ପ୍ରମୂଖ ଖବର
  • ଭୁବନେଶ୍ୱର: ୧୯ରେ ବିଜେଡି ବିଧାୟକ ଦଳ ବୈଠକ, ଅଧକ୍ଷତା କରିବେ ସୁପ୍ରିମୋ ନବୀନ ପଟ୍ଟନାୟକ
  • ||
  • ଦାର୍ଜିଲିଂରେ ଭୟଙ୍କର ଟ୍ରେନ୍ ଦୁର୍ଘଟଣା, ଏକ୍ସପ୍ରେସ୍ ଟ୍ରେନ୍‌କୁ ପଛ ପଟୁ ଧକ୍କା ଦେଲ ମାଲବାହୀ ଟ୍ରେନ୍, ୮ ଯାତ୍ରୀ ମୃତ, ୨୦ରୁ ଅଧିକ ଆହତ
  • ||
  • ନୀଳଗିରି: ରଜ ଉତ୍ସବରେ ଅଘଟଣ।ଝାଡ଼ାବାନ୍ତି ରେ ୯ ଗୁରୁତର ,୨ ଅସୁସ୍ଥ
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କ ରାଜେନ୍ଦ୍ରାଭିଷେକ ନୀତି, ମଙ୍ଗଳବାର ଋକ୍ମିଣୀ ବିବାହ ଉତ୍ସବ
  • ||
  • ସରିଲା ଗ୍ରୀଷ୍ମ ଛୁଟି, କାଲିଠୁ ଖୋଲିବ ସ୍କୁଲ: ଶିକ୍ଷକ ଆସି କରିବେ ସମସ୍ତ ବ୍ୟବସ୍ଥା
  • ||
  • ନୂଆପଡା ଲଛିପୁର ଛକରେ ଟ୍ରାକ୍ଟର୍କୁ ପିଟିଲା କାର, ମର୍ମନ୍ତୁଦ ଦୁର୍ଘଟଣାରେ ଚାଲିଗଲା ୪ ଜୀବନ
  • ||
  • ନାକେଦମ୍‌ କଲାଣି ଭୀଷଣ ତାତି ସାଙ୍ଗକୁ ଗୁଳୁଗୁଳି: ଆଗଉନି ମୌସୁମୀ, ବର୍ଷା ଗାଏବ
  • ||

ପଞ୍ଚମ ଟ୍ରଫି ସହ ଟିମ୍‌ ଇଣ୍ଡିଆର ପ୍ରତ୍ୟାବର୍ତ୍ତନ ଲକ୍ଷ୍ୟ

ଟିମ୍‌ ଇଣ୍ଡିଆର ଗସ୍ତ କାର୍ଯ୍ୟକ୍ରମ ଶେଷ ହେବାକୁ ଯାଉଛି । ଆସନ୍ତା କାଲି ସେଡନ ପାର୍କରେ ଅନ୍ତିମ ମୁକାବିଲା ଖେଳି ଭାରତୀୟ ଦଳ ସ୍ୱଦେଶ ଫେରିବ । ଅନ୍ତିମ ମ୍ୟାଚ୍‌ ସହ ଅନ୍ତିମ ଟାଇଟଲକୁ ମଧ୍ୟ ହାତେଇବାକୁ ଦଳ ଯୋଜନା ପ୍ରସ୍ତୁତ କରିସାରିଛି । ୩ମ୍ୟାଚ୍‌ ବିଶିଷ୍ଟ ସିରିଜ୍‌ରେ ଉଭୟ ଦଳ ଗୋଟିଏ ଲେଖାଏଁ ମ୍ୟାଚ୍‌ ଜିତି ସାରିଛନ୍ତି । ଫଳରେ ଆସନ୍ତାକାଲିର ମ୍ୟାଚ୍‌ ସିରିଜ୍‌ ଫଳାଫଳ ନିର୍ଣ୍ଣୟ କରିବ । ନ୍ୟୁଜିଲାଣ୍ଡ ମଧ୍ୟ କଡ଼ା ଟକ୍କର ଦେବାକୁ ଅପେକ୍ଷା କରିଛି ।
