PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କଲେ ଆରୋନ୍‌ ଫିଞ୍ଚ, ଏବେ ବି ତାଙ୍କ ବିଶ୍ବ ରେକର୍ଡ ରହିଛି ଅତୁଟ
  • ||
  • ବିବାହ ବନ୍ଧନରେ ବାନ୍ଧିହେଲେ ସିଦ୍ଧାର୍ଥ ଓ କିଆରା, ସୂର୍ଯ୍ୟଗଡ ପ୍ୟାଲେସ୍‌ରେ ହେଲା ବାହାଘର
  • ||
  • କ୍ରିକେଟର ସମସ୍ତ ଫର୍ମାଟରୁ ଅବସର ଘୋଷଣା କଲେ କାମରାନ ଆକମଲ, ୨୦୧୭ ପରଠୁ ମିଳୁନଥିଲା ସୁଯୋଗ
  • ||
  • ତୁର୍କୀରେ ଜରୁରୀ ପରିସ୍ଥିତି ଘୋଷଣା କଲେ ରାଷ୍ଟ୍ରପତି, ଭୂମିକମ୍ପରେ ମୃତ୍ୟୁସଂଖ୍ୟା ୫ ହଜାର ପାର୍
  • ||
  • କଟକ: କଟକରେ ଜିଏସ୍‌ଟି ରେଡ୍, ଲିଙ୍ଗରୋଡ୍‌ରେ ଥିବା ପଞ୍ଚମୁଖୀ ସାନିଟାରି ଦୋକାନରେ ଜିଏସ୍‌ଟି ଚଢ଼ଉ ଜାରି
  • ||
  • ଭୁବନେଶ୍ୱର: ପ୍ରକାଶ ପାଇଲା JEE(ମେନ୍) ରେଜଲ୍ଟ, ଆଫିସିଆଲ ୱେବସାଇଟ୍‌ରେ ଜାଣିପାରିବେ ଫଳ
  • ||
  • ପୁରୀ : ବୁଧବାର ମହାପ୍ରଭୁଙ୍କ ବନକ ଲାଗି, ଦର୍ଶନ କଟକଣା
  • ||
  • ଭୁବନେଶ୍ୱର: ଦେଖୁଦେଖୁ ଜଳିଗଲା ଏଟିଏମ୍, କାରଣ ଅସ୍ପଷ୍ଟ
  • ||
  • ଜଗତସିଂହପୁର : ତିର୍ତ୍ତୋଲ୍‌ ବିଧାୟକଙ୍କ ପ୍ରେମ-ପ୍ରତାରଣା ମାମଲା: ୭ ଘଣ୍ଟା ଧରି ସୋମାଲିକାଙ୍କ ବୟାନ ରେକର୍ଡ, ବିଜୟ ଶଙ୍କର ନିରବ…
  • ||
  • ଭୁବନେଶ୍ୱର : ଅଧିକ ଚିକିତ୍ସା ଲାଗି ଆଜି ଦିଲ୍ଲୀ ଯିବେ ଅଭିନେତା ପିଣ୍ଟୁ ନନ୍ଦ, କରାଯିବ ଲିଭର ଟ୍ରାନ୍ସପ୍ଲାଣ୍ଟ
  • ||
  • ଭୁବନେଶ୍ୱର : ଆରମ୍ଭ ହେଲା ଭାଲେଣ୍ଟାଇନ୍‌ ସପ୍ତାହ, ଗୋଲାପ ମହକରୁ ଆରମ୍ଭ ହେବ ପ୍ରେମ
  • ||
  • ଭୁବନେଶ୍ୱର : ରାଜ୍ୟରେ କଲବଲ କରିବ ଖରା, ରାତି ତାପମାତ୍ରା ଆହୁରି ବଢ଼ିବ: ଉପକୂଳରେ ୩ଡିଗ୍ରୀ ବଢ଼ିବ
  • ||

