ସୋର, ୧୨।୧ : ସୋର ପୋଲିସ ଏକ ଡକାୟତି ଘଟଣାରେ ୨ ଜଣ ଡକାୟତ ଓ ସୁନା ଗହଣା କିଣିବା ଅଭିଯୋଗରେ ଚାରି ଜଣଙ୍କୁ ଗିରଫ କରିଛି l ଏଥିସହ ସେମାନଙ୍କ ନିକଟରୁ ୯୦ ଗ୍ରାମ ସୁନା ଓ ୨୦ ହଜାର ଟଙ୍କା ପୋଲିସ ଜବତ କରିଛି।
ଗତ ଡିସେମ୍ବର ୨୯ ତାରିଖ ସୋର ଥାନା ପାଖର ସରସ୍ବତୀ ପୁର ଗ୍ରାମର ଭୋଳାନାଥ ପୁହାଣ ତାଙ୍କ ସ୍ତ୍ରୀ ନିକଟସ୍ଥ ଖୁସି ମହୋତ୍ସବ ଦେଖିବାକୁ ଯାଇଥିଲେ l ସେତେବେଳେ ତାଙ୍କ ପରିବାର ଲୋକ ଘରେ ଅନୁପସ୍ଥିତ ରହିବା ସୁଯୋଗ ନେଇ ତାଙ୍କ ଘରୁ ଏକ ଡକାୟତମାନେ କବାଟ ଭାଙ୍ଗି ନଗଦ ୨ଲକ୍ଷ ୫୦ ହଜାର ଟଙ୍କା, ତିନି ଶହ ଗ୍ରାମର ସୁନା ଅଳଙ୍କାର ଚୋରୀ କରି ଥିଲେ l ସୋର ପୋଲିସ ତଦନ୍ତ କରି ବାସୁଦେବ ପୁରରୁ ସେକ ରିଆଦ୍ଦିନ, ସାହସପୁରାର ସଲିମ ଶାହା ଧରିବାରେ ସଫଳ ହୋଇଛି l ଏହି ଦୁଇ ଅଭିଯୁକ୍ତଙ୍କ ଠାରୁ ସୁନା ଗହଣା କିଣିବା ଅଭିଯୋଗରେ ଜଗବନ୍ଧୁ ସାହୁ, ମନୋରଞ୍ଜନ ସାହୁ, ପ୍ରକାଶ ବେହେରା ଓ ଅକ୍ଷୟ ଚୌହାନକୁ ଗିରଫ କରିଛି l ସୋର ପୋଲିସ ଅଭିଯୁକ୍ତମାନଙ୍କ ଠାରୁ ୯୦ଗ୍ରାମ ସୁନା, ନଗତ ୨୦ ହଜାର ୪ ଶହ ଟଙ୍କା, , ମୋବାଇଲ ୬ଟା, ଛଅ ଶହ ପଞ୍ଚସଠି ଗ୍ରାମ ରୂପା, ଛୋଟ ଡିଜିଟାଲ ଓଜନ ମେସିନ, ଦୁଇଟି ମଟର ସାଇକେଲ ଜବତ କରିଛି l ଅଭିଯୁକ୍ତ ସେକ ରିଆଦ୍ଦିନ ନାମରେ ପୂର୍ବରୁ ଭଦ୍ରକ ଜିଲ୍ଲା ଅଗରପଡା, ସାବରଙ୍ଗ, ଭଦ୍ରକ, ପୁରୁଣାବଜ଼ାର, ବାସୁଦେବ ପୁର, ତିହିଡି ଥାନା ଓ ବାଲେଶ୍ୱର ଜିଲ୍ଲା ସୋର ଥାନାରେ ବିଭିନ୍ନ ମାମଲା ଓ ସଲିମ ଶାହା ନାମରେ ସୋର ଥାନାରେ ମାମଲା ରହିଥିବା ବାଲେଶ୍ୱର ଏସପି ରାଜ ପ୍ରସାଦ ସୋର ଥାନାରେ ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି