘାତରେ ୩ ଶ୍ରମିକଙ୍କ ମୃତ୍ୟୁ ଘଟିଛି। ବାଲେଶ୍ୱର ଜିଲ୍ଲା ସିମୁଳିଆ ଥାନା ଝିଙ୍କିରିଆ ପଞ୍ଚାୟତ ଗଗନଧୂଳି ଗାଁରେ ଏହି ଘଟଣା ଘଟିଛି । ମୃତ ଶ୍ରମିକ ହେଲେ ହରେକୃଷ୍ଣ ଦାସ, ନରହରି ବେହେରା ଏବଂ ବାବାଜୀ ମାଝୀ ।

ବାଲେଶ୍ୱର ଜିଲ୍ଲା ସିମୁଳିଆ ଥାନା ଝିଙ୍କିରିଆ ପଞ୍ଚାୟତ ଗଗନଧୂଳି ଗାଁର ହରେକୃଷ୍ଣ ଦାସଙ୍କ ପାଇଖାନା ଟାଙ୍କି କାମ ହେଉଥିଲା।  ସେଠାରେ ବିଦ୍ୟୁତ ସଂଯୋଗ କରି ପାଇଖାନା ଟାଙ୍କି କାମ କରୁଥିଲେ l ହଠାତ ୩ ଜଣ ଶ୍ରମିକ ବିଦ୍ୟୁତ    ଆଘାତର ଶିକାର ହୋଇଥିଲେ l ଘଟଣା ସ୍ଥଳରେ ଜଣେ ଶ୍ରମିକଙ୍କ ମୃତ୍ୟୁ ହୋଇଥିଲା। ଅନ୍ୟ ୨ ଜଣ ଗୁରୁତର ହୋଇଥିଲେ। ଗୁରୁତରଙ୍କୁ ଚିକିତ୍ସା ପାଇଁ ଭଦ୍ରକ ମେଡିକାଲ ଅଣାଯାଇଥିଲା। ସେଠାରେ ୨ ଜଣଙ୍କ ମୃତ୍ୟୁ ଘଟିଛି।  ଖଇରା ପୋଲିସ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଚଳାଇଛି।