PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲେଖକ ସଲମାନ ରୁଶଦୀଙ୍କୁ ଆକ୍ରମଣ , ପଶ୍ଚିମ ନ୍ୟୁୟର୍କର ଏକ କାର୍ଯ୍ୟକ୍ରମରେ ମଞ୍ଚ ଉପରେ ଭାଷଣ ଦେଇଥିବା ବେଳେ ଛୁରାମାଡ଼ , ରକ୍ତ ଜୁଡୁବୁଡୁ ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ଲକ୍ଷ୍ନୌ : ସ୍ୱାଧିନତା ଦିବସ ପୂର୍ବରୁ ୟୁପି ଏଟିଏସ୍‌କୁ ବଡ଼ ସଫଳତା । ସହାରନପୁରରୁ ଦୁଇ ଆତଙ୍କବାଦୀଙ୍କୁ କଲା ଗିରଫ । ସ୍ୱାଧିନତା ଦିବସରେ ବଡ଼ ହମଲା କରିବାର ଯୋଜନା କରୁଥିଲେ
  • ||
  • କୋଏମ୍ବାଟୁର : ବେଙ୍ଗାଲୁରରୁ ମାଳଦ୍ୱୀପର ମାଲେ ଯାଉଥିବା ଗୋ ଫାଷ୍ଟ ବିମାନର ଜରୁରୀ ଅବତରଣ, ୯୨ ଯାତ୍ରୀଙ୍କୁ ନେଇ ଯାଉଥିବାବେଳେ ତାତି ଗଲା ଇଞ୍ଜିନ
  • ||
  • ଉଦୟପୁର : ଉଦୟପୁର କହ୍ନୈୟାଲାଲ ହତ୍ୟାକାଣ୍ଡରେ କଥିତ ଷଡ଼ଯନ୍ତ୍ରକାରୀ ମୁସ୍ଲିମ୍ ଖାନକୁ ଗିରଫ କଲା ଏଏନଆଇ
  • ||
  • ଅନନ୍ତନାଗ : ଜମ୍ମୁ-କଶ୍ମୀରର ଅନନ୍ତାଗରେ ପୁଲିସ୍ ଓ ସିଆରପିଏଫ ଯବାନଙ୍କ ମଳିତ ପାର୍ଟି ଉପରେ ଆତଙ୍କବାଦୀ ଆକ୍ରମଣ, ଆହତ ପୋଲିସ କର୍ମୀ ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ଭାରତୀୟ ବାୟୁସେନାର ଏକ ଦଳ ମାଲେସିଆ ଗସ୍ତରେ ଯାଇଛନ୍ତି, ଏହି ଦଳ ଦୁଇଦେଶ ମଧ୍ୟରେ ଦ୍ବିପାକ୍ଷୀକ ଯୁଦ୍ଧାଭ୍ୟାସକୁ ନେଇ ଆୟୋଜିତ କାର୍ଯ୍ୟକ୍ରମ ‘ଉଦାରଶକ୍ତି’ରେ ଭାଗ ନେବେ
  • ||
  • ମୋହନା : ସଂଗଠନ ଛାଡ଼ିଥିବା ମାଓବାଦୀ ପ୍ରଫୁଲ୍ଲ ପରିଚ୍ଛାକୁ ଗିରଫ କଲା ଅଡ଼ବା ପୋଲିସ, ଥାନାରେ ରହିଛି ୭ ମାମଲା
  • ||
  • ବୌଦ୍ଧ : ବୌଦ୍ଧ ୫୭ନଂ ଜାତୀୟ ଖୁଣ୍ଟବନ୍ଧ ଛକ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା, ୨ ମୃତ
  • ||
  • ଭୁବନେଶ୍ବର : ପିପିଲି ଟୋଲ ପ୍ଲାଜା ନିକଟରେ ଓଲଟିଲା ବସ୍, ଜଣେ ମୃତ ଓ ୨୦ଆହତ
  • ||
  • ନୟାଗଡ଼ : ବାଘ ଶୀକାର କରି ଫଟୋ ଉଠାଇବା ପଡ଼ିଲା ମହଙ୍ଗା, ୫ ବର୍ଷ ପରେ ଧରାପଡ଼ିଲା ବାଘ ଶିକାରୀ
  • ||
  • ବାରିପଦା : ସୁବର୍ଣ୍ଣରେଖା ଓ ଦେଓ ଜଳସେଚନ ପ୍ରକଳ୍ପ ଲୋକାର୍ପଣ କଲେ ମୁଖ୍ୟମନ୍ତ୍ରୀ, ୨୭ ହଜାର ହେକ୍ଟରରୁ ଉର୍ଦ୍ଧ୍ଵ ଜମିକୁ ମିଳିବ ଜଳସେଚନ ସୁବିଧା
  • ||
  • ଉଦଳା : ଉଦଳା ଏନଏସି ଅଧୀନ ୱାର୍ଡ ନମ୍ବର ୩ରେ ଥିବା ଅଙ୍ଗନବାଡି କେନ୍ଦ୍ରରେ କୃମି ଔଷଧ ଖାଇ ଶିଶୁ ପୁତ୍ର ଗୁରୁତର , ଡାକ୍ତରଖାନାରେ ଭର୍ତ୍ତି
  • ||
  • ସମ୍ବଲପୁର : ହୀରାକୁଦର ତଳମୁଣ୍ଡରେ ବନ୍ୟା ପରିସ୍ଥିତି ସୃଷ୍ଟି ସମ୍ଭାବନା, ସତର୍କ ସୂଚନା ଜାରି କଲା ପ୍ରଶାସନ
  • ||
  • ପାଟଣା : ଘର ଉପରେ ମାଡ଼ି ବସିଲା ବିରାଟକାୟ ବଉଳ ବୃକ୍ଷ, ଅଳ୍ପକେ ବର୍ତ୍ତିଲେ ପରିବାର ଲୋକ
  • ||
  • ପୁରୀ : ଶ୍ରୀମନ୍ଦିରରେ ଗହ୍ମା ପୂର୍ଣ୍ଣିମା ଉତ୍ସବ, ବୀରଡୋରିରେ ଦୁଇ ଭାଇଙ୍କ ହାତରେ ୬ ଥାକିଆ ରାକ୍ଷୀ ବାନ୍ଧିଲେ ଭଉଣୀ ସୁଭଦ୍ରା
  • ||
  • ପାଟଣା : ଚୋରାଚାଲାଣ ବେଳେ ମାଡ଼ିବସିଲା ବନ ବିଭାଗ, ଶାଳ କାଠ ବୋଝେଇ ସ୍କର୍ପିଓ ଜବତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ଆଶଙ୍କା
  • ||
  • ଭଦ୍ରକ : ଫୁଲୁଛି ବୈତରଣୀ ଓ ସାଳନ୍ଦୀ, ହଦଗଡ଼ ଡ୍ୟାମ୍‌ରୁ ୨ଟି ଗେଟ୍ ଦେଇ ହେଉଛି ବନ୍ୟାଜଳ ନିଷ୍କାସନ
  • ||