୩ମାସରେ ପଞ୍ଚମ ଟାଇଟଲ: ଗତ ନଭେମ୍ବର ମାସରେ ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜ୍‌ରୁ ଭାରତର ଗସ୍ତ ଅଭିଯାନ ଆରମ୍ଭ ହୋଇଥିଲା । ୩ମ୍ୟାଚ୍‌ ବିଶିଷ୍ଟ ଟି-ଟ୍ୱେଣ୍ଟି ସିରିଜ୍‌ ୧-୧ରେ ଡ୍ର’ ରହିଥିଲା । ଉଭୟ ଦଳ ଯୁଗ୍ମ ବିଜେତା ଘୋଷିତ ହୋଇଥିଲେ । ଏହାପରେ ବର୍ଡର-ଗାଭାସ୍କର ଟେଷ୍ଟ ସିରିଜ୍‌କୁ ୨-୧ରେ ଓ ୩ମ୍ୟାଚ୍‌ ବିଶିଷ୍ଟ ଦିନିକିଆ ସିରିଜକୁ ୨-୧ରେ ଜିତି ଅଷ୍ଟ୍ରେଲିଆ ଗସ୍ତ ଅଭିଯାନ ଶେଷ କରିଥିଲା ।
ଅଷ୍ଟ୍ରେଲିଆରୁ ନ୍ୟୁଜିଲାଣ୍ଡରେ ପହଞ୍ଚି ଭାରତ ପ୍ରଥମେ ୫ମ୍ୟାଚ୍‌ ବିଶିଷ୍ଟ ଦିନିକିଆ ସିରିଜ୍‌ ଖେଳିଥିଲା । ଏହି ସିରିଜ୍‌ରେ ଭାରତ ୪-୧ରେ ବିଜୟ ହାସଲ କରିଥିଲା । ବର୍ତ୍ତମାନ ୩ମ୍ୟାଚ୍‌ ବିଶିଷ୍ଟ ଟି-ଟ୍ୱେଣ୍ଟି ସିରିଜ୍‌ ୧-୧ରେ ବରାବର ରହିଛି ।
ରେକର୍ଡ କରିବେ ରୋହିତ: ଆସନ୍ତାକାଲି ଟିମ୍‌ ଇଣ୍ଡିଆ ଅଧିନାୟକ ରୋହିତ ଶର୍ମାଙ୍କ ଉପରେ ନଜର ରହିବ । ସେ ଟି-ଟ୍ୱେଣ୍ଟିରେ ଛକା ରେକର୍ଡ ଭଙ୍ଗ କରିପାରନ୍ତି । ଇତି ମଧ୍ୟରେ ରୋହିତ ୧୦୨ଟି ଛକା ମାରି ସାରିଛନ୍ତି । ୱେଷ୍ଟଇଣ୍ଡିଜ୍‌ର କ୍ରିସ୍‌ ଗେଲ୍‌ ଓ ନ୍ୟୁଜିଲାଣ୍ଡର ମାର୍ଟିନ ଗୁପତିଲ ସର୍ବାଧିକ ୧୦୩ଟି ଲେଖାଏଁ ଛକା ମାରିଛନ୍ତି ।
ଆସନ୍ତାକାଲି ଭାରତ ଜିତିଲେ ରୋହିତଙ୍କ ନାମରେ ଆଉ ଏକ ରେକର୍ଡ ନାମିତ ହେବ । ସେ ଅଧିନାୟକ ଭାବେ ୧୨ଟି ମ୍ୟାଚ୍‌ ଜିତି ସାରିଛନ୍ତି । ସ୍ଥାୟୀ ଅଧିନାୟକ ବିରାଟ କୋହଲି ମଧ୍ୟ ୧୨ଟି ମ୍ୟାଚ୍‌ ଜିତିଛନ୍ତି । ଆସନ୍ତାକାଲି ସେ କୋହଲିଙ୍କ ଅତିକ୍ରମ କରିବା ସମ୍ଭାବନା ରହିଛି ।