ରୋକି ହେଉନି ସଡ଼କ ଦୁର୍ଘଟଣା: ଏଗାର ବର୍ଷରେ ଗଲାଣି ୪୧ ହଜାର ଜୀବନ

source:http://www.pragativadi.com

ଭୁବନେଶ୍ୱର,୮ା୨(ବ୍ୟୁରୋ): ଘରୁ ଗୋଡ଼ କାଢ଼ିଲେ ଦୁର୍ଘଟଣାର ଭୟ । ଜାତୀୟ ରାଜପଥ ହେଉ ଅବା ଗଳିକନ୍ଦି, ସବୁଠି ବିପଦର ଘଣ୍ଟି ବାଜୁଛି । ଭୁଲ୍‌ ରାସ୍ତା ନିର୍ମାଣ ଓ ଟ୍ରାଫିକ୍‌ ସମସ୍ୟା ପାଇଁ ଏଭଳି ଅଘଟଣ ଲାଗିରହିଛି । ୨୦୦୮ ମସିହାରୁ ୨୦୧୮ ଅର୍ଥାତ୍‌ ୧୧ ବର୍ଷ ମଧ୍ୟରେ ଓଡ଼ିଶାରେ ୪୦ ହଜାର ୯ ଶହ ୭୩ ଜଣଙ୍କର ଦୁର୍ଘଟଣାରେ ମୃତ୍ୟୁ ହୋଇଛି । ବିଧାନସଭା ରିପୋର୍ଟରୁ ଏହା ଜଣାପଡ଼ିଛି । ରେକର୍ଡ କହୁଛି ଦେଶରେ ସଡ଼କ ଦୁର୍ଘଟଣାରେ ଦୈନିକ ୫୧୦ ଜଣଙ୍କ ଜୀବନ ଯାଉଛି । ସେହି ଅନୁପାତରେ ରାଜ୍ୟରେ ଦିନକୁ ପାଖାପାଖି ୧୫ଜଣ କେଉଁଠି ନା କେଉଁଠି ଦୁର୍ଘଟଣାର ଶିକାର ହୋଇ ଆଖି ବୁଜୁଛନ୍ତି । ୨୦୧୮ରେ ଓଡ଼ିଶାରେ ୧୧,୨୬୨ ଟି ଦୁର୍ଘଟଣା ଘଟିଥିଲା । ସେଥିରେ ୫,୩୧୫ ଜଣଙ୍କର ମୃତ୍ୟୁ ହୋଇଥିବା ବିଧାନସଭା ରିପୋର୍ଟରେ ଉଲ୍ଲେଖ ରହିଛି ।
ଟ୍ରାଫିକ ସମସ୍ୟାର ସମାଧାନ ଲାଗି କାହିଁ କେତେ ସ୍ତରରେ ଚେଷ୍ଟା ଚାଲିଛି । କେଉଁଠି ନୂଆ ପୋଷ୍ଟ ତ’ ପୁଣି କେଉଁଠି ଯାତାୟତରେ ସୁବିଧା ଲାଗି ଓଭରବ୍ରିଜ୍‌ ଛିଡ଼ା ହେଉଛି । ଦୁର୍ଘଟଣାର ମାତ୍ରାକୁ ଅନୁଧ୍ୟାନ କଲେ ତଥାପି କିଛି ଫରକ୍‌ ପଡୁନଥିବା ମନେ ହେଉଛି । ବେପରୁଆ ଗାଡ଼ି ଚାଳନା ଯୋଗୁଁ ହିଁ ଏସବୁ ଘଟୁଥିବା ପୁଲିସ ରେକର୍ଡ ଦର୍ଶାଉଛି । ସବୁବର୍ଷ ଟ୍ରାଫିକ୍‌ ସୁରକ୍ଷା ସପ୍ତାହ ପାଳନ କରାଯାଇ ଲୋକଙ୍କୁ ଟ୍ରାଫିକ୍‌ ଓ ଗାଡିଚାଳନା ସମ୍ପର୍କରେ ପୁଲିସ ସଚେତନ ମଧ୍ୟ କରାଉଛି । ଏଥିପାଇଁ କୋଟି କୋଟି ଟଙ୍କା ଖର୍ଚ୍ଚ ହେଉଛି । ରାଜ୍ୟ ପୁଲିସ ରେକର୍ଡ ଅନୁସାରେ, ପ୍ରତ୍ୟେକ ଦୁର୍ଘଟଣା ପଛରେ ମଦ୍ୟପାନ ନଚେତ୍‌ ଟ୍ରାଫିକ୍‌ ନିୟମ ଉଲ୍ଲଂଘନ ହିଁ ମୁଖ୍ୟ କାରଣ । ଯାହା ଲାଗି ଡ୍ରାଇଭର ହେଉ କିମ୍ୱା ତାଙ୍କ ସହ ଯାଉଥିବା ଲୋକଙ୍କର ଅକାଳରେ ଜୀବନ ଯାଉଛି । ବଡ଼କଥା ହେଲା ଦୁର୍ଘଟଣାରେ ପରେ ପୁଲିସ୍‌ ମାମଲା ରୁଜୁ କରି ଚୁପ୍‌ ରହିଯାଉଛି । କ’ଣ ପାଇଁ ଦୁର୍ଘଟଣା ଘଟିଲା ସେ ବିଷୟରେ ପୁଲିସ୍‌ କିଛି ତନାଘନା କରୁନି ।
୨୦୧୮ରେ ମୋଟ ୧୧,୨୬୨ଟି ଦୁର୍ଘଟଣା ଘଟିଛି । ସେଥିରେ ୫,୩୧୫ଜଣ ପ୍ରାଣ ହରାଇଛନ୍ତି । ସେଥିରୁ ୫୬% ଦୁର୍ଘଟଣା ଗ୍ରାମାଞ୍ଚଳରେ ହୋଇଥିବା ବେଳେ ୪୪% ସହରାଞ୍ଚଳରେ ହୋଇଛି । ମୋଟ ଦୁର୍ଘଟଣାର ୪୪% ଦୁଇଚକିଆ ଯାନ ଯୋଗୁ ହୋଇଥିବା ବେଳେ ୧୮% ଛୋଟ ଯାତ୍ରୀବାହୀ ଯାନ ଏବଂ ଟ୍ରକ ଯୋଗୁ ୨୩% ଦୁର୍ଘଟଣା ହୋଇଛି । ମାତ୍ର ୭% ବସ୍‌ ଯୋଗୁ ହୋଇଛି । ଦୁର୍ଘଟଣା ଘଟାଉଥିବା ଗାଡ଼ି ଚାଳକଙ୍କ ମଧ୍ୟରୁ ୯୬% ଚାଳକଙ୍କର ତ୍ରୁଟି ଯୋଗୁ ହେଉଛି ବୋଲି ରିପୋର୍ଟରେ ଦର୍ଶାଯାଇଛି ।