PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସ୍ୱାସ୍ଥ୍ୟ ମନ୍ତ୍ରୀ ନବ ଦାସଙ୍କ ପରଲୋକ , ଗୁଳିମାଡ଼ ପରେ ତାଙ୍କୁ ଭୁବନେଶ୍ୱରରେ ହସ୍ପିଟାଲରେ ଭର୍ତ୍ତି କରାଯାଇ ଥିଲା
  • ||
  • ମାଲକାନଗିରି : ମାଓଗଡ଼ରେ ସରକାରଙ୍କ ପକ୍ଷରୁ ୨୦୦ ଗରିବ ଆଦିବାସୀଙ୍କୁ ମୋବାଇଲ ଫୋନ ବଣ୍ଟନ
  • ||
  • ପାକିସ୍ତାନରେ ପୁଣି ମହଙ୍ଗା ମାଡ଼, ପେଟ୍ରୋଲ-ଡିଜେଲ ଦାମରେ ୩୫ ଟଙ୍କା ବୃଦ୍ଧି
  • ||
  • ଝାରସୁଗୁଡ଼ା: ମନ୍ତ୍ରୀ ନବ ଦାସଙ୍କୁ ଗୁଳି ମାଡ଼: ଛାତିରେ ବାଜିଛି ଗୁଳି, ଗୁରୁତର ଅବସ୍ଥାରେ ନିଆଯାଉଛି ହସ୍ପିଟାଲ
  • ||
  • ହକି ବିଶ୍ୱକପ୍‌: ସୁପର ସଣ୍ଡେରେ ଫାଇନାଲ୍ ଫାଇଟ୍, ବେଲଜିୟମ-ଜର୍ମାନୀ ମଧ୍ୟରେ ଟାଇଟଲ ଟକ୍କର
  • ||
  • ଭୂକମ୍ପରେ ଥରିଲା ଇରାନ୍, ୭ ମୃତ, ୪୦୦ରୁ ଅଧିକ ଆହତ
  • ||
  • ମୟୂରଭଞ୍ଜ: ହାତୀମୃତ ଦେହ ମିଳିବା ଘଟଣାରେ ୪ ଶିକାରୀ ଗିରଫ, ୨ ହାତୀଦାନ୍ତ ଜବତ…
  • ||
  • ଆଜି ଦ୍ୱିତୀୟ ଟି-ଟ୍ୱେଣ୍ଟି: ଭାରତ ପାଇଁ ‘କର ବା ମର’, ସିରିଜ ଜିତି ସ୍ୱଦେଶ ଫେରିବା ଲକ୍ଷ୍ୟରେ ନ୍ୟୁଜିଲାଣ୍ଡ
  • ||
  • ଭୁବନେଶ୍ୱର: ଫେବ୍ରୁଆରୀ ୧୦ରେ ଓଡ଼ିଶା ଆସିବେ ରାଷ୍ଟ୍ରପତି ! ସଜେଇ ହେଉଛି ରମାଦେବୀ ମହିଳା ବିଶ୍ୱବିଦ୍ୟାଳୟ
  • ||
  • ଭୁବନେଶ୍ୱର: ଚିନାବାଦାମ ଚାଷର ନୂତନ ଜ୍ଞାନକୌଶଳ ଶିଖିବେ ଓଡ଼ିଆ କୃଷକ, ୮୦ ଚାଷୀଙ୍କୁ ଗୁଜରାଟ ପଠାଇଲା ସୋଆ
  • ||

ସୁନା ବିସ୍କୁଟ୍‌ ଦେବା ନାଁରେ ୭ ଲକ୍ଷ ଲୁଟ୍‌ ମାମଲା: ଫେରାର ଅଭିଯୁକ୍ତ ଧରାପଡ଼ିଲା

ଭୁବନେଶ୍ୱର,୧୦ ।୨(ବ୍ୟୁରୋ): ସୁନା ବିସ୍କୁଟ୍‌ ଦେବା ନାଁରେ ୭ ଲକ୍ଷ ଟଙ୍କା ଲୁଟିବା ମାମଲାରେ ଫେରାର୍‌ ଥିବା ଅନ୍ୟଜଣେ ଅଭିଯୁକ୍ତକୁ ଖଣ୍ଡଗିରି ଥାନା ପୁଲିସ ଗିରଫ କରିଛି । ତାଙ୍କ ନାମ ସୁରେଶ ଓରଫ ରମେଶ ମହାନ୍ତି । ଘର ବେଗୁନିଆ କଡ଼ବ । ସେ ଖାରବେଳନଗର ଥାନା ଅନ୍ତର୍ଗତ ଶାସ୍ତ୍ରୀନଗରରେ ରହୁଥିଲେ ।