ନ୍ୟୁଜିଲାଣ୍ଡ ଦଳରେ ହେବ ପରିବର୍ତ୍ତନ: ଆସନ୍ତାକାଲି ନ୍ୟୁଜିଲାଣ୍ଡ ଏକାଦଶରେ ପରିବର୍ତ୍ତନ କରିବା ଆଶା କରାଯାଉଛି । ପ୍ରତିଭାବାବନ୍‌ ପେସ୍‌ ବୋଲର ସ୍କଟ୍‌ କୁଗେଲିନ୍‌ ୨ଟି ମ୍ୟାଚ୍‌ ଖେଲିସାରିଥିଲେ ହେଁ ଏପର୍ଯ୍ୟନ୍ତ ସଫଳ ହୋଇପାରି ନାହାନ୍ତି । ଆସନ୍ତାକାଲି ତାଙ୍କୁ ଏକାଦଶରୁ ବାଦ ଦେଇ ଜିମ୍ମି ନିସମଙ୍କୁ ସୁଯୋଗ ମିଳିପାରେ। ସେହିପରି ଫାଷ୍ଟ ବୋଲର ଲୋକି ଫର୍ଗୁସନଙ୍କୁ ବିଶ୍ରାମ ଦେବାକୁ ଦଳ ଚିନ୍ତା କରୁଛି । ଫଳରେ ତାଙ୍କ ସ୍ଥାନରେ ବ୍ଲେୟାର ଟିକ୍‌ନର ପଦାର୍ପଣ କରିପାରନ୍ତି । ବ୍ୟାଟ୍ସମ୍ୟାନଙ୍କୁ ସହାୟତା କରିବ । ଗତବର୍ଷ ଏଠାରେ ଇଂଲଣ୍ଡ ଓ ନ୍ୟୁଜିଲାଣ୍ଡ ମଧ୍ୟରେ ଅନୁଷ୍ଠିତ ଟି-ଟ୍ୱେଣ୍ଟି ମୁକାବିଲାରେ ମୋଟ୍‌ ୩୮୬ ରନ୍‌ ସଂଗୃହୀତ ହୋଇଥିଲା । ମନ୍‌ରୋ ଏହି ମ୍ୟାଚ୍‌ରେ ୧୮ଟି ବଲ୍‌ରୁ ଅର୍ଦ୍ଧଶତକ ଅର୍ଜନ କରିଥିଲେ । ଫଳରେ ଆସନ୍ତାକାଲି ଟସ୍‌ ବିଜୟୀ ଦଳ ପ୍ରଥମେ ବ୍ୟାଟିଂ କରି ବଡ଼ ସ୍କୋର କରିବା ଆଶା କରାଯାଉଛି ।
ସମ୍ଭାବ୍ୟ ଦଳ
ଭାରତ: ରୋହିତ ଶର୍ମା(ଅଧିନାୟକ), ଶିଖର ଧାୱନ, ରିଶବ ପନ୍ତ, ବିଜୟ ଶଙ୍କର, ମହେନ୍ଦ୍ର ସିଂ ଧୋନି, ହାର୍ଦ୍ଦିକ ପାଣ୍ଡ୍ୟା, କୃନାଲ ପାଣ୍ଡ୍ୟା, ଭୁବନେଶ୍ୱର କୁମାର, କୁଲଦୀପ ଯାଦବ, ଖଲିଲ ଅହମ୍ମଦ, ୟୁଝବେନ୍ଦ୍ର ଚହଲ ।
ନ୍ୟୁଜିଲାଣ୍ଡ: କେନ ୱିଲାମସନ(ଅଧିନାୟକ), କଲିନ୍‌ ମନ୍‌ରୋ, ଟିମ୍‌ ସାଇଫର୍ଟ, ରସ ଟେଲର, ଡାରିଲ୍‌ ମିଚେଲ, ଜିମ୍ମି ନିସମ୍‌,କଲିନ୍‌ ଡି ଗ୍ରାଣ୍ଡହୋମ୍‌, ମିଚେଲ ସାଣ୍ଟନର, ଟିମ୍‌ ସାଉଦି, ଆଇସ ସୋଦ୍ଧି, ବ୍ଲେୟାର ଟିକ୍‌ନର

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.