ଅନାହାର ଆଶଙ୍କାରେ ଦକ୍ଷିଣ ସୁଦାନର ୭୦ ଲକ୍ଷ ଲୋକ: ଜାତିସଂଘ
ରୋମ,୨୩।୨: ଦକ୍ଷିଣ ସୁଦାନରେ ଲକ୍ଷାଧିକ ଲୋକେ ଅନାହାରରେ ଜୀବନ ବିତାଉଛନ୍ତି। ଏ ସମ୍ପର୍କରେ ଜାତିସଂଘର ସଦ୍ୟ ପରିସଂଖ୍ୟନ ଅନୁସାରେ ଜଣାପଡିଛି। ଜାତିସଂଘ ପକ୍ଷରୁ ଜାରି କରାଯାଇଥିବା ରିପୋର୍ଟ ଅନୁସାରେ ମଇରୁ ଜୁଲାଇ ମାସ ମଧ୍ୟରେ ୭୦ ଲକ୍ଷ ଲୋକଙ୍କ ଉପରେ ଅନାହାରର ସଙ୍କଟ ଆସିପାରେ। ୨୦୧୮ରେ ଖାଦ୍ୟଶସ୍ୟ ଉତ୍ପାଦନ ୬୧ ପ୍ରତିଶତ ଥିଲା। ଯାହାକି ଏବେ ହ୍ରାସ ପାଇ ୫୨ ପ୍ରତିଶତ ରହିବାର ଅନୁମାନ କରାଯାଉଛି।
ଦକ୍ଷିଣ ସୁଦାନରେ ବିଶ୍ବ ଖାଦ୍ୟ କାର୍ଯ୍ୟକ୍ରମରେ କାର୍ଯ୍ୟକାରୀ ନିର୍ଦେଶକ ସାଇମନ୍ କେମେଲବିକଙ୍କ ଅନୁସାରେ ୨୦୧୯ରେ ଖାଦ୍ୟ ଅସୁରକ୍ଷା ବଢିବାରେ ଲାଗିଛି। ତାଙ୍କର କହିବା ଅନୁସାରେ ଯଦି ଆମେ ଶୀଘ୍ର ସହାୟତା ପ୍ରଦାନ କରିବୁ ନାହିଁ ତେବେ ଦକ୍ଷିଣ ସୁଦାନରେ ଭୟାବହ ସ୍ଥିତି ସୃଷ୍ଟି ହୋଇପାରେ। କୁପୋଷିତ ମହିଳା ଓ ଶିଶୁଙ୍କୁ ବଞ୍ଚାଇବା ବହୁତ ଜରୁରୀ ହୋଇପଡିଛି। ସେମାନଙ୍କର ଖାଦ୍ୟ ସମ୍ପର୍କିତ ଆବଶ୍ୟକତାକୁ ପୂରଣ କରିବା ପାଇଁ ତୁରନ୍ତ ପଦକ୍ଷେପ ନେବାକୁ ପଡିବ।
