ଅନୁଗୁଳ, ୧୫/୬ : ଅନୁଗୁଳ ଅବକାରୀ ବିଭାଗକୁ ଏକ ବଡ଼ ସଫଳତା ମିଳିଛି । ଟ୍ରେନରେ ଚୋରା ଗଞ୍ଜେଇ ଚାଲାଣ ବେଳେ ମାଡ଼ି ବସିଛି ଅବକାରୀ ବିଭାଗ। ରବିବାର ସକାଳେ ଅବକାରୀ ବିଭାଗ ଓ ଆରପିଏଫ୍ ମିଳିତ ଚଢଉ କରି ଅନୁଗୁଳ ଷ୍ଟେସନରୁ ୩୨କିଲୋ ଗଞ୍ଜେଇ ଜବତ କରିଛି ।
ଏଥିସହ ଚୋରା କାରବାରରେ ସଂପୃକ୍ତ ୨ ଅଭିଯୁକ୍ତଙ୍କୁ ଗିରଫ କରାଯାଇଛି । ଅଭିଯୁକ୍ତ ଦ୍ବୟ ହେଲେ ଝାଡଖଣ୍ଡର ମନୀଷ କୁମାର (୨୭) ଓ ବିରେନ୍ଦ୍ର କୁମାର (୩୩) | ଜବତ ଗଞ୍ଜେଇର ଆନୁମାନିକ ମୂଲ୍ୟ ୩ଲକ୍ଷ ଟଙ୍କା ହେବ ବୋଲି ଅବକାରୀ ବିଭାଗ ପକ୍ଷରୁ କୁହାଯାଇଛି । ଏହି ଚଢଉରେ ଅବକାରୀ ଏସଆଇ ଗାୟତ୍ରୀ ମାଝି, ଆରପିଏଫ୍ ଏସଆଇ ମନନ ପାଣ୍ଡେଙ୍କ ସହ ଷ୍ଟାଫ୍ ସାମିଲ ଥିଲେ ।