ପୁଲିସ ସୂଚନା ଅନୁଯାୟୀ, କଟକ କାନପୁର ଥାନା ଅନ୍ତର୍ଗତ ହରିପୁରର ତୋଫାନ ମହାପାତ୍ର ଝାରପଡ଼ାରେ ରହୁଥିଲେ । ତାଙ୍କର ଜଣେ ସଂପର୍କୀୟ ଭାଇ ନଗେନ୍‌ ପଣ୍ଡା ହରିପୁରରେ ଏକ ଜୁଏଲାରୀ ଦୋକାନ କରିଥିଲେ । ଶାସ୍ତ୍ରୀନଗରରେ ରହୁଥିବାରୁ ତୋଫାନଙ୍କର ରାଜେନ୍ଦ୍ର ମହାନ୍ତିଙ୍କ ସହ ଜଣାଶୁଣା ଥିଲା । ତୋଫାନଙ୍କ ସଂପର୍କୀୟ ଭାଇ ଜୁଏଲାରୀ ଦୋକାନ କରିଥିବା ଜାଣିବା ପରେ ରାଜେନ୍ଦ୍ର ତାଙ୍କୁ ଲୁଟିବା ପାଇଁ ଯୋଜନା କରିଥିଲେ । ସେ ତୋଫାନଙ୍କୁ କହିଥିଲେ କି, ମୋର ଜଣେ ବନ୍ଧୁ ସୁନା ବିସ୍କୁଟ୍‌ କାରବାର କରୁଛନ୍ତି । ସେ କମ୍‌ ଟଙ୍କାରେ ସୁନା ଯୋଗାଇ ଦେଉଛନ୍ତି । ତେଣୁ ସୁନା ଦୋକାନ ଦେଇଥିବା ନଗେନ୍‌ଙ୍କୁ କୁହ ତାଙ୍କ ଠାରୁ ସୁନା କିଣିବା ପାଇଁ । ୭ ଲକ୍ଷ ଟଙ୍କା ଦେଲେ ୧୦ ଲକ୍ଷ ଟଙ୍କାର ସୁନା ପାଇବାର ଲୋଭ ଦେଖାଇଥିଲେ ରାଜେନ୍ଦ୍ର । ଗତ ଡିସେମ୍ବର ୨୩ ତାରିଖକୁ ଦିନ ଧାର୍ଯ୍ୟ ହୋଇଥିଲା ରାମମନ୍ଦିର ନିକଟରେ ସୁନା କିଣାବିକା ପାଇଁ । ତୋଫାନ ଓ ତାଙ୍କ ଭାଇ ନଗେନ୍‌ ଟଙ୍କା ଧରି ରାମମନ୍ଦିର ନିକଟରେ ପହଞ୍ଚିଥିଲେ । ସେମାନେ ରାଜେନ୍ଦ୍ରଙ୍କୁ ଫୋନ୍‌ କରିବାରୁ ରାଜେନ୍ଦ୍ର ତାଙ୍କୁ କହିଥିଲେ କି ସୁନା ଦେବା ପାର୍ଟି ଟାଉନ୍‌ ଭିତରକୁ ସୁନା ଆଣି ଆସିବାକୁ ମନା କରୁଛନ୍ତି । ତେଣୁ ତୁମେ ସନ୍ଧ୍ୟାରେ ଶ୍ୟାମପୁର ଅଞ୍ଚଳରେ ଥିବା ଏକ ଗେଷ୍ଟ ହାଉସକୁ ଆସ । ସନ୍ଧ୍ୟାରେ ତୋଫାନ ଓ ନଗେନ୍‌ ଟଙ୍କା ଧରି ଶ୍ୟାମପୁର ନିକଟ ରାସ୍ତାରେ ପହଞ୍ଚିଥିଲେ । ସେଠାରେ ପୂର୍ବରୁ ରାଜେନ୍ଦ୍ର ଛିଡ଼ା ହୋଇଥିଲେ । ସେମାନେ କଥାବାର୍ତ୍ତା ହେଉଥିବା ବେଳେ ଏହି ସମୟରେ ଏକ ବାଇକ୍‌ରେ ଦୁଇଜଣ ଯୁବକ ସେଠାରେ ପହଞ୍ଚିଥିଲେ । ମାରଣାସ୍ତ୍ର ଦେଖାଇ ସେମାନଙ୍କୁ ଭୟଭୀତ କରାଇବା ସହ ନଗେନଙ୍କ ହାତରୁ ୭ ଲକ୍ଷ ଟଙ୍କା ଭର୍ତ୍ତି ବ୍ୟାଗ୍‌କୁ ଝାମ୍ପିନେଇ ପଳାଇଥିଲେ । ରାଜେନ୍ଦ୍ରଙ୍କ କହିବା ମୁତାବକ ଉଭୟ ତୋଫାନ, ରାଜେନ୍ଦ୍ର ଓ ଅନ୍ୟମାନେ ଖଣ୍ଡଗିରି ଥାନାକୁ ଅଭିଯୋଗ କରିବାକୁ ଆସୁଥିଲେ । ତେବେ ଅଧା ବାଟରୁ ରଜେନ୍ଦ୍ର ଖସି ପଳାଇଥିଲେ । ତେଣୁ ତାଙ୍କ ଉପରେ ତୋଫାନଙ୍କର ସନ୍ଦେହ ହୋଇଥିଲା । ଏନେଇ ସେମାନେ ଖଣ୍ଡଗିରି ଥାନାରେ ଅଭିଯୋଗ କରିଥିଲେ । ପୁଲିସ ଏକ ମାମଲା ରୁଜୁକରି ତଦନ୍ତ ଚଳାଇଥିଲା । ଜାନୁଆରୀ ପ୍ରଥମ ସପ୍ତାହରେ ପୁଲିସ କାଳନ୍ଦୀ ସାହୁ ନାମକ ଜଣେ ଲୁଟେରା ଓ ରାଜେନ୍ଦ୍ରଙ୍କୁ ଗିରଫ କରି ଜେଲ୍‌ ପଠାଇଥିଲା । ଫେରାର୍‌ ଥିବା ରମେଶଙ୍କୁ ପୁଲିସ ଗତକାଲି ରାତିରେ ଗିରଫ କରି ଆଜି କୋର୍ଟ ଚାଲାଣ କରିଥିଲା । ଜାମିନ୍‌ ନାମଞ୍ଜୁର ହେବାରୁ ତାଙ୍କୁ ଜେଲ୍‌ ହାଜତକୁ ପଠାଇ ଦିଆଯାଇଛି ।