ଭାରତ ପରେ ପାକିସ୍ତାନକୁ ଇରାନର ଚେତାବନୀ: ବହୁତ ହେଲା ଆତଙ୍କବାଦ, ରୋକା ନ ଗଲେ ଫଳ ଭୋଗିବ

ନୂଆଦିଲ୍ଲୀ,୧୭।୨(ଏଜେନ୍ସି): ଆତଙ୍କବାଦୀର ଜନ୍ମଭୂମି ପାକିସ୍ତାନକୁ ଏବେ ଭାରତ ପରେ ଇରାନରୁ  ମଧ୍ୟ ଚେତାବନୀ ମିଳିଛି। ଇରାନ ନିଜର ଏଲିଟ୍ କମାଣ୍ଡୋ ଫୋର୍ସେଜ୍ ରିଭ୍ୟୁଲୁସନାରି ଗାର୍ଡ ଉପରେ ଗତ ବୁଧବାର  ହୋଇଥିବା  ଆତଙ୍କବାଦୀ ଆକ୍ରମଣ ପାଇଁ ପାକିସ୍ତାନକୁ ସିଧାସଳଖ ଭାବରେ ଦାୟୀ କରିଛି। ଏହା ସହ ଇରାନ କହିଛି ପାକିସ୍ତାନକୁ ଏଥିପାଇଁ ବଡ ଧରଣର ମୂଲ୍ୟ ଦେବାକୁ ହେବ। ଗତ ବୁଧବାର ଇରାନର ଇସ୍ତେଫହାନ ସହରରେ ହୋଇଥିବା ଏହି ଆତ୍ମଘାତୀ ଆକ୍ରମଣରେ ରିଭ୍ୟୁଲସନାରୀ ଗାର୍ଡସର ୨୭ ଯବାନଙ୍କ ଜୀବନ ଯାଇଥିଲା। ସେଭଳି ୧୪ ଫେବୃଆରୀରେ ଜମ୍ମୁ-କଶ୍ମୀର ପୁଲଓ୍ବାମାରେ ହୋଇଥିବା ଆତଙ୍କବାଦୀ ଆକ୍ରମଣରେ ସିଆରପିଏଫର ୪୦ ଯବାନ ଶହୀଦ ହୋଇଥିଲେ। ଅର୍ଥାତ ପାକିସ୍ତାନରେ ବସିଥିବା ଆତଙ୍କବାଦୀଙ୍କ ମୁଖ୍ୟଙ୍କର ଆକ୍ରମଣରେ ଦୁଇ ଦେଶର ମୋଟ ୬୭ ଜଣ ଯବାନ ଶହୀଦ ହୋଇଛନ୍ତି।
ରିଭ୍ୟୁଲୁସନାରୀ ଗାର୍ଡସ  ପାକିସ୍ତାନକୁ ଚେତାବନୀ ଦେଇ କହିଛି ’ଯଦି ପାକିସ୍ତାନ ସରକାର ତାଙ୍କୁ ଦଣ୍ଡିତ ନକରେ ତେବେ  ଆତଙ୍କବାଦୀ  ସଂଗଠନକୁ କଡା ଜବାବ୍ ଦିଆଯିବ  ଓ ପାକିସ୍ତାନକୁ ତାଙ୍କର ସମର୍ଥନ କରିବାର ଫଳାଫଳ ଭୋଗିବାକୁ ହେବ।  

ଏନେଇ ଇରାନର ଉପ-ବୈଦେଶିକ ମନ୍ତ୍ରୀ ସୈୟେଦ ଅବାସ ଅରଗାଚି ତେହରାନରେ ଭାରତର ବୈଦେଶିକ ମନ୍ତ୍ରୀ ସୁଷମା ସ୍ବରାଜଙ୍କୁ ସାକ୍ଷାତ କରିବା ପରେ ପାକିସ୍ତାନର ନାଁ ନନେଇ କହିଛନ୍ତି ଏବେ ପରିସ୍ଥିତି ନିୟନ୍ତ୍ରଣ ବାହାରେ। ବୈଦେଶିକ ମନ୍ତ୍ରୀ ସୁଷମା ସ୍ବରାଜ ନିଜର ୩ ଦିନିଆ ବିଦେଶ ଯାତ୍ରାରେ ଯିବା ବେଳେ ଇରାନର ରାଜଧାନୀ ତେହରାନରେ ରହିଥିଲେ। ଇରାନ ଉପ ବୈଦେଶୀକ ମନ୍ତ୍ରୀ ସୈୟେଦ ଅବାସ ଅରଗାଚି ଟ୍ବିଟ୍ କରି କହିଛନ୍ତି ଗତ କିଛି ଦିନ ହେବ ଦୁଇ ଦେଶର ଖୁବ୍ କ୍ଷତି ହୋଇଚି।  ଆଜି ଭାରତର ବୈଦେଶିକ ମନ୍ତ୍ରୀ ସୁଷମା ସ୍ବରାଜଙ୍କ ସହ ବୈଠକରେ ଆମେ ଆତଙ୍କବାଦ ବିରୋଧରେ ମିଳିତ ପଦକ୍ଷେପ ନେବାର ନିଷ୍ପତ୍ତି ନେଇଚୁ।

ଏହା ପୂର୍ବରୁ ଇରାନର ରିଭ୍ୟୁଲୁସନାରୀ ଗାର୍ଡ ନିଜର ସୈନିକଙ୍କ ଉପରେ ହୋଇଥବା ଆତ୍ମଘାତୀ ଆକ୍ରମଣରେ ପାକିସ୍ତାନ ଉପରେ ଷଡଯନ୍ତ୍ରକାରୀଙ୍କୁ ସମର୍ଥନ ଦେବାର ଅଭିଯୋଗ କରିଥିଲା। ରିଭ୍ୟୁଲୁସନାରୀ ଗାର୍ଡସ କମାଣ୍ଡର ମେଜର ଜେନେରାଲ ମହମ୍ମଦ ଅଲ୍ଲୀ ଜାଫରି ସ୍ପଷ୍ଟ ଭାବରେ ପାକିସ୍ତାନର ନା ନେଇ କହିଥିଲେ ପାକିସ୍ତାନର ଇମ୍ରାନ୍ ଖାନ୍ ସରକାର ଜାଣନ୍ତି ଯେ ଆତଙ୍କବାଦୀ ସଂଗଠନ ଜୈଶ-ଅଲ-ଅଦଲ ଓ ଇସ୍ଲାମ ପାଇଁ ବିପଦ ହୋଇସାରିଥିବା ଜେହାଦୀ ତତ୍ତ୍ବ କେଉଁଠି ଅଛନ୍ତି। ସେମାନଙ୍କୁ ପାକିସ୍ତାନ ସୁରକ୍ଷା ଏଜେନ୍ସିର ସମର୍ଥନ ମିଳୁଛି।

ସମ୍ବନ୍ଧିତ ଖବର